مساعدة ضرورى بورا 2002

[peter_laden]

يا جماعة عايز مساعدة بورا 2002 عاملة 70000 km فابريكة برة و جوة اول يد تخلص على كام

[mesho_kimi]

كان فى كذا موضوع شراء لنفس الموديل فى القسم هناك اعتقد بنخلص من 80 إلى 85

[elshrpeny]

فين الموضوع دا يا ميشو لان عايز أعرف أذا كان برده فى عربيات بورا بيبقى تصنيعها وتقفيلها برازيلى او على الاقل تقفيلها ولا لاء ؟؟

[mesho_kimi]

اللي أعرفه أنه لغاية 2002 العربيات تقفيل ألماني بعد كده مش عارف والله بس تقريباً مصري والله أعلم

[elshrpeny]

يا راجل التقفيل مصرى يا لهوى دا تبقى ماشينكاح خالص زيها زى منصور أوبل ههههههههه

[mrsailor]

اللي أعرفه أنه لغاية 2002 العربيات تقفيل ألماني بعد كده مش عارف والله بس تقريباً مصري والله أعلم

مافتكرش مصر قفلت فولكس .. اكتر بلدين قفلوا فولكس هما البرازيل و سلوفانيا

[Ahmed_lol2007]

الفيكترا وحش الفئة دى عن جدارة
مالها ياباشا أوبل (منصور كتوكيل وحش) لكن أوبل كعربية لايعلى عليها
يعنى بعد إذنك مفيش داعى للضحك دة وعلى فكرة أنا لسة مخيط بورا من كام يوم بعربيتى الاوبل اللى هيا مشينكاح

[mesho_kimi]

الشد واللعب ليه كذا حاجه يا بوب يعني ده بيعتمد على الطريق عامل ازاى والسواق بتاع العربيه يعنى انا بعربيتي البولو مخيط موستانج فى طريق زحمه مش خيطه ده انا بقيت أستناه واطلع منه تانى لأنى الطريق كان زحمه ( معلومه هو اللي استفزني لعدة مرات يعني لعب فى عداد عمره ) وهوه عربيته عريضه جداً فيقت أخد الغرزه وهو لسه بيستنى أما تفتحله وأطلع واستناه ( طبعاً في طريق مفتوح مكنتش حشوفه أ, بالعربي رحم الله أمرأً عرف قدر نفسه ) أنما بورا مع سواق تمام حتفرق يامه

[mesho_kimi]

تصحيح للمعلومه السابقة واللي انا كنت قلت انى التقفيل اتنقل مصر وانا قلت الله اعلم وانى مش متأكد فالتقفيل انتقل مصنع المكسيك أو البرازيل وآسف على خطأ الغير مقصود

[Ahmed_lol2007]

ياباشا ولا يهمك عادى يعنى
وبعدين إنت قولت لو على طريق مفتوح مكنتش شوفتو
لكن أنا شديت مع البورا على الدائرى وكان شاب من سنى وكنا بنلعب مع بعض
وبعدين مش دى المشكلة
أنا بس عايز أعرف يعنى إيه مشنكاح زى أوبل
هيا الاوبل وحشة ولا أنا مش فاهم بس أنا ما أظنش إن ليها تفسير تانى

[mesho_kimi]

مين اللي قال الاوبل وحشه الاوبل عربيات أنا بحبها جداً بالذات الاسترا الشكل الجديد ، الاخ اللي علق علق على التوكيل فقط مش على العربيات نفسها والتوكيل السيء بيدي إنطاع سيء عن سياراته وبيخلي الناس تبعد عنها

[Ahmed_lol2007]

مشكور يا ميشو على الرد
بس أنا حبيت أوضح إن الاوبل من أحسن العربيات

[elshrpeny]

الفيكترا وحش الفئة دى عن جدارة
مالها ياباشا أوبل (منصور كتوكيل وحش) لكن أوبل كعربية لايعلى عليها
يعنى بعد إذنك مفيش داعى للضحك دة وعلى فكرة أنا لسة مخيط بورا من كام يوم بعربيتى الاوبل اللى هيا مشينكاح

لا حول ولا قوة إلا بالله العلى العظيم
طب يا عم أحمد بالراحه عليه شويه انت دخلت فيه شمال ليه كدا على فكره انت بردك دا بتأكد ان الى على راسه بطحه
بس انا اساسا مكنتش أقصد ان العربيه وحشه ولا حاجه كنت فعلا أقصد ان العربيه الأوبل بقت مشينكاح من ساعة ما بقت بتتقفل فى مصر ولا بلاش ماشينكاح لحسن شكلها جت على الجرح ههههههههههههه
وبعدين انت متدايق ليه انى بضحك اومال أكشر وبعدين دا يفهمك انى بهزر يعنى مش قصدى حاجه

لكن أنا شديت مع البورا على الدائرى وكان شاب من سنى وكنا بنلعب مع بعض
وبعدين مش دى المشكلة
أنا بس عايز أعرف يعنى إيه مشنكاح زى أوبل
هيا الاوبل وحشة ولا أنا مش فاهم بس أنا ما أظنش إن ليها تفسير تانى

حلوه انك عديت من بورا دى الرك على الى سايق دا ممكن واحد ب 128 يخيط على كلامك واحد بباسات حتى لان دى بتعتمد فى الاول والاخر على السواق وانتهاز الفرص والغرز والمناطق الديقه والتوقيت المعين فى المكان المعين
يعنى ركب البورا الى انت حاسس انها زى الاوبل دى سواق هوا هو الى فى الاوبل وشوف وبعدين مش معنى ان الاوبل مش وحشه انها احسن من بورا لاء حاسب بقى بعد أذنك يعنى تبقى فعلا متحيز والسلام

مين اللي قال الاوبل وحشه الاوبل عربيات أنا بحبها جداً بالذات الاسترا الشكل الجديد ، الاخ اللي علق علق على التوكيل فقط مش على العربيات نفسها والتوكيل السيء بيدي إنطاع سيء عن سياراته وبيخلي الناس تبعد عنها

الله ينور عليك يا هشام هو دا فعلا الى أقصده وإن بعد الظن إثم
ربنا يخليك للغلابه هههههههههههه
ولو إنى مع أحترامى للأوبل و إعجابى بها أيضاً إلا إنى فى ظروف نزول العربيات وتقفيلها فى مصر مع هذا التوكيل بس إذا كان عن تجربه مجربتوش بس انا بحكم على اساس سمعى لا أكتر ان انا لو معايه ثمن عربيه اوبل زيرو مش هجيبها لان فى خيارات أفضل منها بكتير حالياً فى نفس الفئه السعريه او قريبه منها

بس أنا حبيت أوضح إن الاوبل من أحسن العربيات

مش بقول لسعتك متحيز هههههههههه
ولا بلاش أضحك لتزعل

[Ahmed_lol2007]

لا ياباشا إضحك زى ما إنتا عايز بس أحب أوضح لحضرتك إن البورا اللى كنت أنا بشد معاها كانت جمرك نوبيع يعنى جاية من الخليج وأنا معايا فيكترا 98 خليجى يعنى اللى بيسوق مش واحد من اللى عندنا لأ دة واحد واخد على السواقة الصح
وبعدين طالما انا متحيز والسلام يبقى بلاش أتكلم عشان ما أزعلش حد منى
وبعدين يا سيدى ولا يهمك
العربية البورا أحسن من BMW m6 G-power
وأحسن من الفئة السابعة وال S-class كمان
عشان متزعلش
وعموما أنا عند كلمتى الاوبل من أحسن العربيات
وياريت بعد إذنك (توضح لى يعنى إيه جت على الجرح)

[elshrpeny]

[QUOTE]لا ياباشا إضحك زى ما إنتا عايز بس أحب أوضح لحضرتك إن البورا اللى كنت أنا بشد معاها كانت جمرك نوبيع يعنى جاية من الخليج وأنا معايا فيكترا 98 خليجى يعنى اللى بيسوق مش واحد من اللى عندنا لأ دة واحد واخد على السواقة الصح
وبعدين طالما انا متحيز والسلام يبقى بلاش أتكلم عشان ما أزعلش حد منى
وبعدين يا سيدى ولا يهمك
العربية البورا أحسن من BMW m6 G-power
وأحسن من الفئة السابعة وال S-class كمان
عشان متزعلش
وعموما أنا عند كلمتى الاوبل من أحسن العربيات
وياريت بعد إذنك (توضح لى يعنى إيه جت على الجرح)[/QUOTE]

لاء يا باشا انت ممكن تكون مفكر الى بيسوق فى الخليج بيسوق أحسن مننا بس دا فى الخليج مش فى مصر يعنى مصر ليها طرق و أساليب وكتالوج بمعنى اصح للسواقه فيها دا غير كمان ان دا المفروض لو على كلامك انه خليجى مش مصرى دا بيبقى راجل غرب يعنى ميعرفش اى حاجه عن البد لا طرق ولا مطبات وتلائيه بيقرأ اليفط عشان ميغلطش زيع زى أى حد راح اى بلد فى الدنيا سواء عربيه او اجنبيه بيبقى بيسوء بكفاءه أقل طبعا من بلده دى حاجه.

الحاجه التانيه انا قولت عليك ليه متحيز ؟ عشانك بترد بعصبيه ورد فعل مدافع محسسنى ان احنا غلطنا فيك شخصياً مع ان المفروض المنتدى دا للأفاده ولتقديم المعلومه الصح للناس بالذات الى مقدم على شراء سياره وبيخش يقرأ المشاركات دى عشان يقرر من عدة خيارات مختلفه محتار بينها .

وبعديين بما انك خايف تزعل حد منك يبقى فعلا انت مش قادر تسمع رأى مخالف لرأيك او على الاقل لو جهة نظر غيرك .

وبعديين انت ايه الى خلااك تزعل من ان بقول ان البورا حلوه او انها أحسن من الاوبل فيكترا مع ان دا كلااام واقعى 100*100 وبدون أى تحيييز خالص دا حتى ممكن تكون أفضل من الفيكترا ال 2008 او 2009 كمان ودا بناءاً على أشياء كثيره جدا . فمش مستاهله بقى دى البورا أحسن من ال bmw المش عارف إيه و إيه و إيه والكلام دا .

بالنسبة انها من أحسن العربيات فدا أمر واقعى لو بتقارنها بعربيات معينه مش بعربيات زى الى بتفضل الاوبل عليها .

وبعدين جت على الجرح يا سيدى يعنى :- ان كلامى جه فى مكانه المظبوط او بمعنى أصح الكلاام دا انت عارفه ومقتنع بيه ومصدقه من جواك بس مش بتحب تعترف بيه على الاقل .
او انك ( انت بتضطرنى انى اقولها ) متحيز لحاجه ومش عايز تغير رأيك عنها بس .

وأخيراً انا كان قصدى من البداية التعليق على التوكيل مش العربيات بس فى نفس الوقت طلاما انك فتحت الموضوع ارجو من حضرتك انك تبقى تحط كل حاجه على قد قدرها المظبوط لا أكثر ولا أقل .