هل ممكن تركيب موتور جولف2 للبيتلز

[smsmxxxxxx]

الريداتير كان راكب ورا وهو دا اللى خلاني لاحظت ان الموتور غريب

وفى البيتلز كمان ممكن يركب ادام شوف الفيديوهات اللي انا حتطها هتلاقي كدة

صدقونى لو الموضوع نفع هيبقي مصلحة جامدة
لان الموتور الجولف ارخص او بنفس سعر موتور البيتلز
دا غير انه احدث
فى موضوع فى المنتدى واحد عايز يعمل طقم شمبر لموتور الجولف
وكان رد الناس اللى معاهم جولف انه يكمل على الموتور ويجيب واحد استيراد ارخص
لان ممكن بعد الشمبر يحتاج حجات تانية

----------
محمد سالم

[smsmxxxxxx]

استاذ هاشم و باشمهندس احمد
اخباركم ايه
كان نفسي اعرف رأيكم فى الموضوع ده ايه


------------
محمد سالم

[ahit]

السلام عليكم ورحمة الله وبركاته

و الله موضوع جامد و دخل دماغى !!!!
بس ماعنديش فكرة كاملة عنه
بس أنا ساكن قريب من السيدة زينب و إن شاء الله فى أقرب فرصة هاعدى على الميكانيكى ده و أشوف إيه النظام و أحكيلكو نتيجة الزيارة بالتفصيل بأمر الله

[Ralliart]

ازاي هو مش موتور البيتل بوكسر ؟؟ وموتور الجولف in line ؟
انا شايف انك لو عايز حاجه جامده تسقط موتور سوبارو 1600 بس تلاقي اللي يفهم ويعرف يظبطه

[smsmxxxxxx]

ربنا يخليك يا احمد باشا انتا فعلا احسن واحد يقدر يجيب اخر الموضوع ده
وتقدر تعرف جدواه
ويارب ينفع لان فلوس العمرة خسارة فى الصنايعية بتوع الاستيراد احسن

استاذ مصطفي الحسين
فعلا الاجانب بيركبوا السوبارو
بس بالنسبة لتركيب اموتور الجولف فهو راكب على المايكروباص
وموتور المايكروباص والبيتل واحد بالظبط

فياريت ينفع يتركب للبيتل

------------
محمد سالم

[gomangy]

متابع باهتمام جدا

[ahmed_mido1889]

مش عارف ينفع ولا لأ بس الموضوع بتاع ماتور السوبارو مينفغش في مصر
لانه بيقولك لو عايز تسقط ماتور في العربيه لازم يكون من نفس النوع يعني مينفعش اسقط ماتور هيونداي في دايو او ميتسوبييشي في تويوتا

[smsmxxxxxx]

بالنسبة للمرور انا بفكر لو الموضوع نفع اخلي الموتور القديم عندى
وكل 3 سنين اركبه وارخص وارجع اركب الموتور بالتعديل تاني
حتى لو الموضوع اتكلف فهيبقي تكلفته اقل من سحب البنزين للمواتير القديمة
دا غير الكفائة الاعلي وقلة الاعطال

----------
محمد سالم

[midohtato]

السلام عليكم
محدش سأل علي الموضوع دة يا جماعة

[midohtato]

السلام عليكم ورحمة الله وبركاته

و الله موضوع جامد و دخل دماغى !!!!
بس ماعنديش فكرة كاملة عنه
بس أنا ساكن قريب من السيدة زينب و إن شاء الله فى أقرب فرصة هاعدى على الميكانيكى ده و أشوف إيه النظام و أحكيلكو نتيجة الزيارة بالتفصيل بأمر الله

ياريت لو كنت سألت الميكانيكي تقولنا اية النتيجة و فعلا ينفع و لا لأ

و كمان سمعت عن ماتور البورش ينفع يركب صح ولا لأ

[smsmxxxxxx]

البيتلز بيركب ليها موتور البورش بس انهى طراز مش عارف
والسوبارو كمان بيركب الاجانب بيركبوا دول

بس المواتير دى اسعارهم اغلي من الجولف وقطع غيارهم وصيانتهم غالية

لكن موتور الجولف استيراد نفس ثمن موتور البيتلز ال 1600 cc
وموجود اكتر والتكنولوجيا اللى فيه افضل من البيتلز

هو بيركب على المايكروباص فإنشاء الله يركب على البيتلز

بس محتاجين متطوع يكون ساكن قريب من السيدة زينب يسأل في الموضوع ده

-------------
محمد سالم

[ahmed_mido1889]

انا سئلت واحد ف الهرم عامل القصه دي من كام يوم
بس في ميكروباص قالي التكلفه كلها 1600 جنيه الماتور1100 جنيه+ 200جنيه حاجه اسمها بلاطه و مش عارف 3000 جنيه بتوع ايه
بس بيقولي الماتور بيشتغل معاهم سنتين بس في ميكروباص

[smsmxxxxxx]

المايكروباص سهل لان حوض الموتور كبير
وانا شفت مايكروباص مركب موتور جولف
ومايكروباص تاني مركب موتور تويوتا

-----------------
محمد سالم

[hosamsief]

السلام عليكم و رحمه الله و بركاته
طبعا احنا اتعودنا على موتور البيتلز و طريفه عملة و صيانته و اترحما من تزويد المية فى كل شويه و الريداتير اللى كل شوية بيتخرم و الاعطال اللى فى المواتير الاماميه احنا منعرفهاش و لا عندنا ايه فكرة بالصيانه الخاصه بيها فخلينا مع اللى نعرفه احسن --- الالمان دول ناس عباقرة و متخصصين و عارفين بيعملوا ايه .........................

[engahmedsamy]

من شدة موتور الجولف بيكسر قواعد الموتور والله اعلم