بولو والأحتياطى

[gamal2009]

السلام عليكم ورحمة الله وبركاته
خبراء البولو عيون أرجو الرد
عندى سيارة بولو سيدان برازيلى 2005 عيون
السؤال هو : ان العربية لما بافولها تسحب البنزين الاحتياطى أولا ثم تسحب من التنك
مع انى مابوصلش أمبير البنزين للصفر اوحتى للنص والمفروض ان العربية لما تيجى تشطب بنزين
تخش على الاحتياطى لكن أنا عندى العكس وكل ماأروح افول يقولى عامل المحطة أعبيلك الاحتياطى
أقوله لا لآنى عارف ان العربية مابتشطبش بنزين فبدات اقول للعامل نعم عبى الاحتياطى فيقوم معبيه
يعنى الاحتياطى بيفضى قبل التنك ياريت حد يكون جرب المشكلة دى وعالجها يقولى ازاى
ولكم جزيل الشكر

[medo20000]

أظن أن كل الأحتياطى كده
يعنى أنا لما بفول بفول العادى الأول وبعد كده بفول الأحتياطى بس أظن ان العربية لما بتيجى تسحب بنزين بتسحب من الأحتياطى الأول
كمان الفكرة كلها أن حضرتك مابتقدرش تتحكم فى أى من التنكين يعنى مافيش إختيار ....بس لما بفول الأحتياطى العداد بيقعد كتير قوى عقبال مايتحرك من على أول شرطة للتفويل fuel
....والله أعلم ممكن حد من الشباب يفيدنا برضه

[M.Gamaledeen]

أظن أن كل الأحتياطى كده
يعنى أنا لما بفول بفول العادى الأول وبعد كده بفول الأحتياطى بس أظن ان العربية لما بتيجى تسحب بنزين بتسحب من الأحتياطى الأول
كمان الفكرة كلها أن حضرتك مابتقدرش تتحكم فى أى من التنكين يعنى مافيش إختيار ....بس لما بفول الأحتياطى العداد بيقعد كتير قوى عقبال مايتحرك من على أول شرطة للتفويل fuel
....والله أعلم ممكن حد من الشباب يفيدنا برضه

+1
نفس الكلام ده اللي بيحصل معايا
ومش عارف اصلا ايه الغرض من القصة دي
ما كان يبقى تنك واحد كبير وخلاص
لازم كل مرة افول يقولي "افول الإحتياطي" ؟؟؟

[medo20000]

M.Gamaledeen
هو حضرتك من سكان أكتوبر ؟طيب منين بالضبط يمكن نطلع جيران ؟ولينا الشرف طبعاً ....

[gamal2009]

والله ياأخ ميدو أنا من شبرا
وبعدين المفروض ان البنزين الاحتياطى يفضل فى التنك للظروف الحرجة فعندما توشك العربية على انتهاء البنزين بيكون فى حوالى 7 لتر بنزين احتياطى فتبدأ تخش عليه لحين توصيلك لأقرب محطة وقود ودا كان موجود معايا فى العربية الدوجان أول ما لمبة البنزين تنور نور متقطع أعرف ان العربية بدأت تشطب بنزين وبدأت تسحب من الأحتياطى وهو دا اللى المفروض يكون فى أى عربية لأن لو أنت مسافر حيث ندرة وجود محطات بنزين فعندما تومض لمبة البيان الخاصة بالبنزين تعرف ان هناك بعض اللترات كاحتياطى فى التنك وتحذرك بأنه يجب عليك التوجه لاقرب محطة أكيد هناك ســــــــــــــــــــــــــر احنا مش فاهمينه والحل عند أهل الخبرة فياريت حد يكون متابعنا

[بحري]

سؤال بعد إذنكم
كيفية تفويل الاحتياطي؟

[M.Mostafa80]

المفروض بيبقى فى زرار فى فتحه التانك هو اللى بيفتح تانك الأحتياطى بس مش عارف الوضع ايه فى الأكسنت

[dr_mahmod]

المفروض بيبقى فى زرار فى فتحه التانك هو اللى بيفتح تانك الأحتياطى بس مش عارف الوضع ايه فى الأكسنت

معلش انا مش واخد بالى هو الكلام دا على 2001 كمان ؟؟ انا فاهم ان هو تنك واحد واخر شويه فيه هما الاحتياطى ... لو انا فاهم غلط ياريت توضحلى اكتر

[M.Mostafa80]

فى زرار أسود فى فتحه التناك لما بتدوس عليه بيفتح بوابه الأحتياطى وبياخدلو من 7 لحد 10 لتر

[saba]

بيتهيالى ان ده مش موجود الا فى vw منذ بداية ال جولف 2.

[بحري]

جزاكم الله خيرا على الإفادة

[dr_mahmod]

فى زرار أسود فى فتحه التناك لما بتدوس عليه بيفتح بوابه الأحتياطى وبياخدلو من 7 لحد 10 لتر

تمام لقيتها ... ياريت يا جماعه لو حد عنده مانيول للعربيه pdf او اى صيغه على الكمبيوتر .. محتاجه ضرورى

[dr_mahmod]

تمام لقيتها ... ياريت يا جماعه لو حد عنده مانيول للعربيه pdf او اى صيغه على الكمبيوتر .. محتاجه ضرورى

هو ليه كل ما بسأل على المانيول محدش بيرد ... هى مش موجوده مع حد .. ولا موجوده ومحدش واخد باله من طلبى .... انا محتاجها فعلا . لو ملقتهاش يبقى كل حاجه فى العربيه كده هعرفها ب trail and error

[gamal2009]

بس المفروض أن الزرار اللى فى فتحة التنك يكون مقفول والعربية ماتسحبهوش الا فى الأخر يعنى لما التنك الرئيسى يقرب يفضى لكن ان العربية تسحب الأحتياطى الأول ده مش مفهوم ياريت حد يجيبلنا خلاصة الكلام ويقولنا السر أيـــــــــــــــه

[M.Mostafa80]

البولو كلها كده يأستاذ جمال بتسحب الأحتياطى الأول وبعد كده تبدا تدخل على التانك الرئيسى انا عندى نفس الموضوع
والفكره أن تقريبا الأحتياطى بياخد حولى 10 لتر والأساسى 40 لتر يعنى أجمال 50 لتر ومن المفروض انها بتعمل من 120 الى 140 ك فى العشره لتر يعنى فى التانك بالأحتياطى 700ك فاتفتكر أنك فى المسافه دى مش هتلاقى ولا محطه بنزين واحده