مشكله فى قطع غيار البوينتر .... هل يوجد قطع غيار بديله ؟؟؟؟

[M_HaFeZ]

زميل لى عمل حادثه بسيطه بالبوينتر 2007 والمرايه الجانبيه اتكسرت ولما راح التوكيل قالوا له انت على قائمه الانتظار الى شهر مارس او اكتر لحد ماتيجى قطع غيار
فالبنسبه للمرايات هل يوجد بديل من نوع آخر بحيث يتم توفيق لها او قطع غيار اخرى موجوده فى السوق فى اى مكان ؟؟

ياريت ياجماعه اللى عنده اى معلومات يقولنا وخصوصا ان العربيه معاه من حوالى 3 شهور بس وبيفكر جديا انه يبيعها ويغير لعربيه تانيه بس المهم يخلص من موضوع المرايه ده
وشكرا مقدما

[paladin]

go ask in "demash2 street" or el "tawfe2ya" or "el 7erafyeen"
also the mirrors aren't electrical so u may fit another mirrors

[M_HaFeZ]

طيب ياباشا متعرفش اذا كانت قطع الغيار دى اصليه ولا لأ وايه مدى التوافر بتاعها ؟

[paladin]

go and see yourself and you better buy german parts not nessecary the original

[M_HaFeZ]

شكرا يابلادين
الاسم ده بيفكرنى بحد من زمن ال Knights ولا انا غلطان

[tutankhamoun]

شكرا يابلادين
الاسم ده بيفكرنى بحد من زمن ال Knights ولا انا غلطان

أنا أعتقد إن الأستاذ paladin
يبدأ أسمه الأول بحرف باء و الأسم الثاني علاء الدين

[M_HaFeZ]

لا مش بالظبط ياتوت انا دورت دلوقتى وطلعت لى النتيجه

http://en.wikipedia.org/wiki/Paladin

[pointer]

تحياتي الي المنتدي اولا
ثانيا بالنسبه لمرايه زميلك قول ايه اللي وداه التوكيل ده كل الناس في مصر المحروسه بتشتكي من التوكيلات صحيح الحاجه اصليه بس مش في المرايا يعني لا قدر الله حاجه في الفرامل او التعليق اقول اه لكن مرايا اصليه ليه خليه يجبها ولو ورق هتبقي احسن من استغلال التوكيلات في مصر كمان فيه حد يبيع التحفه دي علي شان مرايا علي كده الراجل ده هيشتري كل يوم عربيه ياجماعه احنا في مصر, لا في حاجه اسمها توكيلات والعربيه بتتخبط وهي واقفه

[bimmeraddict]

بص أنزل الحرفيين عند بتوع الاستيراد بتوع الفولكس وخلية يجرب يركب مرايات بولو أو جولف4 أو أي عربية فولكس وشوف هتركب ولا لأ بس في الحالة دي هتضظر تشتري مرايتين اتنين

[M_HaFeZ]

الف شكر يارجاله على المداخلات الجميله دى
بس من اسباب توجه صديقى للتوكيل علشان ياخد فاتوره معتمده للتأمين

[tot]

بص يا باشا انا حصللى كده معاهم فى مراية برضه بس بعتت للشركة فى المانيا و التوكيل اتصل بيا و استعجلوها و اول ماوصلت هما اللى كلموني عشان اجى اركبها و انا برضه كنت عايز اعملها عندهم عشان التأمين خليه يدخل ع الموقع ده و يملى بياناته و يستنى ردهم ع الايميل و كمان رد التوكيل

http://www.volkswagen.com/vwcms_publish/vwcms/master_public/virtualmaster/en2/dialogue.metanav.html

[M_HaFeZ]

الف شكر ياباشا على الرد ده
بس المرايه جت لحضرتك بعد اد ايه ؟
وياترى لو صاحبى اتصرف فى واحده من اى محل بره واخد فاتوره هينفع للتأمين ولا لأ؟

[M_HaFeZ]

عموما الف شكر يارجاله على المشاركات الجميله دى
كلمت صاحبى لاقيته اشترى المرايه من التوفيقيه ب 170 جنيه بس بعد مالتوكيل قاله انها تقريبا باكتر من 1300 جنيه وعلى قائمه الانتظار
الف شكر ليكم جميعا

[Atef Saleh]

يا عم انزل التوفيقيه عند اولاد احمد صالح هتلاقى المرايه انا اشتريتها لعربيتى بحوالى 170