طلب تسعير بورا 2001؟

[SkyBird]

لي زميل اشترى بورا 2001 بيقول ان سعة موتورها 1600 سي سي
فابريكا جوه و مش متأكد اذا كانت راشه بره بالكامل
وقصة الشراء تراجيديا شويه
هو راح لمزاد يبيع سيارات المخابرات ودفع خمسة الاف تأمين مزاد المهم في الاخر اشترى العربية بمبلغ 65 الف وهو حاسس ان المبلغ كبير وحاسس انو اتورط في الموضوع
الغريب انه بيقول لما استلم العربية كان موتورها من غير سيريال واتعملو رقم في وزارة الماليه
المهم
هو يسأل اذا كان سعرها مناسب ولا اوفر ؟ وهل هو اتورط و لا محظوظ ؟
وانا اسأل هي العربية دي كام حصان؟
وشكرا لكم

[mesho_kimi]

سعرها بيتراوح مابين 70 إلى 80 حسب الحاله فا سعرها كده حلو بس انا مش فاهم قصة الماتور دية

[SkyBird]

شكرا على لرد يا باشا

انا مش فاهم قصة الماتور دية

وانا كمان بس اللي فهمته منو ان العربيات اللي بتيجي لجهاز المخابرات ميكونش ليها رقم موتور ولما يبيعوها يطبعوا عليها رقم في وزارة الماليه ويكون اللي اشتراها اسمه اول مالك للسيارة

[mesho_kimi]

اه مخابرات بقه كل حاجه سريه :)) ربنا يبعدهم عننا

[mesho_kimi]

العربيه ليها 3 مواتير 1.6 مش عارف ده انهى واحد بس همه 100 ، 102 ، 105 طبعاً كلهم هورس باور صافي

[SkyBird]

بيتهيألي السعر مناسب
وانا اسمع ان ثبات العربية ممتاز

[mesho_kimi]

الناس اللي هنا كلها شكرت فيها انا سقت واحده مكانتش تمام أوي حالتها فمقدرش احكم بس هو عمتاً الألماني رقم واحد فى الثبات

[meladadel]

كدة يبقى السعر كويس جدا لو العربية حالتها كويسة

[elshrpeny]

بس هو فى سؤال هنا , هل عداد الكيلوات شغال ولا برده راخر سرى مجهول يعنى متعرفش العربية مشت أد إيه ؟

لان لو الحكاية كدا يبقى ممكن يكون فى أحتمال ان ماتور العربية دى فى أنفاسة الاخيره لا قدر الله

[x_gomgom]

عامه احب اضيف معلومه بالنسبه لسيارات الحكومه (هيئات قضائيه - الداخليه-... الخ)
العربيات دي كلها عربيات مصادره او عربيات مجهوله المصدر(متحصلات ارتكاب جرائم و حكم بمصادرتها) مثلا زي العربيات اللي ليها كذا ملف في المرور او في تزوير في ورقها زي اللعب في رقم الشاسيه او الموتور لان الشخص صاحب العربيه ماعوش ورق ليه او مافيش موافقه استيراديه (كانت في فتره الناس بتجيب عربيات اوروبي على اساس انها خرده و هي سليمه و بيعلقلها اي نمر و بيمشي بيها) او اتمسكت في اتجار مخدرات او كانت محل ارتكاب احد الجرائم المنصوص بالقانون ان عقوبتها الاساسيه او التكميليه تكون المصادره للادوات المستخدمه فيها ......
و مثلاً زي اللي بيجيب عربيات منطقه حره و ما اترخصتش او بتكون في الجمرك و صاحبها لم يسدد الجماركالعربيات ادي الجمرك بيحجز عليها واوقات تتباع بالمزاد العلني او تورد لاحد الجهات الحكوميه الي تطلب .....
و لما بتتباع لاشخاص طبيعيين (المقصود هنا المواطنين) الجهه الحاجزه بتطلع ورق معتمد ببيناتها لتسجيلها بأسم المشتري في المزاد....
إن شاء الله تكون العربيه سليمه و اهم حاجه في الموضوع دا انك لما تيجي تشتري عربيه من اي جهه حكوميه انك تشوف العربيه في المعاينه قبل ما تخش المزاد و تشتري عشان مفيش حاجه عندهم انك مش ناوي تتم البيعه :).....
يا رب اكون افدت

[elshrpeny]

لاء أكيد أفدت يا باشا
وألف شكر على المعلومات القيمة دى
بس برده معرفناش عداد الكيلوات كان موجود ولا لاء , وعامل كام ؟
هههههههههه

[SkyBird]

انا مسألتوش على عدد الكيلو مترات
ومعتقدش ده هيفيد ........ ممكن يخلوه اي رقم براحتهم مش مخابرات هههههههه

[elshrpeny]

على رأيك بس على العموم ألف مبروك على العربية وربنا يباركلة فيها وينفعه بخيرها ويبعد عنه ويكفيه شرها إن شاء الله