Tweet
مميزات وعيوب البورا 2002 أرجو الافادة ؟
انا اشتريت بورا 2002 من اسبوعين ولسه ماعرفش عنها حاجه بس اللى لحظته ان عند السرعات العاليه فوق 120 وفرملت جامد شويه الاقى العجل بيترجرج مع الفرامل وهزة فى الدريكسيون مش قويه اوى ثانى ملحوظه: انا اخر سرعه جبتها بيها فى طريق اسكندريه الصحراوى هى 180 وكان الrpmعلى 5.5 وحسيت لو شديت شويه هجيب 190 اخرها مع ان عدادها 260 فهى دى اخرها فعلا فى الجرى مش معقول ؟ بالنسبه لثبات العربيه فهو جميل جدا فأرجوا الافادة من ملاك البورا ومعرفه عيوبها ومميزاتها كلها ؟ وشكراااااااااا
-
-
بص يا سيدى أولا ربنا يباركلك فيها وواحدة واحدة عليها و طلع أو ادبح حاجة و حاول تأمن عليها, للموعظة بس مش أكتر عشان أنا جبت العربية ديه من سبع شهور تقريبا و ربنا مأرادش انها نفضل معايا كتير و عملت حادثة توتال لوس و ربنا ناجانى منها الحمد لله.
بس بأه العربية محترمة جدا و ممتعة جدا فى سواقتها حتى و هيا فيها مشاكل, موضوع الرجرجة ده هتلاحظو لو فرملت فى حته فيها رملة أو مياه و ديه فرامل ال ABS لكن لو على طريق طوالى و رجرجة زيادة يبقى تخلى حد يكشفلك على الطنابير.
موضوع السرعة معايا فعلا أقصاه 185 - 190 لو الطريق مساعد و أنا هنا بتكلم على الأتوماتيك, و العداد 260 ده standard عشان العربية ديه بتنزل بمواتير كتير و عليا بره ممكن تجيب سرعات فوق ال 220.
مميزاتها طبعا الثبات - اعتمادية عالية - فخامة و شياكة عالية - و لازم تجذب العين على الأقل فى محبى الالمانى, و العربية الموديل ده تقفيل المانى بالكامل عشان بعد كده قفلوها فى مصنع المكسيك تقريبا, و أخيرا قطع الغيار الاستيراد أكتر من الهم على القلب.
العيوب: قطع غيار جديدة عالية شوية يا مضروبة فلازم تشترى من حد ثقة, متسيبهاش لاما تخرب أول ما تحس ان حاجة مش مضبوطة لازم تروح تزبطها عشان ماضياكش, و طبعا لازم اليشتغل فيها لازم يكون متخصص فولكس.
و أخيرا انا معرفش انتا ساكن فين, بس لو من أهالى شرق القاهرة (مدينة نصر - مصر الجديدة - عين شمس - الزيتون) يبقى أقدر أفيدك تشترى جديد و استيراد و تصلح كمان فين.
أخر حاجة لو الفتيس الأتوماتيك يبقى لازم تغير زيت معين أصلى كل 60,000 ك بتكلفة تصل الى 1000 ج تقريبا, لو استرخصت الفتيس هيروح منك, و مياه الراديتير بردو فيه مياه مخصوصة ليها.
أى معلومة ابعتلى على الخاص و لو عايز ممكن أبعتلك رقم تليفونى افيدك.
و أخيرا مقولتلناش جبتها بكام[COLOR="Blue"][SIZE="4"][B][FONT="Times New Roman"]أحمد عبد الرحمن[/FONT][/B][/SIZE][/COLOR][SIZE="5"][/SIZE] -
اولا الف سلامه عليك والحمد لله انك طلعت سليم وربنا يعوضك ان شاء الله انا اشتريتها ب 84000 جنيه وحالتها فابريقه كامل وعدادها عامل 82000 كم بالنسبه لقطع الغيار انا بسمع ان الشهابى حلو وعندة الاصلى وفى فتح الله برضه دول فى شارع دمشق . بس ما اعرفش فين الاستيراد بسمع فى الحرفيين بس ما اعرفش حد معين وبالنسبه لمراكز الخدمه بيقولوا فى مركز حلو اوى للفولكس اسمه محمد سمير فى جسر السويس خلف حديقه بدر بس لسه ما رحتلوش وكنت عايز اعرف اشترى منين زيت الفتيس والميه الحمراء بتاعه الريداتير؟ وانا على فكرة ساكن فى مدينه نصر واسمى محمد وياريت فعلا لو تفيدنى فى حكايه قطع الغيار اشتريها منين واعرف الاصلى ازاى والاستيراد اجيبه منين برضه ؟ وشكرا يا باشا على ردك عليا واهتمامك. انا ايميلى moh_kia84@yahoo.comComment
-
بص يا باشا أولا احنا كده طلعنا جيران و من سكان مدينة نصر.
ثانيا,مياه الرادياتير انا شارى الأصلى من اشرف الشهابى و هو هيديك الكمية الهتحتاجها بضبط و هى بتتكمل بمياه مقطرة (لأ هيديك علبتين أو تلاتة مركزة و انتا بتخفف بمياه مقطرة) و بالنسبة لزيت الفتيس انا ملحقتش أغيرو بس هو بردو عندو الزيت الأصلى و تقريبا كان ب 1000 ج, و عموما الراجل ده غالى شوية بس فعلن حاجاته كلها أصلى و مضومنة و هو مش بتاع فصال كتير بيديك من الأخر.
محمد سمير طبعا زى الفل مشكلته بس ان غالى شوية و زحمة علطول لو عاوز فى واحد تانى كويس فى الحنين كنت بتعامل معاه فى الحرفيين و فاهم و شغله نضيف, و سيب الشغل التقيل لمحمد سمير لو عندك مشكلة عويصة.
و أخيرا قطع غيار الاستيراد فى كتير فى الحرفيين و أشهرهم مجدى بيومى و الشهابى, بس بردو فى ولد شاب محترم فتح محل فولكس و اتعرفت عليه كويس لما كنت ببيع عربيى حوادث و أسعاره لطيفة بردو.
عموما شوف انتا محتاج ايه و أنا تحت أمرك و هبعتلك رقمى على الخاص[COLOR="Blue"][SIZE="4"][B][FONT="Times New Roman"]أحمد عبد الرحمن[/FONT][/B][/SIZE][/COLOR][SIZE="5"][/SIZE]Comment
-
احب انضم معاكم في المشاركة
اولا احمد الف سلامة عليك وحمد الله علي سلامتك انا شوفت صور العربية بصراحه صعبة اواي المهم انك خرجت منها بالسلامة واللي يجي في الحديد ، يتعوض ان شاء الله .
انا معايا بورا وحاطط فيها ماتور 1800 / 20 صباب مانيوال ، عيوب بصراحه مفيش عيوب غير بس موضوع الكرتيرة داه مقرف ، لان انا عشان بسافر كتير سيناء موطي العربية وبالتالي اي شي بيكون مفاجي وعالي بيسبب ليا مشكلة كبيرة بيكسر الكرتيرة واقعد في الشارع دور علي حد يجر ، ويلحم واجيب زيت ، وانا حاليا بدور علي حد يعمللي مصفحة مصنعية تكون حديد محمل ، داه عيب خالي بالك منه ياهيثم ولو تعرف تجيب مصفحة بس تكون محملة يكون افضل .
ثانيا موضوع السرعة القصوي انا جبت بيها 215 كم لمرة بس حبيت اجيب اخرها و مكررتهش تاني وكنت ساعتها في طريق يسمح بكده .
موضوع الرجراجة داه اكيد لومع دوسة الفرامل اكيد حاجة في الطانبير عالي وواطي ن او حاجة ليها علاقة بدائرة الفرامل حاجة سهلة ان شاء الله ، موضوع الصيانة انا فعلا سمعت عن محمد سمير داه كتير لكني بتعامل مع واحد كان تحت ايد محمد سمير اسموه مصطفي في الحرفيين مرتاح معاه وفاهم العربية كويس . لو تحب ممكن اديك رقمه جرب يمكن ترتاح معاه .
موضوع قطع الغيار اللي قالوه احمد هو نفس الكلام اللي هتسمعو من اي حد .
ونصيحة اخيرة ماتخليش العربية تخدعك مهما كانت امكانياتها ، واعمل حسابك دايما ان خطاء الاخرين قد يفوق مهاراتكComment
-
حسام باشا يا باشا الله يسلمك و الحمد لله على قضائه, و ربنا يسترها معاك و مع الأخوة كلها, و فعلن موضوع الكارتيرة ده ناس كتير اشتكت منو بس انا مكنتش قابلت لسه اى مشاكل او حكات و كنت قريت هنا عن محازلات لتركيب المصفحة بس أحد الأعضاء كان عندو شكوى من المصفحة الصينى الراكبها انها كانت بتشخلل او حاجة كده, بس فى الأخر ده مايقللش من اهميتها طبعا[COLOR="Blue"][SIZE="4"][B][FONT="Times New Roman"]أحمد عبد الرحمن[/FONT][/B][/SIZE][/COLOR][SIZE="5"][/SIZE]Comment
Comment