ماساتي مع البتلز

[tejani]

انا اشتريت من شهر بيتلز برازيلي موديل 81 رخصتها خلصت في 12-12
المهم اشترتها ب8 الاف والفين على اربع شهور
انا كنت روحت اشتريتها من غير ما اكشف عليها ولا حاجه
المهم انا اتنصب عليا فيها ولغاية دلوقتي دافع حوالي الفين ونص على اساس عمرة ودينامة وكاربراتير استيراد وسبراتير استيراد
ولغايه دلوقتالعربيه بتجيب زيت من تحت ومش بتدور بسهوله وللاسف انا سبت الميكانيكي اللي كان صاحب العربيه الحرامي وداني عنده لانه حشاش وخمورجي وانا معدتش قادر اثق فيه بعد كل الفلوس اللي خادها مني ومش حاسس باي تحسن في العربية
المشكله اني دكتور ومش فاضي ااشغل ده خالص والعربيه بقت تعطلني عن شغلي ككمان من كتر ما هي شاغله بالي وقرفاني
مش عارف اعمل ايه
عاوز ابيعها واخلص منها مش عارف ازاي
ارجوكم حد يشوفلي حل لانها فعلا هتاخد اللي قدامي واللي ورايا
انا بقيت احوش وادي للميكانيكي
مفيش اي طريقه للخلاص منها
لو حد يعرف يبعهالي او يشتريها زي ما يقيمها يخلصني منها ارجوكم

[ahmed2y]

مش عارف اقول لحضرتك اية بس ممكن نساعدك بمكانيكى كويس يظبطلك العربية لانى مش عارف موضوع البيع دة اخبارة اية لانى من كلامك كدة عن الميكانيكى انا بشك فى واحد قواى اسم الميكانيكى دة اية

[original]

بلاش اليأس ده عشان كل العربيات سواء جديدة أو قديمة هتاخد اللى وراك واللى قدامك..
اللى ماعندوش عربية خالص هوا اللى مرتاح بس مايعرفش كده..
أكيد فيه ميكانيكية محترمين ممكن يلمولك الموضوع..

[ابوهاشم]

بالنسبه للميكانيكى
انصحك بالذهاب للميكانيكى عاطف عبده فرج
موجود عند موقف اتوبيس اثر النبى
بعد محطة مترو الزهراء
اما بالنسبه للبيع الافضل انك تصورها وتنزلها
فى قسم البيع والشراء بالمنتدى

[smsmxxxxxx]

والله انا رأيي انك متبعش لانك هتخسر
انتا دافع لحد دلوقتى 12500 جنيه بالاصلاح

وانتا بتتكلم فى مشكلة فى الماتور والكاربراتير والاسبراتير والدينامو

يعنى لو عرفت تبيعها ب 5000 يبقي حلو اوى
يعنى خسارتك هتبقي كبيرة

فأنتا زى ما قال هاشم روح وشوف عاطف هيقولك ايه وقله انك تبع هاشم و احمد حسن
علشان هما زباينه وهيعملهم حساب
وصدقني مفيش حاجة مبتتصلحش وبالذات البيتلز

ولو مش عايز تصرف عليها دلوقت اجل لكن متبعش

وانشاء الله ربنا هيوفقك وتبقي زى الفل

-------------
محمد سالم

[tejani]

النهاردة وديتها عند ميكانيكي عنده ضمير هنا في امبابه
وقالي بصراحه كده ان العمرة اللي اتعملت دي ولا ليها لزمه
ولما قلتله على موضوع الزيت قالي ان ده هيحتاج كلام ككتير وان احنا ننزل الموتور وان هيبقى في كلام هيزعلني صراحه الراجل حس بيه لاني كنت متنرفز جدا واتصلت كمان باللي باع العربيه قدامه وطلبت منه انه ييجي ياخد العربيه قصاد انه يلغي باقي المبلغ اللي عليه ويديني الوصلات عشان اخلص وكنت والله بتكلم بجد واستغربت من صاحب العربية لما لقيته قالي انه هيجيب الوصلات وقالي هيسيبلي العربيه اظاهر اني صعبت عليه عاوز اقولكلم ان العربيه نقصت حوالي كيلو زيت في خمس ايام رغم انني ممشتش بيها
بالنسبه لموضوع عاطف عبده انا للاسف طبيعه عملي كطبيب تخدير تخليني معنديش وقت للنوع ده من المشاوير انا تقريبا نبطشي كل يوم وكنت عاوز العربيه عشان تسهل عليا حياتي مش تعقدهالي
يا ريت فعلا لو الاقي حد يشتريها باي سعر ويخلصني منها خصوصا ان الرخصه خلصت الشهر ده ومحتاج اجددها وممعييش فلوس التجديد
معلش طولت عليكم

[gomangy]

والله احنا بندعيلك ان ربنا يوفقك وتخلص منها ويرزقك بحاجه احسن منها ومعلش يا باشا مفيش حد حد بيتعلم بالساهل وبلاش

[gatas]

مش عارف اقول ايه زمان كان الميكانيكى يعنى ميكانيكى وبكل اسف ده لان البيغلط هتحاسبة ازاى هو الحكومة صرحت له برخصة علشان تاخد منه ضرايب لكن هيعمل ايه فى الناس مش مهم سنة ثمانين الميكانيكى بتاعى غر لى طقم ماستر وخد هوا من العجل وخد هوا من عند الماستر والسيرفو ونده عليه زبون ونسى يربط على الخرطيم وكانت النتيجة بدوس فرامل مفاجئة جامد الخرطوم اتخلع من مكانة والدواسة على الارض