والله حرام الى بيحصل

[adel_2346]

النهاردة كان عندى كورس رحت والدنيا حلوة وركنت العربية فى شارع عرضه 6 متر ومحضن العربية على الرصيف على الاخر واطلع من الكورس الاقى العربية الجنب الشمال الباب الى ورايا الى الرفف الخلفى محكوك بغباء ولونه اسود والاكصدام من الجنب متجرح وجريدة الباب وقعت ومرمية على الارض والى غايظنى ا دى اول حكة جامدة من سنتين


معلش طولت عليكو بس اهو الواحد بيفضفض والله العربية شكلها يحزن

[mesho_kimi]

أظاهر أنها عدوى (عيون) البولو فى هذه الايام ، محدش قبلك قالك عايز أشتري أو حد قالك عربيتك حلوه ، ربنا يبعد عنك وعننا العين ، وإن شاء الله بسيطه

[hugan]

اكيد سائق ميكروباص غشيم واستغبي وكان في حد مقابله وطبعا داس ولا همه

[M.Mostafa80]

ربنا يعوض عليك انا بقى الشارع كان 12 متر ونزلت لقيت البابين وهى الظاهر زى ما ميشو بيقول جتلنا فره عيون أنا بسبب العين اجل موتورى جه بدرى بدرى

[elshrpeny]

إنا لله وإنا إليه راجعون

هتعمل ايه نصيبك كدا وطلاما انت ملكش يد فى الى حصل يبقى فوض امرك لله وربنا إن شاء الله هيعوضك خير بإذن الله حد عالم ما ممكن الى حصلك دا يكفيك بعد كدا من شر الى اخديين بالهم منك دول ويقولوا ( شوف ؟؟؟ دى اتخبطت منه ) ساعتها ممكن يتعقدوا من العربيات وينسوك

[adel_2346]

الله الظاهر ان انا مش لوحدى دا كلنا كده بس والله انا بقالى فترة بقول لاصحابى انا هعمل حادثه بالعربيه فان جت على قد كده الحمد لله الف مرة

[adel_2346]

ا ه فعلا بقالى فترة بيجيلى ناس تتكلم عن العربية ومميزاتها وعيوبها والى يقولك تبيع وهكذا

[3ateef]

كان الله فى العون يا رجالة....

[wael_mega]

هى بالظبط كدى عين على البولو حصلتلى نفس المشكلة بس اعمل اية غصب عنى انا فى وسط البلد يركن يامجيش اصلا بالعربية

[adel_2346]

يا رجالة فى حاجة غريبة كنت بغير البوجيهات امبارح وكان فيه بوجيه منهم عليه زيت جسم البوجيه نفسه الى عليه زيت مش السن الى تحت والميكانيكى قالى تلاقيه من الغطاء وانا مفهفتش الصراحة ده ايه السبب محدش عارف

[Abody1985]

معلش دي ضريبة ان في ناس كتير بطلع رخص وهي قاعده في البيت

[medo20000]

قدر الله وماشاء فعل

[adel_2346]

الحمد لله على كل شئ

[ahit]

قدر الله و ما شاء فعل