مساعدة فى شراء ( بولو 2001)

[mrekaby]

اخوانى الجدعان بالمنتدي
ان شاء الله هاجيب بولو 2001 وشوفت واحدة بس عايز اكشف عليها كويس من حيث الميكانيكا - العفشة- الكهرباء و طبعا الاساسيات . وانا ابيض فى العربيات الالمانى
ممكن تدلنى على حد كويس يبقى كتر خيراكم لو فى المهندسين

[original]

ألف مبروك وربنا يتمم بخير..
بس حاول تكشف عليها كويس جدا..

[M.Mostafa80]

فى المهندس محمد على فى طريق بشتيل أطلع كوبرى عرابى وخد المنزل اليمين تمشى لحد الميدان تدخل شمال طريق بشتيل حوالى 500 متر هتلاقى جامع على الشمال
هو فى الشارع اللى جنب الجامع راجل سكره وزى الفل

[mrekaby]

متشكر جداً يا جماعة الخير ( m.mostafa80 & Original)
ان شاء اروح بكرة اجازة و اللى فيه الخير يعمله ربنا ادعولى و مستنى تفاعلات باقى جدعان فولكس.

[shankosi]

متشكر جداً يا جماعة الخير ( m.mostafa80 & original)
ان شاء اروح بكرة اجازة و اللى فيه الخير يعمله ربنا ادعولى و مستنى تفاعلات باقى جدعان فولكس.

أنا مش فولكساوي
بس لو سمحت عايز اعرف اشتريت بكام - اذا كنت اشتريت يعني.

وربنا يوفقك.

[snakeson2]

ربنا يجعلها وش الخير عليك

[mrekaby]

متشكر يا على المرور الجميل دى و الحقيقة انا شافتها مرة لوحدى بس لسه رأى مستنى خبير اما عن السعر فكان المطلوب فيها 44 بس اعتقد انها تخلص - باذن الله - باقل . هى راشه بالكامل من الخارج . و فيها تكييف . أخيرا ربنا يسهل.

[elshrpeny]

هقول لحضرتك حاجه انت لو مبيفرقش معاك نقطة الفابريقه دى قصدى يعنى انها تكون مش دهان المصنع يبقى توكل على الله بس دا ميمنعش انها تكون فابريكه دواخل بس انا برده كنت عايزك تعرف هيه فيها باور ولا لاء وفيها كاسيت ولا لاء وكمان تعرف عامله كام كيلو مع ان موضوع الكيلوات دا مبيفرقش اوى بس انا اقصد انها حاجات مبدأيه عشان تعرف هل فعلا تسوى تمنها ولا لاء .

لان لو مثلا مفهاش باور ومعدية ال100 او 150 ألف كيلو و مفهاش كاسيت و راشه كلها ومن جوه مش فابريقه دا طبعا بيفرق .

وربنا يوفقك للعربيه إلى فيها الخير إن شاء الله

[mrekaby]

اولا شكرا علي نصيختك الغالية.طبعا تفرق معايا حكاية الدهان خاصة الدواخل بس اللي حاصل ان العربية فابريكة دواخل و فيها كاسيت سي دي وتكييف بس راشة كلها من بره وهي عاملة 120الف و حالة الماتور 80% وهي 1000سي سي دي كل بياناتها . ادعولي بالتوفيق

[M.Mostafa80]

ربنا يوفقك

[mrekaby]

والله اللى حصل النهادرة نعمة كبيرة من المولى . روحت اليوم لمركز قريب منى فى المنطقة بعد توصية ولاد الحلال - امثالكم فى المنتدى- المهم كشف المهندس على العربية اكتشف الاتى:1- العربية عاملة حادثة من الامام و تم تغيير الصدر و حاجة تانية بس مش فاكرها2- العربية راشة اجزاء من الداخل الحتة اللى عند الشنطة و الباب اللى وراه3- بعد الكشف بالجهاز العربية عايزه حساس - مش عارف اسمه - دى بالنسبة للميكانيكا و حالة الماتور 70%مطوليش عليكم كنبة على حد تعيبره ابعد يا معلميا اخوانى الجدعان فعلا موجودين فى كل مكان المنتدى و غيره و الحمد لله ان الواحد سأل و ترك الامر للى بيفهم فيه اما عن صاحب العربية وشه جاب لون ازرق زى لون العربية و الحمد لله على كل حال

[snakeson2]

الحمد لله انك كشفت عالعربية كويس
الي بيبيع معندوش ضمير .
خلي بالك كويس وانت بتشتري وتدفع فلوس كشف احسن ماتفتح علي نفسك بوابة بعد كدة

[elshrpeny]

لا حول ولا قوة إلا بالله العلى العظيم
فعلا والله ربنا بيحبك لأن انا كان تقريبا حصل معايه موقف شبه كدا
وعلى فكره انت من ساعة ما قولت السعر وكمان مأكدتش انها فيها باور وانا حسيت انها فيها حاجه بس مردتش اكلم قولت جايز تكون العربيات رخصت للدرجة أدى ولا حاجه لان دى لو فابريقه تبقى رخيصه على الاقل بتاع 6 ألااف جنيه لان ممكن تكون رشه من غير حوادث ولا خبطات
بس قدر الله وما شاء فعل وخيرها فى غيرها إن شاء الله وبإذن الله ربنا يرزقك بواحده حالة الزيرو ولا يهمك يا باشا

[mrekaby]

شكراً يا اخوانى على شعوركم الجميل. و طبعاً الحمد لله ان ربنا وقف لى الناس المحترمة زيكم و زى الراجل اللى شاف العربية و قال رأيه بمنتهى الصراحة و قدوم صاحب العربية اللي بلغ فرار من ساعتها و انا الله مبسوط لاحسن كنت خدت العربية بكمية المشاكل اللى فيها
على العموم البحث مازال مستمر و الله المستعان

[د.محمود صلاح]

فى كار 100100 مجموعة عربيات بولو معروضة للبيع ( ممكن تكون معروضة وسطهم )

VW