بولو يا عالم

[mtl]

السلام عليكم
معذرة يا شباب انا معروض عليا بولو 95 وبولو99 بس ال95 بيقولوا ماتورها اجمد شويه علشان 1300cc وال99 1000cc وان ما افهمش بصراحه فى الفولكس انا كل سواقتى 128 ودايو وهيونداى بس بصراحه عاوز اركب حاجه شبابى وروشه والعربيتين حالتهم ممتازه بس ال95 تكيفها والباور اصلى مش تركيب ال99 متركبلها تكييف وهاف باور على كلامه واحد ميكانيكى قالى ان الاتنين واحد مع فرق الcc فى التكييف والسحب بتاع الماتور ال1300 احسن شويه بس بصراحه الاتنين شكل بعض وانا محتار لان الموديل بيفرق 4 سنين يعنى اكيد احسن شويه وهل ممكن ان الماتور ال1000cc يكون فيه تعديل يبقى زى ال1300 تعديل من شركته يعنى
وسؤال اخير ياترى يعملوا سعر كام الاتنين هما معروضيين عليا يعتبر بسعر واحد وحالتهم تتعتبر برده واحد فابريكه جوه وراشه بره وعافشه 100-100 وماتوركويس وشكل جميل انا كنت بصراحه مركز على 99 بس لاقيت ناس بتقولى ال95 ماتور اعلى وتكييف وباور اصلى فا محتار جدا ارجوكم ساعدوا واحد محتار ربنا ما يوقعكم فى ديقة ويمنع عنكم اعطال عربياتكم قادر يا كريم. مستنى ردكم بسرعه الله يخليكم لانى مدى معاد ارد فيه على الناس

[byby]

انا معايا 95 هى جميله جدا وفعلا نفقس سعر ال99

[M.Mostafa80]

الموتورين قوتهم الحصانيه واحده مع ان السى سى مختلف الا وهى 50 حصان وبالعكس الأ 1000أفضل لأنها أنجيكشن دا غير انها موديل أقرب ولو عايز منها تكييف وباور موجود بس دور شويه وربنا يوفقك
أنصحك بال 99 لو لقيت منها تكييف وباور فابريكه

[iBiZa]

ال95 تكيفها والباور اصلى مش تركيب ال99 متركبلها تكييف وهاف باور على كلامه

ال95 كانت بتنزل من المانيا 1300cc بس فاضيه و بيركبولها التكييف هنا فى التوكيل عشان يقلل من الجمرك بس مكانوش بيركبوا الباور (الحاله الوحيده انها تيجى راكب فبريكه من المانيا انها تبقى special order بس).

ال99 فيه منها تكييف و باور اصلى, دور شويه و هتلاقى.

واحد ميكانيكى قالى ان الاتنين واحد مع فرق الcc فى التكييف والسحب بتاع الماتور ال1300 احسن شويه

الموتوريين نفس القوه لكن ال1000cc بيوفر بنزين احسن و الdiagnose و الظبط بتاعه بتاعه اسهل.