بولو 98 ::: كل حاجة ؟؟؟؟؟؟؟؟؟؟

[zidaneza]

يا جماعة بعد اذنكوا انا عايز اعرف كل حاجة عنها انا لسة شاريها

ميكانيكى محترم عشان اغير طقم السيرفيس

بتاع قطع غيار مضمون

احط زيت موتور اية و زيت فتيس اية ؟؟

تنصحونى اعمل اية ؟؟؟؟ أرجو الرد و الافادة

[mesho_kimi]

انا معرفش انت منين عشان أقدر أرجحلك ميكانيكي أو محل قطع غيار


زيت الماتور ، كاسترول ، فيسكو ، شل

زيت الفيتيس متحطش غير إسو 90 حد يقولك حط زيت تقيل قولوا لا

وطالما انت لسه جايب العربيه يبقى حتعمل سيرفيس كامل ، سير كاتينه ودينمو ، فلتر هواء وبنزين ، وطقم بوجيهات

البولو لو عاملتها حلو عمرها ما حتزعلك وحتحبها جداً وحتتعلق بيها

[zidaneza]

انا من عين شمس وشكرا على الرد

[M.Mostafa80]

اشرف الشهابى مصر الجديده فى ش دمشق امام بنك عوده
الميكانيكى محمد سمير وهانى عصمت ش الأربعين
أو سيد عبده عند كوبرى التجنيد
اللى هيتغير زى ما قالك ميشو بالظبط ومعاهم زيت وفلتر طبعا
الزيت هات كاسترول وهتلاقيه فى ش الأربعين بردو بعد المزلقان على طول

[meladadel]

بصو يا جماعة انا ما بعملش دعاية ولا حاجة بس الميكانيكى بتاعى فاهم ومحترم وعنده كمبيتور العربية واولاده بيشتغلو فى التوكيل وهو جنب عانى سمير واسمه ماجد مسعد ورقم موبايله 0193098030

[meladadel]

ماتنساش يازيدان باشا تبص على كاوتش الكبالن والمقصات الحاجات البسيطة دى علشان لا قدر الله لو فيها حاجة العواقب بتبقى مكلفة قوى وربنا يعينك ويكفيش شرها والله الموفق

[zidaneza]

الف شكر ولهى يا جماعة : ربنا يخليكوا

وكل اللى عندو نصيحة ميبخلش عليا ارجوكم

[mr_sameh]

الف ميروك علي البولو وفي انتظار تقرير

[elshrpeny]

إيه يا أستاذ سامح احنا هنا فى منتدى مش فى محكمه منتظره منك تقدملها مذكره عن البولو
والتى هي بمثابة سند فعلى يثبت ما كان ينوى عليها ان تفعله بمحض الاراده لا ثم لا فلا تثبت الجريمه على من أشترى السياره بل هي فى الاصل مثبوته على موكلى بائع السياره وهنا يا حضرات المستشاريين ويا حضرة وكيل النيابه أطلب براءة المتهم حتى تثبت إدانته وعندئذً سيكبل بالاغلال ويا ندماه على فعلاتاه ( و أبقوا قابلونى إذا كنتوا فهمتوا حاجه ) لان انا أساسا مش فاهم حاجه

[elshrpeny]

اوعى تزعل يا أستاذ سامح انا بحب أهزر
أذن فأرجو من عدالة المكمه تقل هزارى ولكم جزيل الشكر والأمتنان

[original]

ألف مبروك
المهم لو أى مشكلة تشركنا معاك..

[zidaneza]

يعنى يا جماعة اشرف الشهابى مضمون ؟؟؟؟؟

ولا فية حد افضل منو فى قطع الغيار ؟؟؟؟ فى مصر الجديدة

[ahmed_gman]

يعنى يا جماعة اشرف الشهابى مضمون ؟؟؟؟؟

ولا فية حد افضل منو فى قطع الغيار ؟؟؟؟ فى مصر الجديدة

يا باشا اشرف الشهابى ده اضمن من التوكيل نفسه
وانا على ثقة تامة من هذا الكلام
هذا الرجل اضمن واحد فى مصر كلها تمآآآآآآآآآآآآآآآآآآآآآآآآ