تقيم جيتا 2009 بعد 5000 كم

[islamaboelnaga]

بسم الله الرحمن الرحيم

انا هحاول ياجماعه اعمل تقيم للجيتا بعد 5000 كم تقريبا :
1-السحب :

هاتكلم الاول على سحب العربيه بالبنزين 92 ....العربيه سحبها كويس اوى خصوصا من اول النقله التانيه و ملحوظ اوى ان العربيه بتفوق جامد و السحب بيتحسن كتير من اول سرعه 80 و انت طالع يعنى على السرعات العاليه لو انت واخد على العربيه صعب اوى عربيه 1600 تطلع منك ....بس دواسه البنزين غريبه شويه لازم رجلك تبقى واخده شكل الدواسه ...و الدواسه حساسه جدا بمعنى ان حسب سرعه رجلك فى الضغط على الدواسه ....يعنى ممكن تدوس سنه صغيره على الدواسه بس حركه رجلك سريعه العربيه تنزل مثلا من ال 5 لل 3 ...و ممكن تدوس نفس الدوسه بس مش بسرعه اوى العربيه متسقطش نقله اصلا (و النقطه دى بتخلى اللى يسوق العربيه اول مره يقولك العرييه سحبها مش حلو ) عموما تعتبر طلعنها تقيله شويه مش زى اليابانى و الكورى بس اول مابتمسك الغيار التالت العربيه بتطير فعلا و مفيش حاجه بتجبها

السحب ببنزين 95 افضل بكتييير و استجابه سريعه اوى و بيختفى موضوع الطلعه التقيله دى و تحس انك راكب عربيه تانيه و بيكون السحب ممتاز و استهلاك البنزين افضل كتير و صوت الموتور اهدى اوى خصوصا على الغيار الاول و التانى (انا مقتنع ان الافضل للعربيه دى بال\ات بنزين 95 بس عيبه انو غالى و مش متوفر :) )

2-العفشه :

انا عندى الفئه اللى بجنط 17 و العفشه معقوله اوى و تعتبر ناعمه مقارنه بعربيات كتير فيها جنط 17 (زى الاوكتافيا و السيراتو ) و انعم من عربيات تانيه جنوطها صغيره زى الانسر البومه ال 1600 ....الفئه اللى بجنط 16 انعم كتييير من ال 17 ....من عيوب الجنط ال 17 موضوع البلالين اللى بتطلع فى الكاوتش لو خدت نقره على سرعه عاليه... ملحوظه غريبه شويه الجيتا اللى بجنط 17 اريح بشكل ملحوظ من الاوكتافيا اللى بجنط 16 (بشهاده اصحاب الاوكتافيا ) ....بس بصفه عامه العفشه كويسه و مريحه فى السفر بس فيها سنه النشوفيه بتاعه الالمانى دى :)

3-الارتتفاع عن الارض :

ودا من اكبر عيوب العربيه دى فى مصر ...خاصه لو انت من هواه انك تطلع المطب بسرعه ...3 ورا و اى مطب عالى يبقى لازم تتطلع المطب بالراحه و يستحسن لو بالجنب ..(لو كان عندك عربيه واطيه قبل كدا مش هتلاقى مشكله فى التعامل معاها بس مع التعود الامور بتمشى تمام ) ...العربيه لو فيها 4 ركاب بتبقى كويسه لوى و صعب تحك الا لو مطب جبل يعنى :)

4-الثبااات :

المفروض ماتكلمش عن الموضوع دا :) دا من اكبر المميزات فى العربيه دى :) العربيه بتتمتع بثبات ممتاز فى اسوء الظروف الجويه حتى سرعه 190 -200 كم فى الساعه ...كفايه ان مفيش ملف يجبرك انك تهدى سرعتك (غير اللانسر اللى معايا خالص ) ماشاء الله ثباتها وهمى بجد ومفيش احساس بالسرعه نهائى

5-العزل و صوت الموتور:

صوت الموتور مسموع بوضوح فى النقله الاولى و التانيه بس بعد كدا بيختفى تماما و العربيه ملهاش صوت على السرعات العاليه بسبب الفتيس ال 6 نقلا ..يعنى تقريبا بتبقى على سرعه 160 و الrpm على 3.5 ....و العزل ممتاز متسمعش اى حاجه بره (مشكله العزل فى صوت الموتور فى الطلعه بس المشكله دى بتقل بشكل كبير بعد تغير الزيت اول مره و استخدام بنزين 95 )

6- التكيف :

التكيف ممتاز جدا طالما انت بتحافظ انك تشغله كل فتره و بتحافظ على نظافه فلتر التكيف ( التكيف اقوى و بيبرد اسرع من اللانسر البومه و الكرستاله و بقارن بيهم علشان دول العربيتين اللى معايا :) )

بصفه عامه العربيه كويسه اوى بس عيبوبها انها واطيه شويه و عايزه سواقه بتركيز و موضوع سرقه العلامات :) و انا شايف ان العربيه دى محتاجه بنزين 95 وهتاخد منها اداء كويس جداااا

[bob12345]

بجد يا باشا انت جبت من الاخر بس انا عايز اسال علي كام حاجة
1-انا لو حطيط 95 و بعد كدة رجعيت 92 في مشكلة
2-لازم احط 95 لوحده و لا ممكن ال2 مع بعض
3- انتا مشغل نظام follow me ولا لأ و كتر تشغيل و قفل الزنينون يبوظوا ولا لأ و اللمض بتعتها عادية و لا ليها نوع معين
4 هيا فيها نظام لو بقفل الزجاج وفي اي عائق بيرجع تاني ولا مش موجد عندك عشان انا جربت ومرجعش

[KSA2011]

الف مبروك يا باشا تقرير رائع

[ghazy12]

شكراا على التقييم الشامل و الوافي, و ربنا يباركلك فيها و عقبال صيانة الــ 100,000 كم ان شاء الله...

[islamaboelnaga]

بس يا باشا هو ال 95 افضل للعربيه بس مفيش مشكله فى ال 92 غير انك هتحس ان الغربيه صوتها اعلى و سحبها اقل شويه و انا احيانا بحط 92 و احيانا 95 مفيش مشكله غير انك هتتعود على اداء ال 95 :) و على فكره استهلاك ال 95 اقل من ال 92 ....و موضوع خلط البنزين دا انا مش عارف بصراحه صح ولا غلط بس كان فيه الاخ سيف هنا فى المنتدى معاه باسات و كان بيقول مفيش فيه مشكله ...انا مشغل نظام follow me و مفيش مشكله خالص ....

[islamaboelnaga]

الف شكر للدكتور محمد و الباشمهندس غازى و ربنا يقومك بالسلامه :)

[islamaboelnaga]

بالنسبه لاستهلاك البنزين ياجماعه العربيه بتعمل فى التفويله من 650-700 كم على طريق بسرعه من 100-120 كم فى الساعه (من غير حرق اوى ) ....جوه البلد من 520-550 كم فى التفويله التفويله حوالى 50 لتر ....بس الكلام دا كله ببنزين 92 ....واى استفسار انا تحت امركم......

[TeMoON]

سؤال يا اسلام باشا العربية معاك بقالها اد اية وعاملة كام كيلو لدلوقتى

[sarawe511]

شكرا ع التقيم الجميل و ربنا يبارك لك قيها

[hanady]

شكرا على التقرير

بسم الله الرحمن الرحيم

انا هحاول ياجماعه اعمل تقيم للجيتا بعد 5000 كم تقريبا :
1-السحب :

هاتكلم الاول على سحب العربيه بالبنزين 92 ....العربيه سحبها كويس اوى خصوصا من اول النقله التانيه و ملحوظ اوى ان العربيه بتفوق جامد و السحب بيتحسن كتير من اول سرعه 80 و انت طالع يعنى على السرعات العاليه لو انت واخد على العربيه صعب اوى عربيه 1600 تطلع منك ....بس دواسه البنزين غريبه شويه لازم رجلك تبقى واخده شكل الدواسه ...و الدواسه حساسه جدا بمعنى ان حسب سرعه رجلك فى الضغط على الدواسه ....يعنى ممكن تدوس سنه صغيره على الدواسه بس حركه رجلك سريعه العربيه تنزل مثلا من ال 5 لل 3 ...و ممكن تدوس نفس الدوسه بس مش بسرعه اوى العربيه متسقطش نقله اصلا (و النقطه دى بتخلى اللى يسوق العربيه اول مره يقولك العرييه سحبها مش حلو ) عموما تعتبر طلعنها تقيله شويه مش زى اليابانى و الكورى بس اول مابتمسك الغيار التالت العربيه بتطير فعلا و مفيش حاجه بتجبها

السحب ببنزين 95 افضل بكتييير و استجابه سريعه اوى و بيختفى موضوع الطلعه التقيله دى و تحس انك راكب عربيه تانيه و بيكون السحب ممتاز و استهلاك البنزين افضل كتير و صوت الموتور اهدى اوى خصوصا على الغيار الاول و التانى (انا مقتنع ان الافضل للعربيه دى بال\ات بنزين 95 بس عيبه انو غالى و مش متوفر :) )

2-العفشه :

انا عندى الفئه اللى بجنط 17 و العفشه معقوله اوى و تعتبر ناعمه مقارنه بعربيات كتير فيها جنط 17 (زى الاوكتافيا و السيراتو ) و انعم من عربيات تانيه جنوطها صغيره زى الانسر البومه ال 1600 ....الفئه اللى بجنط 16 انعم كتييير من ال 17 ....من عيوب الجنط ال 17 موضوع البلالين اللى بتطلع فى الكاوتش لو خدت نقره على سرعه عاليه... ملحوظه غريبه شويه الجيتا اللى بجنط 17 اريح بشكل ملحوظ من الاوكتافيا اللى بجنط 16 (بشهاده اصحاب الاوكتافيا ) ....بس بصفه عامه العفشه كويسه و مريحه فى السفر بس فيها سنه النشوفيه بتاعه الالمانى دى :)

3-الارتتفاع عن الارض :

ودا من اكبر عيوب العربيه دى فى مصر ...خاصه لو انت من هواه انك تطلع المطب بسرعه ...3 ورا و اى مطب عالى يبقى لازم تتطلع المطب بالراحه و يستحسن لو بالجنب ..(لو كان عندك عربيه واطيه قبل كدا مش هتلاقى مشكله فى التعامل معاها بس مع التعود الامور بتمشى تمام ) ...العربيه لو فيها 4 ركاب بتبقى كويسه لوى و صعب تحك الا لو مطب جبل يعنى :)

4-الثبااات :

المفروض ماتكلمش عن الموضوع دا :) دا من اكبر المميزات فى العربيه دى :) العربيه بتتمتع بثبات ممتاز فى اسوء الظروف الجويه حتى سرعه 190 -200 كم فى الساعه ...كفايه ان مفيش ملف يجبرك انك تهدى سرعتك (غير اللانسر اللى معايا خالص ) ماشاء الله ثباتها وهمى بجد ومفيش احساس بالسرعه نهائى

5-العزل و صوت الموتور:

صوت الموتور مسموع بوضوح فى النقله الاولى و التانيه بس بعد كدا بيختفى تماما و العربيه ملهاش صوت على السرعات العاليه بسبب الفتيس ال 6 نقلا ..يعنى تقريبا بتبقى على سرعه 160 و الrpm على 3.5 ....و العزل ممتاز متسمعش اى حاجه بره (مشكله العزل فى صوت الموتور فى الطلعه بس المشكله دى بتقل بشكل كبير بعد تغير الزيت اول مره و استخدام بنزين 95 )

6- التكيف :

التكيف ممتاز جدا طالما انت بتحافظ انك تشغله كل فتره و بتحافظ على نظافه فلتر التكيف ( التكيف اقوى و بيبرد اسرع من اللانسر البومه و الكرستاله و بقارن بيهم علشان دول العربيتين اللى معايا :) )

بصفه عامه العربيه كويسه اوى بس عيبوبها انها واطيه شويه و عايزه سواقه بتركيز و موضوع سرقه العلامات :) و انا شايف ان العربيه دى محتاجه بنزين 95 وهتاخد منها اداء كويس جداااا

شكرا لك على التقرير.
فعلا العربية رائعة. حتة واطية دى التغلب عليها سهل مع أخ المطب بالراحة و بشكل عمودى على المطب (مش بالورب)---كتالوج العربية ينصح بكده.
فعلا بنزين 95 هو ما تنصح به الشركة، و ممكن 92 بس مع حدوث ظاهرة التصفيق فى بدء أدارة المحرك و هو بارد صباحا ريثما يشتغل ميكانيزم الماد للتصفيق (الصفح)
ntiKnock systemبعد حوالى دقيقتين. بره السحب م هيبقى زى 95 (نقلا عن كتالوج العربية).
عن نفسى أنا لا أستعمل ألا 92 من أتريت العربية (95 لا يوجد بالمحافظة التى أقيم بها، و حتى لو موجود ده غالى قوى)---عملت بيها 11000 كيلو و السحب ممتاز و أول عربية نطلع فى أى أسارة مرور.
ربنا يحفظ جميع عرابياتنا لينا.

[gabour76]

انا اعرف ان الي بيكتب موضوع بيحط المميزات والعيوب برده
انت ماشاء الله عليك كلو مميزات !!
انت تبع التوكيل ولا ايه ياحج

[islamaboelnaga]

بالنسبه ان انا قلت ان العربيه واطيه و بتحك و بالنسبه ان انا قلت ان الموتور صوته عالى فى النقلات الاولى و لعفشه ناشفه ........اقولك ايه تانى طيب !!!!

[SAiF3S]

انا اعرف ان الي بيكتب موضوع بيحط المميزات والعيوب برده
انت ماشاء الله عليك كلو مميزات !!
انت تبع التوكيل ولا ايه ياحج

أكيد مش تبع التوكيل علشان مش اسمه نجار و لا غبور
هو انت اسمك ايه بقى علشان مش بعرف اقرا انجليزى

[SAiF3S]

أسلام باشا تقييم رائع لسياره اروع ربنا يبارك لك فيها
و بعدين انت راكنها فى البيت و لا ايه , انت ياراجل داخل فى سنه معاك و كل ده 5000 كم بس .

[islamaboelnaga]

سيف باشا هو انا ماشى قليل علشان فى ك\ا عربيه تانيه فى البيت فالضغط مش على العربيه دى ...و الف شكر ياباشا :)