استشاره فى جولف 2

[khaled_rafea]

سلام عليكم يا شباب , كنت عاوز أخد رأى حضراتكم فى جولف 2 موديل 86 باب واحد1600, تعمل كام و اكشف عليها فين , و أخبار صيانتها و قطع غيارها, هل مصاريفها كتير زى مبنسمع ولا عربيه اقتصادية, انا عاوز اشترى واحده بس مركبتش جولف قبل كده و معرفش عنه حاجة, أرجو المساعده وجزاكم الله خيرا

[Ahmed Mubarak]

السلام عليكم
السيارة ممتازة ولكن لابد من فحص السيارة جيدا ورفعها فى وجود متخصص
السيارة الجولف عامة هى سيارة شبابية
يعنى من الاخر الشباب فحتاها
اما عن اماكن الصيانة كثير
بعض الاعضاء مانو بيشكور فى مركز بتاع واح اسمه محمد و سمير او محمد سمير ودا خلف حديقة بدر فى جسر السويس على ما اعتقد
فى واحد تانى فى الحرفيين واسمه محمد ابراهيم ودا بيشتغل فى الجولف والابيزا (متخصص المانى) بصراحة هو صانيعى كويس وامين انا اتعملت معاة اكتر من مرة راجل محترم جدا وفاهم هو بيعمل اية
اما عن قطع الغيار ان شاء الله الاعضاء هيردوا عليك ويفيدوك

[khaled_rafea]

شكرا جزيلا يا باشا و مستنى باقى الردود

[Abody1985]

عربية ممتازة وفيها كل اللي انت عاوزه بس الحالة اهم شيء ووربنا يووفقك في حالة كويسة وقطع غيارها مش غاليه زي ما بتسمع اسعارها معقولة جداا ولوو في حاجة نوعا ما غاليه فهي بتبقى عمرهاا طوويل

[khaled_rafea]

متشكر اوى يا باشا, طب محدش يعرف رانج السعر للكوبيه ال86 او 87, من غير كماليات, و لو حد معاه جولفايه كويسه عاوز يبيعها يعرفى, وشكرا

[ata7daki]

سلام عليكم
الجولف عربية قوية و جميلة و مش ممكن تقارنها بأي عربية كورى و او يباني جديدة خصوصا علي الطريق السريع
بس العربية خشنة مقرنتا بيهم
بالنسبة لاسعار قطع الغيار فهي علي حسب القطعة نفسها و أحسن مكان تجيب منة الحرفيين (إستعمال خارج الماني ) لأن السوق كلة مفيهوش اي حاجة الماني و لو مكتوب عليها هتبقي مغشوشة
و نصيحة لما تيجي تشترى
أكشف عليها كويس قوي قوي لانها لو فيها مشاكل هتدوخك / ممكن تكشف عليها عند رضا في الحرفيين هو شعال بس في الجولف 2/1

[khaled_rafea]

طب يا باشا رقم تليفون رضا كام, و مقلتش برده رنج الاسعار, للقطع المستهلكه زى الكاتينه و اجزاء العافشه و كده

[kempel]

العربية ديه ماتزيدشى عن 25000 جنيه لو سليمة أوى علشان 2 باب سوقه مش ماشى أوى بالنسبة لأسعار قطع الغيار معقولة