هل الجولف 1.6 عمرها الإفتراضي أطول من 1.4 tsi ?

[delpo]

زملائي الأعزاء أعذروني لو كان استفساري في نوع من الجهل لكن الحقيقة حابب اتعلم منكم لأن صديقي في قطر قالي ان سعر الجولف 1.6 مقارب جداً لسعر الجولف 1.4 tsi والإتنين هاي لاين ونفس الكماليات بالظبط الشاشة والقائد الآلي لركن السيارة ونفس الكماليات بالظبط.
وقالي انو رغم فرق الأحصنة العالي إلا إن مسؤول المبيعات قالو أن السعر متقارب لان كل واحدة ليها ميزة نسبية لأن التربو أو الحقن المباشر لموتور 1.4 سي سي بيسبب جهد كبير جداً بدليل أن مؤشر rpm بيكون عالي رغم ان السرعات قليلة, بعكس ال1.6 الى بتكون الماكينة مرتاحة شوية وبالتالي بيدي عمر إفتراضي أعلى, وهنا على العميل الإختيار بين الأداء والعمر الإفتراضي.
انا الحقيقة متلخبط جداً من الكلام ده وعايز أعرف هل ده فعلاً صحيح ولا لأ بمنتهى الأمانة وبشرح علمي لو سمحتو؟

وتقبلوا خالص تحياتي

[ahmedegypt]

حضرتك الجولف 1400 سىسى اغلى من الجولف 1600 سىسى

ثانيا ال1400 بيطلع 160 حصان

ال 1600 بيطلع 102 حصان

بالنسبة للاعتمادية اولا السيارات الالمانية سيارات اعتمادية

ثانيا الاستعمال الجيد لاى عربية بيطول عمرها الافتراضى والعكس صحيح

[delpo]

انا عارف ان ال1400 تيربو أغلى وبتولد أحصنة أعلى وده انا كتبتو بس الفرق في السعر مش كتير حاجة تقريباً زي 10 آلاف جنيه, بس مندوب المبيعات قالو ان عمرها الإفتراضي أقل من العربية الي مش تربو ال1600 سي سي وده لان مجهود ال1400 أعلى كتير بسبب الحقن المباشر وسعة الموتور الصغيرة نسبيا؟!!!!!!!!!!1

[mechbolla]

زملائي الأعزاء أعذروني لو كان استفساري في نوع من الجهل لكن الحقيقة حابب اتعلم منكم لأن صديقي في قطر قالي ان سعر الجولف 1.6 مقارب جداً لسعر الجولف 1.4 tsi والإتنين هاي لاين ونفس الكماليات بالظبط الشاشة والقائد الآلي لركن السيارة ونفس الكماليات بالظبط.
وقالي انو رغم فرق الأحصنة العالي إلا إن مسؤول المبيعات قالو أن السعر متقارب لان كل واحدة ليها ميزة نسبية لأن التربو أو الحقن المباشر لموتور 1.4 سي سي بيسبب جهد كبير جداً بدليل أن مؤشر rpm بيكون عالي رغم ان السرعات قليلة, بعكس ال1.6 الى بتكون الماكينة مرتاحة شوية وبالتالي بيدي عمر إفتراضي أعلى, وهنا على العميل الإختيار بين الأداء والعمر الإفتراضي.
انا الحقيقة متلخبط جداً من الكلام ده وعايز أعرف هل ده فعلاً صحيح ولا لأ بمنتهى الأمانة وبشرح علمي لو سمحتو؟

وتقبلوا خالص تحياتي

انا الصراحه معنديش اي معلومات ولا عن السعر ولا العمر الافتراضي...بس المعروف ان المواتير اللي عليها شواحن بيبقي عمرها اقل و بتتعب بعد ال 100 الف و خد بالك مفيش حد حتي لو كان جدو هيجيب عربيه زي كده و مش هايفتري و يقرص عليها + كمان ان سعه الموتور صغيره جدا مقابل قوه و عزم عالي جدا = مساحات تحمل اجهادات صغيره يعني اجهادات عاليه.

بس يردو من المنطق ان الالمان مش بيهرجو و عرفين كويس جدا هما بيعملو ايه و كيد مش هينزلو عربيه تروح تجبلها موتور بعد 100 الف كيلو

[mshamy]

يا باشا حضرتك كاتب ان الراجل اشترى من مسؤول مبيعات
ودي وظيفة الناس بتوع المبيعات
انه يقنع العميل بالحاجة اللي عايزها العميل و يثني على اختياره
و اجزم ان لوصديقك كان اختار ال 1.4 كان برضه الراجل بتاع المبيعات شكره و هنئه على اختيار قوة الآداء
يبقى القول ان سياسة فولكس كلها بتتجه حاليا نحو المواتير التربو و الفتيس الجديد
والموجو بالآسواق حاليا من المواتير الآخرى هي "بواقي"

[delpo]

انا الصراحه معنديش اي معلومات ولا عن السعر ولا العمر الافتراضي...بس المعروف ان المواتير اللي عليها شواحن بيبقي عمرها اقل و بتتعب بعد ال 100 الف و خد بالك مفيش حد حتي لو كان جدو هيجيب عربيه زي كده و مش هايفتري و يقرص عليها + كمان ان سعه الموتور صغيره جدا مقابل قوه و عزم عالي جدا = مساحات تحمل اجهادات صغيره يعني اجهادات عاليه.

بس يردو من المنطق ان الالمان مش بيهرجو و عرفين كويس جدا هما بيعملو ايه و كيد مش هينزلو عربيه تروح تجبلها موتور بعد 100 الف كيلو

هما طبعا مش بيهرجو وعارفين بيعملوا ايه بس فعلا زي ما انت قولت المعروف ان التربو بيقلل عمر الموتور بس مش شرط بعد 100 الف, يعني تخيل حجم الإحتراق وتوليد الطاقة الى في موتور بالسعة الصغيرة دي اكيد هيبقى استهلاكه اعلى من العادي.
عموما هنستنى رأي ناس خبراء في الميكانيكا تقولنا

[delpo]

يا باشا حضرتك كاتب ان الراجل اشترى من مسؤول مبيعات
ودي وظيفة الناس بتوع المبيعات
انه يقنع العميل بالحاجة اللي عايزها العميل و يثني على اختياره
و اجزم ان لوصديقك كان اختار ال 1.4 كان برضه الراجل بتاع المبيعات شكره و هنئه على اختيار قوة الآداء
يبقى القول ان سياسة فولكس كلها بتتجه حاليا نحو المواتير التربو و الفتيس الجديد
والموجو بالآسواق حاليا من المواتير الآخرى هي "بواقي"

أولاً: مندوب المبيعات كان بيكلمه قبل ما يشتري وبيقولو كل واحدة ليها ميزة نسبية وترك ليه حرية الإختيار.
ثانياً: صديقي فعلاً إختار 1.4 tsi والمندوب مغيرش رأيه.
ثالثاً: مين قال ان سياسة فولكس كلها بتتجه نحو التيربو؟؟ حضرتك لو بتابع معارض السيارات العالمية هتعرف ان فولكس بتجه نحو محركات الديزل, وده حتى في كل حملاتها الإعلانية ومعظم مؤتمراتها الصحفية, والشعار بتاعهم ان فولكس تكون انهم يبقو جزء من الطبيعة وغير ملوثين للبيئة.
رابعاً: بيتهيقلي مرسيدس وبورش وبي ام دبليو وفولكس وليكزس بينتجو معظم سياراتهم من غير شواحن أو تيربو فا أكيد حضرتك تقصد "بالبواقي" العربيات الي فيها شواحن والي متلقيش منها عربية موديل 95 ماشية في الشارع الا لو كان صاحبها غير الموتور.

تحياتي

[Evo]

الواضح إن مندوب المبيعات عنده كام عربية 1.6 عاوز يخلص منهم
أكيد طبعا الموتور ال 1.4 أحسن بكتير من ال 1.6 لعدة اسباب
الموتور ال 1.4 من جوه كله Forged يعني التربو مع البوست القليل اللي هم فاتحينه مش هيأثر فيه بحاجة لا باجهادات ولا غيره .
سعته اقل وهيستهلك بنزين اقل
قوة وعزم وتسارع أعلى بكتير
الموتور ال 1.6 موتور قديم و عفى عليه الزمن خلاص إلا لو نزلو ال FSI اللي في الباسات

ال مميزات بس في لعربية ال 1.6 هو الصيانة أسهل لو ناوي برة التوكيل . بنزين 92 بدون مشاكل .

[ahmad--ezzat]

يا باشا حضرتك كاتب ان الراجل اشترى من مسؤول مبيعات
ودي وظيفة الناس بتوع المبيعات
انه يقنع العميل بالحاجة اللي عايزها العميل و يثني على اختياره
و اجزم ان لوصديقك كان اختار ال 1.4 كان برضه الراجل بتاع المبيعات شكره و هنئه على اختيار قوة الآداء
يبقى القول ان سياسة فولكس كلها بتتجه حاليا نحو المواتير التربو و الفتيس الجديد
والموجو بالآسواق حاليا من المواتير الآخرى هي "بواقي"

سيبك انت

اخبار الحته الباسات ايه


(ربنا يباركلك فيها)

[mshamy]

أولاً: مندوب المبيعات كان بيكلمه قبل ما يشتري وبيقولو كل واحدة ليها ميزة نسبية وترك ليه حرية الإختيار.
ثانياً: صديقي فعلاً إختار 1.4 tsi والمندوب مغيرش رأيه.
ثالثاً: مين قال ان سياسة فولكس كلها بتتجه نحو التيربو؟؟ حضرتك لو بتابع معارض السيارات العالمية هتعرف ان فولكس بتجه نحو محركات الديزل, وده حتى في كل حملاتها الإعلانية ومعظم مؤتمراتها الصحفية, والشعار بتاعهم ان فولكس تكون انهم يبقو جزء من الطبيعة وغير ملوثين للبيئة.
رابعاً: بيتهيقلي مرسيدس وبورش وبي ام دبليو وفولكس وليكزس بينتجو معظم سياراتهم من غير شواحن أو تيربو فا أكيد حضرتك تقصد "بالبواقي" العربيات الي فيها شواحن والي متلقيش منها عربية موديل 95 ماشية في الشارع الا لو كان صاحبها غير الموتور.

تحياتي

أولا: أنا كنت باشرح لحضرتك طريقة تفكير السادة مسؤولي المبيعات بإعتبارها جزء من دراساتي و عملي و طريقة حضرتك في طرح الموضوع بتوحي ان صديقك اختار ال 1.6
ثانيا: مع احترامي الكامل لكلام بتوع المبيعات بس RPM الخاص بالتربو عمره ما بيرتفع على السرعات القليلة إلا في حالة إختيار النمط الرياضي للقيادة S و ده بيكون طبيعي مع اي نوع موتور مش التربو فقط و الكلام ده عن تجربة واقعية في سيارتي يعني محدش نقلي الكلام
ثالثا: انا باتكلم على الشرق الأوسط -بما إنه احنا عايشين في المنطقة - يعني بقارن ما بين مصر و الخليج على حسب سياق كلام حضرتك و دي فعلا سياسة فولكس في المنطقة ...انا ماتكلمتش على السياسة الأوروبية للفولكس اللي فعلا زي ما بتقول حضرتك بتتجه للديزل و ده من فترة طويلة و على فكرة مش الفولكس بس ..ده جميع الشركات الأوروبية عندها نفس الإتجاه و طبعا كلنا عارفين الأسباب
رابعا: تاني ارجع أقول ان احنا بنتكلم على الفولكس في الشرق الأوسط و الخليج و ما بتكلمش على شركات و أسواق اخرى....و البواقي اللي اقصدها هي بواقي FSi
والكلام ده من مش من عندي ...الكلام ده من التوكيل هنا في الغردقة

[delpo]

الواضح إن مندوب المبيعات عنده كام عربية 1.6 عاوز يخلص منهم
أكيد طبعا الموتور ال 1.4 أحسن بكتير من ال 1.6 لعدة اسباب
الموتور ال 1.4 من جوه كله forged يعني التربو مع البوست القليل اللي هم فاتحينه مش هيأثر فيه بحاجة لا باجهادات ولا غيره .
سعته اقل وهيستهلك بنزين اقل
قوة وعزم وتسارع أعلى بكتير
الموتور ال 1.6 موتور قديم و عفى عليه الزمن خلاص إلا لو نزلو ال fsi اللي في الباسات

ال مميزات بس في لعربية ال 1.6 هو الصيانة أسهل لو ناوي برة التوكيل . بنزين 92 بدون مشاكل .

والله كلام معقول بس الي مش قادر افهمه ازاي ال1600 بيبقى الآر بي ام بتاعها اقل من 2 على سرعة 100 كم, وبيكون اقل من 3 على نفس السرعة في ال1400 تربو, ده معناه ان عدد اللفات اكتر في التربو وبالتالي اجهاد اكبر وعمر افتراضي اقل حتى لو مش فرق كتير بس في النهاية العمر اقل مش كده ؟

[mshamy]

سيبك انت
اخبار الحته الباسات ايه
(ربنا يباركلك فيها)

أحمد باشا
والله زي الفل و الحمدلله
بس موضوع ناقل الحركة اللي باظ عند زميلنا عامل لي شوية هسس
ربنا يسترها يرزقك بمثلها و احسن منها و يجزيك خير

[delpo]

سيبك انت

اخبار الحته الباسات ايه


(ربنا يباركلك فيها)

هههههههههههههههههههههههههههههههههههه هو ده الكلام الي يروق اي مناقشة

[ahmad--ezzat]

أحمد باشا
والله زي الفل و الحمدلله
بس موضوع ناقل الحركة اللي باظ عند زميلنا عامل لي شوية هسس
ربنا يسترها يرزقك بمثلها و احسن منها و يجزيك خير

لا ان شاء الله تبقى المشكله فرديه
وخير متقلقش

[delpo]

أولا: أنا كنت باشرح لحضرتك طريقة تفكير السادة مسؤولي المبيعات بإعتبارها جزء من دراساتي و عملي و طريقة حضرتك في طرح الموضوع بتوحي ان صديقك اختار ال 1.6
ثانيا: مع احترامي الكامل لكلام بتوع المبيعات بس rpm الخاص بالتربو عمره ما بيرتفع على السرعات القليلة إلا في حالة إختيار النمط الرياضي للقيادة s و ده بيكون طبيعي مع اي نوع موتور مش التربو فقط و الكلام ده عن تجربة واقعية في سيارتي يعني محدش نقلي الكلام
ثالثا: انا باتكلم على الشرق الأوسط -بما إنه احنا عايشين في المنطقة - يعني بقارن ما بين مصر و الخليج على حسب سياق كلام حضرتك و دي فعلا سياسة فولكس في المنطقة ...انا ماتكلمتش على السياسة الأوروبية للفولكس اللي فعلا زي ما بتقول حضرتك بتتجه للديزل و ده من فترة طويلة و على فكرة مش الفولكس بس ..ده جميع الشركات الأوروبية عندها نفس الإتجاه و طبعا كلنا عارفين الأسباب
رابعا: تاني ارجع أقول ان احنا بنتكلم على الفولكس في الشرق الأوسط و الخليج و ما بتكلمش على شركات و أسواق اخرى....و البواقي اللي اقصدها هي بواقي fsi
والكلام ده من مش من عندي ...الكلام ده من التوكيل هنا في الغردقة

انا متفق معاك بس السؤال برضو هل فعلاً التربو بيسبب جهد اكبر عالموتور ولا لأ ؟؟ لأن معظم الي سألتهم وبيفهموا قالولي اي عربية في العام مهما كانت التربو بيأثر على عمرها الإفتراضي, وده مش معناه انها يعني هتبوظ لا قدر الله بعد 10 سنين لا يعني بدل ما العادي مدته 25 سنة ممكن دي تكون 20 سنة والله اعلم.