لمبة البطارية نورت !!!!!!!!!!!!

[youssefazmi]

احلى شباب فولكس اتمنى يكون الجميع بخير ...عايز رائيكم فى لمبة البطارية فى التبلوة نورت فجأة وانا ماشى امبارح ربع ساعة وطفت وبعدين رجعت نورت تانى وفضلت على كدة بس الدنيا ماشية!!!!
اسيبها شوية ولا دة يعنى لازم اغير بطارية ولا فى حاجة حصلت فى الكهربا؟؟؟ العربية جولف 3 ... مع الشكر

[adel_2346]

اول حاجة اتاكد من شحن الدينامو واتاكد ان الوصلات سليمة

[youssefazmi]

واتاكد ازاى من كدة بس المفروض ان كلة سليم او مفيش حاجة اتغيرت!!!

[original]

الدينامو لو فيه مشكلة اللمبة تنوريعنى ممكن الشربون يكون جاب آخره أو الكتاوت جابت أخرها أو يكون سلك مش مربوط كويس!!

[mr_sameh]

متهملش الموضوع وشيك علي الدينامو

[M.Mostafa80]

روح لكهربائى خليه يكشفلك على الشحن بتاع الدينمو وعلى حاله البطاريه وعلى كافه التوصيلات وطبعا ما ينفعش تسكت عليها لأن دا مش كويس

[original]

ممكن تكون البطارية مشحونة كويس عشان كده العربية شغالة لكن لو شحنها راح مش هتدور عشان الدينامو مش شغال..

[mahamedaraby]

لازم تروح تكشف على الدينمو هو كده فيه حاجه ولقدر الله لو الدينمو مش بيشحن كويس البطاريه هتستهلك اسرع وتبوظ فعلشان كده الحق البطاريه وشوف المشكله من فين

روح لاى كهربائى ثقه وخليه يشوفلك الدينمو ماله علشان ميعملش عليك شغل

وان شاء الله بسيطه

[Mohamed.Kader]

الدينامو الدينامو

أولا لما بتحط المفتاح و تفتح الكونتاك لمبة البطارية بتنور ولا لأ(لو بتنوردي معناها أن الدينامو تمام لو لا يبقى الدينامو )
ثانيا اللمبة دي أما بتنور العربية بتكون طبيعية في السحب وصوت الماتور ولا بتبدأ ترجرج وصوت الماتور بينام ويتخنق
ألحق وروح لكهربائي كويس يبصلك على الدنيا دي (الدينامو كلة من أول تأكيد على الوصلات حتى أكبر حاجة)
متستهونش بالموضوع لأنة موضوع مؤرف أنا حصل معايا مرتين في شاهين و بروتون Gen2 الأولى مكنتش أعرف حاجة عن الموضوع و تاني مرة روحت لكذا واحد يفتولي ويقولو الفيشة كانت مهزوزة ومفيش دقائق أمشي وترجع تاني لغاية ملبست فـــ يوم عجب أتمنى أنك متوصلوش حفاظا على عمر البطارية كمان

[youssefazmi]

واليكم اللى حصل يا جدعان انا فضلت ماشى بيها يومين واللمبة منورة بس كنت بطفى الكاسيت واقلل الاضاءة ومقرر هكشف عليها النهاردة الصبح وبالتدريج امبارح باليل لقيت كل حاجة بتضعف الكلاكس راح والنور الواطى راح وتك تك تك فضلت مية ونور
بس الحمد للة قريب من بيتى وركنتها وروحت بس مش عارف لية حاسس انها بطارية وخلصت مش اكتر من كدة الموضوع لانها عمرها مكان فيها مشكلة فى الكهربا!!!! والوصلات بتاعة الدينامو سليمة...انا هغير البطارية لانى معرفش تارخها من المالك القديم واتمنى دة يحل المشكلة وهوافيكم باللى حصل لما ارجع

[Mohamed.Kader]

واللهي نفس اللي حصل معايا

أنا عربيتي الــ Gen2 أشتريتها من زميلي وكان حاصل معاه اللي حصل معاك فراح غير البطارية وبعدها بأسبوع أشتريت منة العربية مكملتش أسبوع وحصل اللي قولتلك علية أنا قولتلك
وبعدين للعلم البطارية ملهاش أي دور بعد م العربية بدور لأن كهربة العربية كلها بتكون من الدينامو ماكنش فالعربيات المانيوال القديمة أما البطارية تنام يزوق ويرمي والحركات دي دا أكبر دليل على كفاءة الدينامو هو ان والعربية دايرة شيل كابل البطارية لو فضلت دايرة يبقى تمام الشحن لان البطارية في الوقت دا بتكون بتشحن لو بطلت العربية يبقى كانت شغالة على البطارية زي الموبيل مالم يكون في Detection للـ Battery Absence بس ما ظنش انوا موجود عندك
وبعدين عدم أنتظام الجهد فالعربية لية أضرار كتير على كنترول العربية ويخلي الدنيا تهيصصصص
الهم بلغت الهم فأشهد

[youssefazmi]

ياريتنى مطنشت اللمبة

أنا عربيتي الــ Gen2 أشتريتها من زميلي وكان حاصل معاه اللي حصل معاك فراح غير البطارية وبعدها بأسبوع أشتريت منة العربية مكملتش أسبوع وحصل اللي قولتلك علية أنا قولتلك
وبعدين للعلم البطارية ملهاش أي دور بعد م العربية بدور لأن كهربة العربية كلها بتكون من الدينامو ماكنش فالعربيات المانيوال القديمة أما البطارية تنام يزوق ويرمي والحركات دي دا أكبر دليل على كفاءة الدينامو هو ان والعربية دايرة شيل كابل البطارية لو فضلت دايرة يبقى تمام الشحن لان البطارية في الوقت دا بتكون بتشحن لو بطلت العربية يبقى كانت شغالة على البطارية زي الموبيل مالم يكون في Detection للـ Battery Absence بس ما ظنش انوا موجود عندك
وبعدين عدم أنتظام الجهد فالعربية لية أضرار كتير على كنترول العربية ويخلي الدنيا تهيصصصص
الهم بلغت الهم فأشهد

كلامك صح 100 % يا محمد باشا بس جة متاخر يوم للاسف انا غيرت البطارية وقلت للراجل عديم الضمير يقيسها وقالى زى الفل ويدوبك مشيت شوية ونورت تانى اللمبة رحت طالع على الكهربائى قالى الدينامو وغير الشربون بتاعة واشتغلت تمام دلوقتى بس طبعا كلفتنى بطارية والسلام .. يلا اهو درس للجميع عدم اهمال اللمبة دى والذهاب للكهربائى اولااااا

[youssefazmi]

الدينامو لو فيه مشكلة اللمبة تنوريعنى ممكن الشربون يكون جاب آخره أو الكتاوت جابت أخرها أو يكون سلك مش مربوط كويس!!

اورجينال باشا انت قريتها من الاول صح طلع شربون فعلا بس هل حل الدينامو وتغيير شربون وتركيبة ياخد 80 جنية ولا دة كتير؟؟؟؟؟؟

[M.Mostafa80]

مبالغ فيها شويه بس عادى
مش كتير

[original]

المهم يكون شغله نضيف
أصلى أنا حلليت الدينامو قبل كده حته حته وغيرتله البلى بتاعه
بس فى الآخر جبت واحد إستيراد ب 300 جنيه نمرة واحد