بولو 2005 سيدان

[gamal2009]

السلام عليكم ورحمة الله بركاته
تشرفت بالأنضمام اليكم وانا من عشاق الفولكس منذ استلفت سيارة زميلى وهى بولو 2001 منذ ذلك الحين قررت ان ابيع سيارتى الدوجان 96 وبالفعل بعتها ورحت اتفرجت على بولو 2005 سيدان والعربية عجبتنى جدا وعاملة38000 كيلو لانها كانت مع ناس من ايطاليا وكانوا بيركبوها شهر فى السنة وبفحصى للعربية تبين انها بحالة الزيرو فعلا المهم لااطول عليكم اريد ان اعرف ماهى مميزاتها وعيوبها هل هى المانى ام برازيلى وهل يوجد بها abs ام لا ومدى ثباتها على الطريق
وهى عاملة 65000 جنيه مصرى ايه رايكم وشكرا

[M.Mostafa80]

لو العربيه دى مواصفات أوروبى يبقى وانت مغمض وحاطيط بطيخه صيفى فى معدتك تاخدها لو برازيلى يبقى فى قلق شويه فى انك تلاقيلها بعض قطع الغيار لكن طبعا بيعوضها ان العربيه بحالتها ولسه زيرو يعنى ممكن تاخدها وتتمتع بيها لحد ما تبداء تفتح بقها تبيعها وربنا يوفقك

[gamal2009]

شكرا ياأخ مصطفى على هذه النصيحة بس انا مااعرفش يعنى ايه اوروبى قصدك المانى

[gamal2009]

اين اهل الخبرة فى البولو سيدان 2005

[M.Mostafa80]

المقصود بكلمه أوروبى يعنى المانى أو أسبانى

[original]

من رقم الشاسيه بتاعها

[gamal2009]

بولو سيدان 2005

السلام عليكم ورحمةالله وبركاته
العربية البولو سيدان 2005 لوسمحتم انا فى حيرة من امرى اشتريها ولا ماشتريهاش هى طلعت برازيلى ولكن الخوف من عدم الحصول على قطع غيار ليها فى المستقبل وانا مش من هواة التغيير والعربية عجبانى جدا وخايف جدا ياريت حد يقولى وازاى سيارة تنزل وماينزلش معاها قطع غيار انا مش فاهم ويعنى ايه من رقم الشاسيه بتاعها

[M.Mostafa80]

اخى الكريم البولو من السيارات المحترمه من فولكس ولكن للأسف هذا الموديل من أصدار فولكس البرازيل ومعروف عن هذه الأصدارات انها لايوجد لها قطع غيار استيراد لعدم انتشارها فى اوروبا لأن كل تجار الأستيراد يستوردو السيارات من اوروبا فقط دا جزء
الجزء التانى التوكيل شبه محتكر لقطع غيار العربيات دى وبالتالى اسعارها مولعه نار
وان وجدت خارج التوكيل فهى ايضا مرتفعه
وفى حاله لقدر الله حدوث مشكله فى كنترول السياره من الصعب الحصول على أخر نظرا لأختلافه عن باقى سيارات فولكس المصدره للسوق الأوربى وبالتالى يكون هناك مشكله كبيره كامنه قد تظهر فى اى وقت
أتمنى من الله انى أكون أفدتك القرار أصبح الأن قرارك أستخير الله وهو خير من يستخار

[د.محمود صلاح]

الف شكر على المعلومات والمساعدة

[M.Mostafa80]

الف شكر على المعلومات والمساعدة

مفيش اى داعى للشكر لأن دا واجبنا اتجاه بعض

[gamal2009]

شكرا ياأخى الكريم

أشكركم جميعا ولكنكم تأخرتم على فى الرد وانا الآن لسة داخل المنتدى بعد ان ذهبت وخلصت فى موضوع العربية بولو سيدان 2005 وربنا مايجيب ضرر ان شاء الله وهو المستعان على التوكيل فقد ارسلت لهم ايميل وفى الصباح تحدثت إلى تليفونيا مندوبة من اتوموتيف فقلت لها على القصة فقالت ان قطع لغيار موجودة بالتوكيل ونقلت لها رأى الأخوة الأعضاء واصحاب الفولكس فى التوكيل من مغالاه وسوء معاملة ولكم جزيل الشكر

[M.Mostafa80]

ربنا يباركلك فيها مدام أنت مقتنع بيها وراضى وسعيد بيها ويكفيك شرها ويحفظهالك ويحميك من العين والحاسدين

[gamal2009]

شكرا يا أخ مصطفى وربنا يحفظك من كل سوء وارجو الافادة عن كيف اعرف ان العربية عاملة فعلا 38000 كيلو مع العلم انه بتظهر فى شاشة التابلوه كلمة او اختصارمش عارف معناه ومش فاكره كويس وبجواره علامة مفتاح وكلمة km وبسؤال صاحب السيارة قال ان العربية ها تدخل على صيانة 40000 كيلو فهل هذا صحيح وفين اعمل الكلام ده

[M.Mostafa80]

فعلا كدا العربيه محتاجه صيانه والكلمه اللى بتطلعلك دى كلمه سيرفيس أنسبكت ودى بتظهر من 10ألاف الى 15 ألف حسب ما هى متبرمجه
ونصيحه أخويه تعمل الأتى فى العربيه
تغيير سير دينمو وكاتينه وفلتر هواء وفلتر بنزين وفلتر زيت وزيت وطقم بوجيهات وتربط عفشه وتكشف عليها وتشوف مستو المياه فى القربه عامل أيه خلى بالك متذودهاش مياه من الحنفيه خالص المفروض انها ما بتنقصش المياه دى بتتغير كل سنه بتجيب مياه هيبو من عند بتوع قطع الغيارفولكس ولو ملقتهاش هتلاقيها عند بتوع المرسيدس المكان اللى ممكن تعمل فى الكلام دا هو التوكيل وطبعا هيبقى مولع نار شويه عن بره
يأما حضرتك تقولى مكان سكنك فين وأرشحلك أقرب واحد ليك وبالتوفيق ان شاء الله

[gamal2009]

m.mostafa80

السلام عليكم ورحمة الله وبركاته
أخى الكريم مصطفى معذرة فقد منعتنى الظروف للدخول فى الايام الماضية
وانا شاكر لك جزيل الشكر على هذه المعلومات القيمة فى رسالتك وبالفعل ذهبت يوم الأربعاء الماضى بعد يوم من شراء السيارة وذهبت لميكانيكى عن طريق جارى وكان الميكانيكى عنده كمبيوتر وكشف على العربية ووجد كله تمام ثم كشف على الزيت وغيرناه مع الفلتروقام بتربيط العقشة وقد قال نفس الكلام اللى تفضلت وذكرته وقال عند ال50000 كيلو اعمل اللى انت قلت عليه وتخيل ياأخى سعر فلتر البنزين بـ275 جنيه انا صعقت من سعر الفلتر فما بالى باسعار قطع الغيار المهم لقد اطلت عليك فانا ساكن فى مسطرد بعد شبرا الخيمة وهل تفضل ان اقوم بالصيانة عند 40000 كيلو ولا عند50000 كيلو وشكرا جزيلا والسلام عليكم ورحمة الله وبركاته