مساعدة فى بولو 98

[M.Mostafa80]

لو زقيت الدراع بتاع المساحه فى اتجاه التابلو عكس الأمامى
هتلاقيها بتجيب معاك مياه من الخلف
المساحه مش حديد وياريتها حديد
مكنتش وجعت قلبنا

[elshrpeny]

طيب اومال خامتها إيه المونيا ؟
وبعدين أياً كانت خامتها هل هى موجوده اساسا ولا لاء ولو موجوده بكااااام ؟ لوحدها من غير المساحه نفسها لان المساحه يتجبلها اى مساحه ب 3 تعريفه والموضوع انتهى هى تقريبا المشكله فى الدراع .

[M.Mostafa80]

المشكله ان الدراع بلاستيك والكلبس بتاعه بلاستيك وهو من ضمن جسم الدراع نفسه يعنى لما بيتكسر يعوض ربنا وما بيركبش عليه غير الريشه بتاعته وعمتا هتلاقيه فى محلات قطع الغيار وسعره فى حدود ال 100 جنيه بس نصيحه لو لقيتها عندك شغاله حاول توفقالها حاجه وأنا من نحيتى هحاول اصورلك شكل اللى عندى وأرفعاهالك عشان تجيب حاجه شبهها

[elshrpeny]

تسلملى يا أبو حميد ولو أنى هتعبك معايه

[elshrpeny]

بقولك يا محمد اورجينال بيقولى انك جايب للفتيس بتاعك قطع غيار اصليه ومظبطه قريب فعايزك بقى يا باشا تفهمنى اعمل ايه بالظبط فى الموضوع دا لان الفتيس عندى فيه شويه بوش لما بيكون متمور لما بتيجى تطلعه فوق وتحت كدا شويه .

[M.Mostafa80]

بيبقى فى فبره بلاستك فى المجموعه من تحت عامله زى البليه دى لما بتتكسر بتعمل بوش فى العصايه أنا جبتها من محمد سمير وركبتها كانت تقريبا عامله 40 ج وممكن تلاقيها عند أشرف الشهابى هو بهتم بالحاجات دى يجيبها لأن مفيش حد بيجبها
وتبقى وفرت على نفسك 550 ج ثمن عصايه الفتيس
بالمناسبه أنا عندى عصايه لو حد محتاجها

[elshrpeny]

طيب يعنى عشان الفبره البلاستيك دى تركب موضوعها سهل يعنى ولا مقرفه وممكن الى يركبها يبهدل الدنيا ؟
وحاجه كمان انت بعد ما ركبتها لما بتمور الفتيس بتبقى ثابته فى النص لا بتطلع ولا بتنزل ولا بيبقى إيه النظام ؟
وهل الميكانيكى هو الى بيحدد اذا كانت محتاجه فيبره ولا لاء ولا انا ومزاجى وإحساسى ؟

[M.Mostafa80]

بتتفك مجمع الغيارات من تحت من عند الفتيس وبيتبص عليها لو مكسوره ودا اللى حاصل فى الغالب يبقى هتتغير مش مكسوره يبقى كدا تبص على العصايه الداخليه بس زى ماقلتلك هى البليه الفبر اللى فى مجموعه الغيارات عند الفتيس مشكلتك انك من دمياط تقريبا لو كدا كنت وديتك للميكانيكى بتاعى اللى عملهالى لأنها بالنسباله مش هتبقى حوار لأنو عارف المشكله دى وأشتغل فيها

[elshrpeny]

عندك حق فعلا كل حاجه محتاجه سفر وكمان المشكله ان مفيش حد كتير هنا من دمياط كان زماته فدنى وقالى بيتعامل مع مين بس ميجراش اهو برده بعرف النظام ايه وحلها إيه على الاقل والحمد لله على كل شىء

[M.Mostafa80]

كل شئ محلول بأمر الله