كلاكيت 2مرة

[adel_2346]

لمبة الزيت نورت تانى
قبل العيد اما نورت رحت غيرت زيت وفلتر والامور حلوة بقالها اسبوع منورتش ولا مرة يس امبارح مروح خدت كسرة فى الطريق جامدة حبتين مفيش مترين اللمبة نورت ركن على جنب وبطلت العربية شوية ودورتها تانى منورتش لحد مروحت انا مش عارف ممكن العيب يبقى من ايه تانى (الميكانيكى قالى طرمبة الزيت سليمة)اه المرة اللى فاتت اما نورت برده كنت خد بيها كام نقرة بسرعة مش عارف يا ترى العيب ده ممكن يكون ساعة الزيت ولا ايه
انا خلاص اتخنقت وبفكر جديا ابيع العربية دى
يا ريت اللى عنده فكرة يقولى

[original]

إحتمال فيه كابل مهزوز!!
إكشف كمبيوتر وشوف برده!!

[adel_2346]

المشكلة انى من الزقازيق ومفيش كشف كمبيوتر موثوق فيه متوفر

[original]

ليه مشكلة إنك من الزقازيق؟؟
عايزين المقابلة اللى جاية تبأا فى الزقازيق بس تغدينا بأا..
طيب ظبط الفرامل من ورا على الشعرة..
طيب مشوار فرامل اليد طويل وللا قصير؟؟ وبتوقف العربية وللا ضعيفة؟؟ يعنى ممكن تركن على منحدر بفرامل اليد؟؟ وبتحتاج تشدها جامد وللا من أقل شدة؟؟
هل تيل الفرامل الخلفى بتغيره جديد وللا بتملاه؟؟
الطنابير الخلفية مخروطة؟؟ طيب متتاكل منها كتير؟؟
البساتم مع تآكل الطنابير بتبأا مفتوحة على الآخر وده بيضعف قوتها سواء أمامية أو خلفية وساعات التيل مش بيقدر يلمها..

[adel_2346]

بس تعالو انتوا وملكوش دعوة باى حاجة

[M.Mostafa80]

باشا ممكن بس تروح لكهربائى يبصلك على الساعه بتاعت الزيت ودى بتبقى موجوده على ايدك الشمال وانت وشك لموتور العربيه بتبقى فوق مسطره الرشاشات دى يابايظه يأما فى حاجه فى السلك مكشوفه بتلمس

الأحتمال الأسؤ انها تكون طلمبه الزيت بتعلق وفى الحاله دى هتبقى مشكله وان شاء الله هتطلع فى ساعه الزيت

[adel_2346]

النهاردة رحت عند الميكانيكى فك الساعة ونضفها وركبتها

الميكانيكى كان قالى ان طرمبة الزيت سليمة بس عموما هى لو بتعلق اعرفها ازاى هو لمبة الزيت تنور 10ثوانى وتطفى والعملية دى بتحصل قليل جدا (قبل مغير الزيت والفلتر كانت كل مدور العربية تنور شوية وتطفى)والله انا زهقت والى زاد كامن ان الميكانيكى قالى ان اسعار العربيات فى الارض اوى اوى
ربنا يسهل وتبقى حاجة بسيطة

[original]

كتبت الرد بتاع الفرامل هنا غلط!!
معلش بأا كنت نايم..

[ابوهاشم]

ممكن يكون السلانسيه عاوز يعلى شويه

[M.Mostafa80]

ياترى أيه الأخبار يأستاذ عادل

[adel_2346]

اناعارف ان ان صدعت دماغكو بس معلش استحملونى انا امبارح رحت عند الميكانيكى نضفت ساعة الزيت والنهاردة رحت مشوار بالعربية اللمبة نورت فترة وطفت المهم اتقت معاه انو يجيبلى ساعة ونجرب باذن الله على يوم التلات لانى عندى امتحان ومش فاضى

سالتو على موضوع ان الطرمبة تكون معلقة قالى مش ممكن لان لو علقت المكنة تقفش على طول والله اعلبم
عموما دى هتبقى اخر محاولة وانزل بيها بعد كده الحرفيين ولونى مقلق لانى حاسس ان هيتعمل عليا حوارات المهم ربنا يسترها ومتشكر ليكو جداااا

[M.Mostafa80]

لا خالص وهو دا اللى كان نفسى تعملو من الأول ولو حسيت ان حد بيشتغلك كلمنا ولا يهمك انا رقمى 0113666755

[adel_2346]

الله يخليك باذن الله ممكن انزل يوم الجمعة

[original]

ممكن نعرف نوع الزيت ونوع الفلتر؟؟؟
لأنك ذكرت إنك لما غيرت زيت وفلتر أعدت أسبوعين ماشية تمام!!!!!
يا إما الزيت لزوجته مش كويسة يا إما الفلتر مش أصلى أو مسدود!! يكون عندك رواسب قديمة فى الكرتيرة؟؟
موضوع طرمبة الزيت أكيد لو بتعلق هتعمل معاك صوت أو هتلاقى رايش فى الزيت!!
أقوللك!! غير الفلتر وزود الزيت وجرب بس هات فلتر نضيف mann أو mahle
مش عارف ليه الموضوع له علاقة عندك بالمطبات والملفات!!
فيه إحتمال تكون ماصفة طرمبة الزيت مسدودة برواسب وطبعا مش هتبان غير لو فكيت الكارتيرة!!
مش عارف إيه ظروف منظفات زيت الموتور بس ممكن تعمل دورة غسيل وتنزل الزيت من الطبة عشان لو فيه رواسب تنزل مع الزيت!!
طمننا..

[adel_2346]

كان فيها موبيل 3000 كم كنت ماشى بيه 155 بس غيرت esso1000h الميكانيكى قالى اخف والفلتر نوعه غريب مش فاكر الصراحة المهم ان تقريبا المانى