ما هي مواصفات الجيتا أول فئة اللي بـ 170000؟؟؟

[inspiron]

يا جماعة أرجوكم إيه هي مواصفات الجيتا أول فئة اللي بـ 170000..لأن في ناس كتير قالت متدفعش الفلوس دي في الفئة دي لأنها تعتبر فاضية!!!! صحيح الكلام ده؟


----------------------------
تم تعديل العنوان ليتناسب مع المحتوى
مشرف الأوروبى 2
----------------------------

[inspiron]

يا جماعة فين الردود أرجو سرعة الردود عشان المفروض أتخذ القرار يوم السبت إن شاء الله.

[inspiron]

ماشي يا جماعة ألف شكر

[islamaboelnaga]

بص ياباشا هى الفئه دى كماليتها عاديه يعنى :
زجاج كهرباء و سنتر و و باور و تكيف اوتوماتيك ولو خليجى ممكن تلاقى فيها مثبت سرعه و جنط 16 ....اللى بيقولك فاضيه قصده ان مش فيها فتحه سقف و زينون و سينسورز و بخاخات و كمبيوتر و كراسى كهرباء و فرش جلد و شويه سنسورز كمان بس :)

[inspiron]

ألف شكر يا باشا طيب أنا أحب أخد رأيك لو قارنت بينها و بين أول فئة في الفانتازيا.أختار إيه..علما بإني ميال لشكل الجيتا.بس هل في إختلاف بينهم غير الشكل

[islamaboelnaga]

بص يامعلم انا كنت هجيب اوكتافيا لاخر لحظه و كان معانا واحده فى العيله و عملت 100000 كم ماشاء الله بدون مشاكل بس اللى خلانى اجيب الجيتا موضوع صوت الشنطه و صوت الابواب (حرام اسمع صوت زى دا فى عربيه ب 200000 جنيه ) و كدا كدا هيظهر بعد فتره و كان موجود عندى قبل ما ابيعها و الجيتا عفشتها انعم و اثبت سنه و سحبها اعلى سنه بس الوكتافيا اوسع فى الكنبه اللى ورا و اعلى من الجيتا

[inspiron]

معاك حق في موضوع الصوت ده عشان قرفني في عربيتي الـ a4

[beeboo2005]

العربية رائعة

أنت اللى تحدد---هل أنت بحاجة لمثبت سرعة، قياس ضغط الأطارات، أن نقل التيبترونيك يبقى من الدركسيون و مش بحاجة تمد أيدك على الفتيس، محتاج جنوط اسبور مش عادى (كده تبقى الفئة الثانية p2). هل أنت بحاجة لفتحة السقف و الأنوار الزينون، (كده تبقى الفئة الثالثة p3).
لو أنت مش محتاج الكماليات أعلاه هات الفئة الأولى p1، العربية فعلا رائعة و تستحق

[MINPP]

الجيتا اول فئه من الوكيل فيها الكماليات الاساسيه من غير جنوط او طاره ملتي فنكشن او مثبت سرعه او اي حاجه تاني وكمالياتها كالاتي
1-تكيف
2-سنتر
3- باور
4- ازاز كهربا
5 - مرايات كهربا باشارات مش ضم
6-فرش مخملي
7-طاره عاديه
8-ماتور 102 حصان 1600 سي سي
9-فرامل ebs
10-فتيس استريبتونيك من غير شفت النقل الي في الطاره
لو محتاج الكنبه بتتطبق دا في الفئه الاعلا عايز جنوط ومثبت سرعه هات الخليجي عايز تجيب بالضمان هات وركب السنسور والجنوط بره التوكيل الجنط في التوكيل ال16 ب5000 وسنسور البارك الواحد ب1500 جنيه
بالنسبه للمقارنه بين الاوكتافيا والجيتا الاتنين واحد تقريبا فرق قليل بينهم بس الجيتا انتشارها اكتر وشبابيه اكتر الاوكتافيا فيها فخامه اكتر الاوكتافيا شكلها اتغير الجيتا الشكل الجديد هينزل بره اخر السنه دي بس مش عارف هينزل عندنا امتا وبالتوفيق
اخيرا سعر الاوكتافيا 165 من الوكيل الجيتا 170 الف

[MINPP]

بالنسبه يا شباب لموضوع الصوت صوت ايه الي بتسمعوه من الشنطه مش فاهم الصراحه ارجو التوضيح