برجاء الأفادة سيارةفولكس بارتى موديل 2005

[NEWLOOK22]

برجاء من السادة الأعضاء الأفادة عن سيارة فولكس بارتى 1600 سى سى موديل 2005 فول أبشن فابريكة من حيث توافر قطع الغيار بالأسواق وهل هى سيارةجيدة لأنى محتار ولا أعرف أىمعلومات عنها ولأنى محتارهل أشترى هذة السيارة أم أشترى سيارة أوبل كورسا موديل 2005 فول أوبشن فابريكة مع العلم بأن سعر السيارة هو 55000 جنيها أو فولكس بولو موديل 2003 -1000 سى سى برجاء من السادة الأعضاء وأصحاب الخبرة الأهتمام والرد وأبداء الرأى لأنى محتار فى الأختيار مابين الثلاث سيارات لكم الشكر والأمتنانلكى أتخذ القرار السليم مع العلم بأن سيارتى الحالية هى دايو ماتيز موديل 99

[NEWLOOK22]

الى أعزائى الأحباب فى المنتدى أنا طرحت الموضوع دة فى أوبل وبصراحة كانو أكثر من رائعين وتم التواصل وأبداء الرأى والمشاركةفى الموضوع من جوانب كثيرة وكلها وجهات نظر محترمة وكنت أتمنى أن يتم الرد والتواصل وأبداء الرأى عن طريق عشاق فولكس حتى يمكن الأستفادة من وجهات النظر المختلفة وانا على أمل ان أرى الرد والمشاركة من عشاق فولكس وشكرا

[mikeatef]

بص يا باشا.. انا معايا باراتى 2006وعايز اعمل مقارنه بينها وبيت الكورسا الاسترا السيدان علشان انا رحت قريت اللى حضرتك كاتبه فى الاوبل
انا صاحبى معاه استرا
1) الخامات فى الاسترا طبعاً احسن بكتير جداُ من التابلوه والابواب من جوا وطبعاً التقفيل علشان ديه المانى وديه برازيلى
2) العفشه فى الاسترا انعم بكتير من الباراتى .. الباراتى العفشه ناشفه وديه مزعجه شويه بس ماشيه كويش بالنسبه لشوارع مصر المحروسة
3) البارتى ليها قطع غيار كتير المانى لكن مش كله ... الاسترا كله المانى
4) الشنطه طبعاً فى الباراتى اوسع
5) الاداء البارتى اداء متوسط علشان الماتور تكنولوجيا قديمه الى حد ما انا مثلاً مش فارق معايا علشان ان مش بتاع شد وجى والكلام ده اهم حاجه العربية بتعمل اللى مطلوب منها وهى اداه مواصلات مش سياره سباق بس هى عربية ثابته كويس اوى على الطريق وانا جريت بيها كتير 140ومفيش مشاكل ... بس الاسترا بتجرى عنها ومعرفش الاسترا على السرعات العاليه شكلها ايه علشان مفتيش
5) نيجى للموضوع الكبير وهو قطع الغيار مش عارف بيقولو ان قطع الغيار بتاعت الباراتى مش موجوده مع انى لسه محستش بالموضوع ده من سنه من ساعت لما جبت العربية بس هما بيقولو... بس اللى اعرفوا ان الاسترا قطع غيرها اقل ندره من الباراتى ولسه كان معايا واحد صاحبى انبارح اقعد يقولى انا بعشق حاجه اسمها اوبل استرا بس وارضيتش اشتريها علشان قطع الغيار وجاب جولف 2 اتوماتيك وانا بصراحه اثق فى رايه علشان هو فاهم فى العربيات كويس وسأل برضو
مش عرف عايز تسأل على حاجه معينه تانيه ممكم تسأل وبجد لو عندى المعلومه هرد عليك

[mikeatef]

نسيت لقولك انى الباراتى 2005 احسن من 2006 علشان فيها 4 ازاز كهرباء.. 2006 2 بس
تفتح الشنطه من جوا 2006 لا
قطغ الغيار من الفوانيس والاكصدامات والابواب والحاجات الخارجيه ديه متوفره اكتر من 2006 الشكل الجديد

[NEWLOOK22]

أشكرك على الرد والأيضاح ولكن على ما أعتقد أن موديل 2005 هو نفسة موديل 2006 والأختلاف فى الأكصدام الأمامى والخلفى ولى سؤال هل يوجد بها فرامل abs

[mikeatef]

أشكرك على الرد والأيضاح ولكن على ما أعتقد أن موديل 2005 هو نفسة موديل 2006 والأختلاف فى الأكصدام الأمامى والخلفى ولى سؤال هل يوجد بها فرامل abs

لا فى اختلاف فى الفوانيس والتابلوه واللى انا قولتك عليه علشان انا معايا 2006... مفهاش abs فى كل الموديلات
انا هبيع عربيتى قريب بس مش علشان هى وحشه بس علشان عايز اجيب زيرو بس انا عرضت عربيتى وانشاء الله خير

[NEWLOOK22]

الأخ العزيز mikeatef أشكرك على الرد والأيضاح وأتمنى لك التوفيق فى بيع سيارتك وأشكرك مرة ثانية وأحب أعرفك بأننى سأدرس الموضوع من جميع النواحى وسوف أختار السيارة الأصلح والأنسب والمعمرة فى نفس الوقت وأعتقد أنها أسترا ولك منى كل الأحترام والأعتزاز بك وشكرا

[mikeatef]

الأخ العزيز mikeatef أشكرك على الرد والأيضاح وأتمنى لك التوفيق فى بيع سيارتك وأشكرك مرة ثانية وأحب أعرفك بأننى سأدرس الموضوع من جميع النواحى وسوف أختار السيارة الأصلح والأنسب والمعمرة فى نفس الوقت وأعتقد أنها أسترا ولك منى كل الأحترام والأعتزاز بك وشكرا

يا باشا انت تأمر لو عايز تسأل على حاجه فى الباراتى اى وقت قولى