أرجو المساعدة ضروري

[bayooo]

انا معاي عربية جولف 2

ولسه مستجد في حكاية الميكانيكية والصيانه والحاجات ديه

والصنايعية عمالين يلقفوني لبعض لغاية لما كرهت حاجة اسمها عربية اصلاً , وبقى الميكروباص او الأتوبيس بالنسبالي حاجة اخر رفاهية... وركنت العربية في الشارع بقالها شهرين من كتر مانا قرفان اني اروح للميكانيكي.


فياريت لو حد يدلني على ميكانيكي كويس عندوه ذمة ويخاف ربنا أروحله يبقا عمل معايا احلى واجب


وهو ينفع اودي عربيتي عند علشان اصلح عفشتها عند اي عفشجي ولا لازم أروح لميكانيكي يفهم في الجولف



وجزاكم الله خيرا وربنا مايوقعكم وقعتي.

[mesho_kimi]

عيب الفولكس انك لو روحط عند واحد مش متخصص حتكره حياتك من معرفتى عفشة الجولف مش غاليه لو من أسكندريه أنا ممكن أبعت لواحد تمام أنما لو من القاهره الاخوه هنا إن شاء الله يفيدوك

[bayooo]

ألف شكر يا استاذ ميشو على اهتمامك

[Ahmed Mubarak]

احلى واجب لاحلى عضو
بص جرب الميكانيكى دا وان شاء الله مش هتغيرة وبيشتغل ميكانيكاة وعفشة
اسمة محمد ابراهيم ورقم تليفونة 0103383322
العنوان والوصفة : شارع جمال عبد الناصر - الحرفيين
الشارع اللى امام حضر موت التانى تمشى مع الشارع لاخرة هتلاقية بيلف شمال وعلى الناصية جامع تاخد يمين هو تانى عمارة على الشمال

جربة وان شاء الله هيظبطلك العربية تمام
قولة من طرف احمد مبارك اللابيزا اللونين

[bayooo]

احلى واجب لاحلى عضو
بص جرب الميكانيكى دا وان شاء الله مش هتغيرة وبيشتغل ميكانيكاة وعفشة
اسمة محمد ابراهيم ورقم تليفونة 0103383322
العنوان والوصفة : شارع جمال عبد الناصر - الحرفيين
الشارع اللى امام حضر موت التانى تمشى مع الشارع لاخرة هتلاقية بيلف شمال وعلى الناصية جامع تاخد يمين هو تانى عمارة على الشمال

جربة وان شاء الله هيظبطلك العربية تمام
قولة من طرف احمد مبارك اللابيزا اللونين

للأسف يأستاذ أحمد الميكانيكي دا اللي كرهني قي الميكانيكية كلهم وفي العربية كمان

هو اللي قالي ان العربية كويسة ..... وبعد ماشتريتها قالى عاوزه حوالي 5 الاف جنيه مصاريف .........انا بادعي عليه لغاية دلوقتي

الف شكر على اهتمامك
وجزاكم الله كل خير

[Ahmed Mubarak]

ممكن تقول هو عمل اية معاك
والله هو معملتة معايه لحد دلوقتى ذى الفل
بس بجد يهمنى جدا اعرف اية اللى عملة معاك
ممكن تقولى انت كنت عندة اخر مرة امتى

[bayooo]

ممكن تقول هو عمل اية معاك
والله هو معملتة معايه لحد دلوقتى ذى الفل
بس بجد يهمنى جدا اعرف اية اللى عملة معاك
ممكن تقولى انت كنت عندة اخر مرة امتى

انا كنت عنده من حوالي شهرين ونص كده لما كنت بشتري العربية

انا ساكن في قباء يعني جنب الحرفيين ....صاحب العربية قبلني في الحرفيين وقالي تعالى نروح عنده واللي خلاني اسمع كلام صاحب العربية أنه كان شيخ فا قولت ماشي

قولتلو يامحمد شيكلي على العربية في كل حاجة
لاقيته راح قايلي العربية زي الفل هي بس عاوزة ديسك واطوانة ب 300 جنية وممكن يطلع سلك الدبرياج هو اللي بايظ وساعتها هاتكلف 30 جنيه بس
فاتكلت على الله وسمعت كلامة..............
بعديها بيومين روحتله علشان يصلحها افتكرني وافتكر صاحب العربية الأولاني وقالي اللي العربية عاوزة حوالي 5000 جنيه مصاريف فتيس وعفشة وعلبة دركسيون كده.
كنت عاوز اقتله ساعتها لأن كل فلوسي رميتها في العربية ساعتها
وربنا العالم الفلوس دي جت ازاي
يالا الحمدلله .

[mesho_kimi]

استغفر الله العظيم هو الضمير مات خلاص تلاقى صاحب العربيه كان مقبضه حسبي الله ونعم الوكيل فيهم

[Ahmed Mubarak]

بص والله انا بتعلمل معاة من فترة مش طويلة لكن انا وكل اصحابى اللى معاهم ابيزا او جولف بيشكروا فية وفى امانتة
هو نفس اللى حصل معاك حصل معاية اخدت العربية ورحتلة وقلتله شيك على العربية وقلى ادفع كام
رفع العربية ونزل تحتيها وفتح الكبوت وقعد يلف يمين وشمال ويفحص وقاللى تساوى كذا المهم ان قاللى ان العربية عايزة مصاريف شوية يعنى تظبط العفشة وتغير مساعدين ودنجل ورا وكدة
المهم والفايدة ان فى حاجات مش بتبان غير لما يفك ويشوف كويس
غير كدة الحاجة اللى انت بتتكلم فيها مش ب 5000 ج خالص
الفتيس بمشتملاتة بكلة 900 ج بالمصناعية
العفشة كاملة ورا وقدام استيراد فى حددود 1200 -1450 ج

معلش ربنا يعوض عليك

[bayooo]

بص والله انا بتعلمل معاة من فترة مش طويلة لكن انا وكل اصحابى اللى معاهم ابيزا او جولف بيشكروا فية وفى امانتة
هو نفس اللى حصل معاك حصل معاية اخدت العربية ورحتلة وقلتله شيك على العربية وقلى ادفع كام
رفع العربية ونزل تحتيها وفتح الكبوت وقعد يلف يمين وشمال ويفحص وقاللى تساوى كذا المهم ان قاللى ان العربية عايزة مصاريف شوية يعنى تظبط العفشة وتغير مساعدين ودنجل ورا وكدة
المهم والفايدة ان فى حاجات مش بتبان غير لما يفك ويشوف كويس
غير كدة الحاجة اللى انت بتتكلم فيها مش ب 5000 ج خالص
الفتيس بمشتملاتة بكلة 900 ج بالمصناعية
العفشة كاملة ورا وقدام استيراد فى حددود 1200 -1450 ج

معلش ربنا يعوض عليك

ايوا يأستاذ أحمد بس حاجة زي العفشة اللي بايظة عندي مش محتاجة انه يفك حاجه علشان يقولي انها بايظة

علبة الدركسيون اللي بايظة وبتسرب وباينة للأعمى انها بايظة مش محتاجة ميكانيكي علشان يعرف انها بايظة ولا لأ

الرادياتير الي لما جيتلو بعد ما اشتريتها وقالي غيرة علشان دة صغير على 2000 سيسي .. أكيد كان عارف وانا باشتريها انه مش بتاعها

الفتيس لما تيجي تنقل وتلاقية بيعض جامد وبيعزق جامد مش محتاجة ميكانيكي برضوة علشان يعرف اذا كان بايظ ولا لأ

اي سواق شاطر يقدر يعرف الحاجات دية

حاجات كتير كدة مابتبقاش عاوزة فك ولا ربط حتى لو الميكانيكي مش شاطر بيعرفها.....


انا بعد كدة روحت لسيد اللي موجود اللي جسر السويس قالى ان العربية جاتله قبل كده مع صاحبها الأولاني وقالة ان هي عاوزة الحاجات اللي محمد ابراهيم قالي عليها .....

بص يأستاذ أحمد هو أكيد ميكانيكي كويس وانا اعترف بكدة ........بس مفيش ذمة

[Ahmed Mubarak]

مش عارف اقولك اية بس الحمد لله فى الاول وفى الاخر
حاول تجرب محمد او محمود عويس اللى فى اول الاربعين شمال هو راجل محترم برضة وبيشتغل المانى( بيتل وجولف وابيزا) وسمعتة كويسة وبيتهيقلى ان فى حد من الاعضاء جربة لانى قريت اسمة فى مشاركة قبل كدة
وياريت لوحد جربة يقولنا اية الاخبار