مساعدة فى شراء بولو 2001

[kokowanted]

سلام على اجمد و احلى اعضاء.
ياجماعة انا من فترة و بدور على عربية و كدة. و كان دماغى ف بولو ( دورت على زيها برده ابيزا و فابيا و كورسا و ........)
نزلت شفت واحدة انهاردة و دى هى موضوعى.
بولو 2001 1400cc ماشية حوالى 65 الف رشة برة (بيقول نضافة) دواخل فابريكة تكيف و سنتر و 2 ازاز كهربا مرايات كهربا كاسيت جنوط اصلى.
انطباعى عن العربية بالنسبة للميكانيكا العربية كويسة موتورها حلو بصحته (ده طبعا كلامى انا لسة الحساسات و كدة مكشفناش).
حالة الصالون نضيف اوى معدا حاجتين مسند الباب الأمامى شمال فيه حتة كدة زى ماييكون و اكلها فار(بيقول من سندة الأيد!!!) و الباب الخلفى شمال مفكوك جزء بين السقاطة و الأزاز و ده من جوا.
من برة هو الراجل قال مرشوشة و هى فيها حاجات بسيطة فى كل اكصدام (شوارعنا الجميلة يعنى) ماعدا حتة 3 سم كدة فالباب الى ورا شمال باينة بامعجون.
اخر حاجة السعر بقى 44 الف
دلوقتى انا محتاج مساعدتكم ايه رائيكم فالعربية و سعرها مبدئيا بالنسبة للفيها و كدة، انا بفكر اكشف عليها عند محمد سمير كمان.
مستنى مساعدتكم يا فولكساوية يا جمدين و شكرا مقدما

[kokowanted]

ايه ياجماعة هو الموضوع صعب اوى كدة
فين رجالة البولو فى المنتدى
عالعموم شكرا

[snakeson2]

العربية دي اكيد ملعوب فيها جامد !
مفيش بولو 2001 نزلت 1400 في مصر
اكيد مسقط ماتور ولو مسقط ماتور يبقي اكيد فية مشكلة ولو مسقطة هل جابة بالضفيرة وخلافة ولا لا؟
رشا برة ابعد عنها ! اكيد كانت متبهدلة !
دور كويس ولو احتجت مساعدة ممكن اجي ابصلك عليها
ربنا يوفقك

[M.Mostafa80]

العربية دي اكيد ملعوب فيها جامد !
مفيش بولو 2001 نزلت 1400 في مصر
اكيد مسقط ماتور ولو مسقط ماتور يبقي اكيد فية مشكلة ولو مسقطة هل جابة بالضفيرة وخلافة ولا لا؟
رشا برة ابعد عنها ! اكيد كانت متبهدلة !
دور كويس ولو احتجت مساعدة ممكن اجي ابصلك عليها
ربنا يوفقك

+1111111111111111111111111

[mr_sameh]

الحاجات اللي بتقولها تدل علي ان العربيه كانت مفحوتة بس ياريت تعرفنا البائع تاجر ولا مالك

[mesho_kimi]

العربية دي اكيد ملعوب فيها جامد !
مفيش بولو 2001 نزلت 1400 في مصر
اكيد مسقط ماتور ولو مسقط ماتور يبقي اكيد فية مشكلة ولو مسقطة هل جابة بالضفيرة وخلافة ولا لا؟
رشا برة ابعد عنها ! اكيد كانت متبهدلة !
دور كويس ولو احتجت مساعدة ممكن اجي ابصلك عليها
ربنا يوفقك

+11111111

[M.Mostafa80]

الحاجات اللي بتقولها تدل علي ان العربيه كانت مفحوتة بس ياريت تعرفنا البائع تاجر ولا مالك

دى ماكنتش مفحوته بس دى كانت متاخده فحت وردم

[iBiZa]

بولو 2001 1400cc ماشية حوالى 65 الف رشة برة (بيقول نضافة) دواخل فابريكة تكيف و سنتر و 2 ازاز كهربا مرايات كهربا كاسيت جنوط اصلى.

هو مبدأيا صعب 65 الف كيلو و تبقى رشة نضافة.

انا داخل على 145 الف كيلو و لسة العربية فبريكا و لو انى بفكر ارش عشان الرسومات اللى على الجانبين.

اللى متأكد منة انة مش اصلى الموتور ال1400 و السنتر و الزجاج الكهرباء و المرايات الكهرباء و الجنوط, كل الحاجات دية المالك هو اللى مركبها.

اكشف عليها عند محمد سمير كمان.

اكشف عليها عندة و هو هيجيبلك اصلها.

اكيد مسقط ماتور ولو مسقط ماتور يبقي اكيد فية مشكلة ولو مسقطة هل جابة بالضفيرة وخلافة ولا لا؟

صباح الفل الاول, مكلمتنيش من يوم شيراتون لية بس ؟؟

مش شرط عشان مسقط يبقى كان فيها مصيبة, منا جايب الموتور ال1400 عشان كنت مخنوق من ال1000 و شايلة و هو سليم و مفيهوش مشاكل (اصلى كنت لسة نازل من 205 GTI فا يمكن الصدمة كانت شديدة عليا )
بس هو الpackage على بعض محتاجة فحص كويس.

الحاجات اللي بتقولها تدل علي ان العربيه كانت مفحوتة

مش شرط صدقنى, هو احتمال, و هى بس محتاجة فحص كويس.

[M.Mostafa80]

[

مش شرط صدقنى, هو احتمال, و هى بس محتاجة فحص كويس.[/quote]
هو فعلا مش شرط بس بالوصف العام دا ميطمنش

[tareksakr]

العربية دي لونها فضي ؟

[kokowanted]

شكرا لكل الناس اللى فادتنى و رديت عليا ، و اسف اتأخرت عشان ظروف امتحناتى
هى فعلا العربية لونها فضى (تعرف حاجة عنها يا استاذ tareksakr)
و الراجل كان بيقول جايبها لمراته من شهرين و هو كلامه فعلا كدة تحس انه تاجر
الموتور قالى انه الأصلى بتاعها و مسبوت على الرخصة و مكتوب برضه على الشنطة 1.4
شكرااا مرة تانية

[M.Mostafa80]

شكرا لكل الناس اللى فادتنى و رديت عليا ، و اسف اتأخرت عشان ظروف امتحناتى
هى فعلا العربية لونها فضى (تعرف حاجة عنها يا استاذ tareksakr)
و الراجل كان بيقول جايبها لمراته من شهرين و هو كلامه فعلا كدة تحس انه تاجر
الموتور قالى انه الأصلى بتاعها و مسبوت على الرخصة و مكتوب برضه على الشنطة 1.4
شكرااا مرة تانية

طب مهو لو متسقط هيتسبت بردو على الرخصه وسهل انى اجيب علامه 1400 واحطها
الفكره ان مفيش بولو الموديل دا ولا اللى قبلو ولا اللى بعدو نزل فيها ال 1400 غير فى البولو السيدان 2001والبولو السيدان العيون نصيحه بلاش منها

[kokowanted]

شكرا على اهتمامك استاذ محمد و ياريت لو قدام حضرتك حاجة زى كدة تبلغنى
شكراااا

[د.محمود صلاح]

شكرا للمعلومات