طقم شمبر لجولف 2

[aid904]

أرجوا المساعدة في معرفه سعر طقم الشمبر لجولف 2 ...أقصد التكلفه الكليه
وهل عمل طقم شمبر افضل ولا تغيير الموتور؟

لاني كنت عند ميكانيكي في أسكندريه وقولتله أن صوت الموتور عالى شويه وكمان فيه بخر خفيف من الموتور المهم نصحني بعمل طقم شمبر بس المهم مأخدتش وأديت معاة في الكلام وقولت أسأل الاول عن تكلفه الموضوع دة علشان أبقى فاهم لما أتفق وشكرا

[aid904]

معقوله يا جماعه محدش عمل طقم شمبر قبل كدة للجولف!!!!

[M.Mostafa80]

هو مش هيبقى غالى قوى بس نصيحه لو موتورك لسه مطلعش دخنه من الشكمان متعملش فيه حاجه دلوقتى وأحسن حاجه خلص عليه وارفعه وسقط مكانو موتور استيراد اححسنلك وارخصلك الموتور لما بيفتح يعمر
بتلاقيه طلب حاجات كتير

[mesho_kimi]

لو عايز عنوان ميكانيكي كويس فى اسكندريه يبصلك عليها عندى واحد حلو جدا

[revel_sony]

كلام مظبوووووووط

هو مش هيبقى غالى قوى بس نصيحه لو موتورك لسه مطلعش دخنه من الشكمان متعملش فيه حاجه دلوقتى وأحسن حاجه خلص عليه وارفعه وسقط مكانو موتور استيراد اححسنلك وارخصلك الموتور لما بيفتح يعمر
بتلاقيه طلب حاجات كتير

هوا ده الكلام والله ... ماتعملش غير كده..........
المواتير دي لما بتتفتح مابتتقفلش

[walidtony]

هوا ده الكلام والله ... ماتعملش غير كده..........
المواتير دي لما بتتفتح مابتتقفلش

واعى تعمل عمره ليه قطع غياره غاليه جدا و حيبقى احسنلك لو جيبت واحد تاني استيراد بكل حاجه ليه خلص عليه يا معلم

[aid904]

متشكر أوي على النصائح دي وفعلا الكل قالى كدة
وياريت يا ميشو تديني نمرة ميكانيكي كويس في الجولف بس ميكونش هريسه لانه هو اللي نصحني بعمل طقم الشمبر وأكون شاكر لحضرتك

[mesho_kimi]

ده رقم تليفونه 0189458059 أسمه الحاج محمد عثمان محله فى فيكتوريا اخر شارع نادى البنك الاهلي على فكره هريسه ممتاز بس حراق اوى الحاج محمد ده الله ينور عليه بصراحه ولا يقل عن هريسه ونضيف فى شغله على عكس اغلب الميكانيكيه العكاكين

[aid904]

ده رقم تليفونه 0189458059 أسمه الحاج محمد عثمان محله فى فيكتوريا اخر شارع نادى البنك الاهلي على فكره هريسه ممتاز بس حراق اوى الحاج محمد ده الله ينور عليه بصراحه ولا يقل عن هريسه ونضيف فى شغله على عكس اغلب الميكانيكيه العكاكين

الف الف شكر ليك

[mesho_kimi]

الف الف شكر ليك

لا شكر على واجب لما تكلمه قوله انك تبع هشام اللى معاه البولو الخضراء وابقى طمنا

[saba]

اسأل مجرب

اشتريت سيارة جولف 3 من 4 سنوات من صديق و فوجئت انها محتاجة طقم شمبر .فذهبت للميكانيكى وانا معايا تمن الموتور فى جيبى و فك وش السلندر ووجد الشميز زى الفل( جديد بدون عتب خالص ) و لكن البستم بيتحرك جواه و العربية كانت عاملة 150 الف كيلو فقرر عدم تغيير الموتور و الإكتفاء بطقم شمبر و لقيت 3 انواع 1- نوع المانى ب 200 ج 2- نوع المانى اخر ب 230 ج 3- نوع المانى ثالث اسمه ks عبوة لبنة ب 360 ج و صناعته باين عليها نضيفة قوى . اشترت الثالث و العربية زى الفل بعد 30000 كيلو فحالة الموتور هيه إلى بتحدد طقم شمبر والا تغيير و بالتوفيق ان شاء الله .