عاجل استفسار بخصوص ايرباج الباسات 2009

[gebreel]

يا جماعة انا ضيف من رينو عندي سؤال مهم جدا بالنسبة لايرباج الباسات 2009 انا والد واحد صاحبي خارج من الباركنج بتاع البيت بتاعهم و كان فيه بلاعة عالية خبط فيها من ناحية القنطرة الامامية و اتكسرت و بعدها اليرباج بتاع السواق و اللي جنبوا راحوا فاتحين في حين انو كان خارج من الباركنج و بيلف يعني مكنش حتى بسرعة و مكنش فيه حد في الكرسي اللي جنبوا

اللي اعرفوا ان الايرباج مبيفتحش في العربيات الجديدة الا لو كان الحزام مربوط و ان السينسور بتاع الايرباج الامامي موجود في الثلث الاخير من العربية و ان بيبقى فيه safety sensor موجود تحت العدادات تقريبا علشان قبل ما يفتح الايرباج لو وصلتلوا الخبطة بيدي امر فتح الايرباج

انا عاوز اعرف دلوقتي مش وارد ان يكون فيه عيب في السينسور ده و ده اللي أدى لأن خبطة زي دي يفتح الايرباج و لو اه مش المفروض الpassenger airbag متفتحش علشان مفيش حد قاعد حتى على الكرسي؟ لأن التوكيل قايل كدة بسم الله الرحمن الرحيم 40000 جنيه تقريبا و ده بشكل غير رسمي

شاكر لردودكم ...

[M.Mostafa80]

فى فولكس الوضع بيختلف
ونصيحه يسيبه من التوكيل
ينزل يشترى تابلو من الحرفيين ويروح لتامر ورشاد
أو محمد سمير فى جسر السويس
وكل حاجه هترجع زى ما هيه
وبأقل من كدا بكتييييييييييييييييييييييييييييييييييييييييييييييي يير
وكمان هيمسحوله الكرش داتا من على الكنترول

[M.Mostafa80]

أنضف واحد ممكن يجيب منو التابلو هو مجدى البيومى فى نزله الريحانى
وفى واحد تانى فى شارع المرسيدس كنت شايفه جايب عربيه نصين والله لسه زيرو مفيهاش خربوش أتقطعت ليه دى مش عارف
وفى البركه بردو جنب الشيخ حسن وفى الشهاب

[gebreel]

انا متشكر جدا يا باشا بس هوا ودا العربية للتوكيل خلاص و المفروض انو هيعملها تبع التأمين بس اللي انا مستغربلوا ازاي الايرباج تفتح بسبب خبطة زي دي ز ازاي الpassenger airbag تفتح و مفيش حد قاعد و رابط الحزام

ممكن توضحلي ازاي الوضع مختلف

[M.Mostafa80]

كل حادث وليه ملابثاته ودى ممكن يتعرف سببها لو قدر يجيب البيانات الخاصه بالحادث من على الكنترول وساعتها نقدر نقول لحضرتك ليه هو فتح بالرغم من عدم وجد أحد بجانب السائق وكويس انو مامن ربنا بيحبه
بس هيدفع نسبه قد أيه من فاتوره الأصلاح

[gebreel]

كل حادث وليه ملابثاته ودى ممكن يتعرف سببها لو قدر يجيب البيانات الخاصه بالحادث من على الكنترول وساعتها نقدر نقول لحضرتك ليه هو فتح بالرغم من عدم وجد أحد بجانب السائق وكويس انو مامن ربنا بيحبه
بس هيدفع نسبه قد أيه من فاتوره الأصلاح

25% للأسف و ال40000 دوول بشكل مبدئي يعني لسة المعاينة مخلصتش بس لما كلمت صاحب العربية قلي ان الخبطة كانت جامدة لدرجة انو من شدتها طلع لقدام و خبط في الايرباج و كويس انها فتحت بيقول ان ده بسبب ان الخبطة مشيت في جسم العربية كلو لأن البلاعة الغطا بتاعها من ظهر و القنطرة قلي انها انتيمونيوم او حاجة كدة فبيقلي انها كانت جامدة

[M.Mostafa80]

ربنا يكون فى عونه طب على الوصف دا كويس انو مسمعش فى الحساسات الجانبيه

[gebreel]

ربنا يكون فى عونه طب على الوصف دا كويس انو مسمعش فى الحساسات الجانبيه

انا لما صاحبي بيحكيلي استغربت جدا و قلتلوا ازاي و بتاع و يوميها كتبت الموضوع قلت لما اطمن على والده و افهم منو اللي حصل لقيتو بيقلي الكلام ده و فعلا قلت زيك كدة بس بردو لسة مش مقتنع ليه الpassenger airbag تفتح و مفيش حد قاعد جنبوا خصوصا اني اعرف ان الباسات فيها سينسور في الكرسي كمان علشان لو حد قاعد و مش رابط الحزام

و فيه سؤال معلش انا تاعبك معايا هو انت لما قلتلي ينزل جسر السويس و يجيب تابلوه استيراد و الكلام ده هل هيرجع الايرباج تشتغل تاني ولا تصليح شكل بدون ايرباجز؟

[M.Mostafa80]

هترجع كل حاجه زى ما كانت شغاله ومفيش اى مشاكل والمكان الحرفيين أخر جسر السويس

[gebreel]

هترجع كل حاجه زى ما كانت شغاله ومفيش اى مشاكل والمكان الحرفيين أخر جسر السويس

و هوة الموضوع ده ينفع لأي عربية ولا الفولكس بس يعني الرينو اللي معايا لو لا قدر الله احتجت حاجة زي كدة دوول ممكن يعملوها؟

[M.Mostafa80]

المهندس تامر ورشاد اه ممكن يعملوها لأن تخصصهم فى الكهرباء للعربيات الأوروبى كلها
وبردو هتجيب حاجتك من الحرفيين
وربنا ما يجعلك تحتاج لى حد منهم

[gebreel]

المهندس تامر ورشاد اه ممكن يعملوها لأن تخصصهم فى الكهرباء للعربيات الأوروبى كلها
وبردو هتجيب حاجتك من الحرفيين
وربنا ما يجعلك تحتاج لى حد منهم

اميين يا رب

انا شاكر جدا لتعب حضرتك

[M.Mostafa80]

يافندم مفيش تعب ولا حاجه

[mshamy]

السلام عليكم يا شباب
انا كنت امبارح في مركز الصيانة الخاص بالغردقة علشان في مشكلة ظهرت في التكييف
وقلت أسأل المهندس على موضوع الإيرباج اللي فتح من غير مايكون حد راكب على الكرسي الأمامي
قالي انه ده طبيعي و علشان كده فولكس عاملين تحكم للراكب في فتح او غلق الإيرباج للراكب الأمامي و ده بيكون عن طريق مفتاح داخل سقف صندوق التخزين بالتابلوه على اليمين

[gebreel]

السلام عليكم يا شباب
انا كنت امبارح في مركز الصيانة الخاص بالغردقة علشان في مشكلة ظهرت في التكييف
وقلت أسأل المهندس على موضوع الإيرباج اللي فتح من غير مايكون حد راكب على الكرسي الأمامي
قالي انه ده طبيعي و علشان كده فولكس عاملين تحكم للراكب في فتح او غلق الإيرباج للراكب الأمامي و ده بيكون عن طريق مفتاح داخل سقف صندوق التخزين بالتابلوه على اليمين

تمام بس ده بيبقى موجود في اي عربية فيها ايرباج للراكب اللي جنب السواق و مش معقولة اني لما يبقى حد راكب افتحو و لو محدش راكب امد ايدي اقفله

انا عن تجربة مع واحد معانا هنا في المنتدى مع الميجان الايرباج مبتفتحش غير لو الحزام مربوط و اعتقد الباسات مش اققل من الميجان