عربيتى البولو واخدلها عين حلوه

[M.Mostafa80]

الف سلامه علي العربيه يا محمد بيك
بس يا حبيبي خلي العلامه علي وشك
اسلم واحسن من اللي بيحصل
لما تسيب الخبطه اديك عارف اولها من اخرها وعارف العربيه معيبه منين
لنما لما تعملها حتفضل قلقان العيب حتضربلك ايه تاني فيها
وربنا يسترها معاك ويكفيك شر العين
حبعتلك جركن ميه بحر في اول فرصه تغسل بيه العربيه علشان تكسر سموم العيون عليها

منورنى ياشنورى باشا والله طب بدل ما تبعتلى اجيلك انا وننقعها فى البحر ساعتين وساعتها هرتاح منها ومن العين للأبد هههههههههههههههههههههههههههههههههههههه

[M.Mostafa80]

ما انا كنت كده في الاول كانت اي لمسه بطلع على السمكري لدرجة اني رشيت الشنطه مرتين والكصدامات 3 مرات على حاجات ملهاش لازمه وكان لو في اي خدش في العربيه مبعرفش انام بليل
انما لقيت ان كل شويه العربيه تتنقر عين ولا كأنها بوجاتي والبس الخبطه التمام مع ان كلها مبتبقاش غلطتي (واقف في اشاره - راكن على جنب) وبتبقى باينه قوي مين اللي نقرها لانه بيبقى لسه نازل من العربيه او كان بيسألني على العربيه لدرجة ان في واحد سأل والدي :هو انت لسه مخبطتش عربيتك !! ومجرد ما قال كده رشق تاكسي رينو 9 في الاكصدام والعربيه زيرو ومرره واحد ضربها طلقه من بندقية صيد واخترقت الشنطه من ناحية التنك!!!!!!!!
فقررت اني مش هدي العربيه وش بولش ومش هركب فرش جلد وهسيب الخبطات واسيب العلامه مسروقه وهنفض وربنا يسترها ويبعد عننا ولاد الحرام

هحاول انفض وأعمل من بنها ياريت اللى من بنها مايزعلوش هى بتتقال كده

[revel_sony]

واللة يامحمد بية انا لو قلتللك اللي حاصللي في عربيتي البولو خلال شهر واحد بس حاصعب عليك بس انت متابعني وعارف معلش حصل خير اهم حاجة انت سليم والاسرة بخيرحاول تطلع حاجة لللة او أدبح حاجة وفرقها لوجة اللة وربنا يكفيك ويكفينا شر العين

[tabeb]

هي كده العربية لما بتفتح انسي
اهم حاجة تخليك كوووول وما يهمكش وشغل سورة البقرة علي طول في العربية واذكار الصباح والمساء
واولا و اخيرا قول الحمد لله

[adel_2346]

والله يا جماعة موضوع العين ده بقى رخم الواحد يبيع العربية ولا ايه

[windofchange]

ربنا يحفظك يامحمد ويحفظها ويملهاللك بركة....انا مرة ماشي بالإيبيزا جايب خالي الله يرحمه من المستشفي وابنه بيدخل العكاز في الشنطة لأن امي معرفتش تدخله وبيقللها دي ايبيزا ياطنط فماشي في شارع جانبي قبل موصلوا البيت بشويه قول ماشي علي 30 كده وفجأه طلع واحد سايق 28 بسرعة جدا من شارع جانبي خدللي باب السواق بظفر الإكصدام بتاعه تقول فتح الباب بفتاحة....بس مش كله عين ياباشا والله لأن الدنيا دار بلاء مش جزاء وكما قال الرسول صلي الله عليه وسلم"ما يزال البلاء بالمؤمن في نفسه وولده وماله حتى يلقى الله تعالى وما عليه خطيئة"

[ehab_mansour]

الله المستعان يا حماده
ربنا يسترها معاك معانا

[M.Mostafa80]

واللة يامحمد بية انا لو قلتللك اللي حاصللي في عربيتي البولو خلال شهر واحد بس حاصعب عليك بس انت متابعني وعارف معلش حصل خير اهم حاجة انت سليم والاسرة بخيرحاول تطلع حاجة لللة او أدبح حاجة وفرقها لوجة اللة وربنا يكفيك ويكفينا شر العين

ربنا يكون فى عونك وعونا والله الواحد بيحاول يعمل لله كتير بس ما ينفعش نعلن عن ده

[M.Mostafa80]

هي كده العربية لما بتفتح انسي
اهم حاجة تخليك كوووول وما يهمكش وشغل سورة البقرة علي طول في العربية واذكار الصباح والمساء
واولا و اخيرا قول الحمد لله

الحمد لله شكرا لمشاركتك كتير

[M.Mostafa80]

والله يا جماعة موضوع العين ده بقى رخم الواحد يبيع العربية ولا ايه

مهو المشكله انك لما تبيع وتجيب حاجه تانيه محدش هيسيبك فى حالك بردو

[M.Mostafa80]

ربنا يحفظك يامحمد ويحفظها ويملهاللك بركة....انا مرة ماشي بالإيبيزا جايب خالي الله يرحمه من المستشفي وابنه بيدخل العكاز في الشنطة لأن امي معرفتش تدخله وبيقللها دي ايبيزا ياطنط فماشي في شارع جانبي قبل موصلوا البيت بشويه قول ماشي علي 30 كده وفجأه طلع واحد سايق 28 بسرعة جدا من شارع جانبي خدللي باب السواق بظفر الإكصدام بتاعه تقول فتح الباب بفتاحة....بس مش كله عين ياباشا والله لأن الدنيا دار بلاء مش جزاء وكما قال الرسول صلي الله عليه وسلم"ما يزال البلاء بالمؤمن في نفسه وولده وماله حتى يلقى الله تعالى وما عليه خطيئة"

رؤبنا يسلم طريقك وطريقنا وهى لو على كده يبقى الواحد يفرح أن ربنا فاكرو وبيقلل من زنوبه بهذه الأبتلائات

[M.Mostafa80]

الله المستعان يا حماده
ربنا يسترها معاك معانا

يارب يابوب لحسن خلاص أستويت ووصل بيا الحال أنى عمال أبيع فى حاجات كنت محتفظ بيها ومش عايز أفرط فيها