فولكس بولو ٩٦ - بعد عشر دقائق سواقة النقل من جير لجير بيعض

[yahiatnt]

معايا عربية فولكس بولو ٩٦ عملالها ١٦٠٠٠٠ كيلو. غيرتلها سلك دبرياج بيرجلش لوحده وكل ما بسوق العربية لمدة ١٠ دقائق كل حاجة زى الفل بس بعد ١٠ دقائق مبعرفش انقل بين الجيرس و المارش بيعض و يعمل صوت تخبيط. هل ده عيب السلك ولا دبرياج ولا ايه بالضبط؟

[mesho_kimi]

ايه اخبار زيت الفتيس والعربيه معاك من زمان ولا لسه شاريها

[yahiatnt]

هل ممكن تكون مشكلة زيت الفتيس؟ على العموم هكشف على الزيت اولاً! العربية بقالها معايا ٤ سنين

[mesho_kimi]

هو أنت مغيرتهوش قبل كده ولا ايه ولو غيرته حطيط زيت ايه ، لما تغير حط زيت إسو 90 ده احسن حاجه ومتحطش غيره

[elshrpeny]

بقولك يا هشام هو زيت الفتيس دا الى علبته صغيره كدا وغطاها أصفر و شمال أربة مياة تبريد الماتور المكورة دى ولا إلى غطاها أخضر شمال الماتور عشان عايز أكشف علية هو وزيت الباور ؟

[elshrpeny]

وال الفتيس إيسو 90 بيتحط أد إيه ؟
وزيت الباور إسمة إيه وبيتحط أد إيه ؟

[mesho_kimi]

لا ده بيبقى طبه فى جانب الماتور من الاسفل وبيتاخد تقريباً 3 لتر وشويه انا جبت 4 جراكن فاضل فى واحد نصه تقريباً والواد وقع حبه فى الارض عشان كده مش عارف المقاس بالظبط انا لسه مغيره من شهرين حسب كلام الراجل انه كان الاصلي بتاع العربيه :))

زيت الباور اوعك تحط زيت باور احمر ، حط ابيض امريكاني اسمه جانك بيعمل من 45 إلى 55 أنت وحظك وقى الاخضر بتاع فولكس بس صعب تلاقيه الاحمر سعره 14 جنيه تقريباً وفى الاصل هوه مش بتاع باور ده بتاع فتيس اوتوماتيك

[elshrpeny]

ليه هو الجركن بتاع الإيسو بيبقى كام لتر ؟ دا أنا فكرى علبة كدا صغيره عشان زيت الفتيس مش بيحتاج زيت كتير على ما أعتقد

وبالنسبة لزيت الباور كان فى زيت أصلى كان origenal ( أسامه ) قالى عليه الى هو أسمه ( G 004 000 m2 ) ودا بيبقى أخضر شفاف وكان سعره تقريباً 75 جنيه ( إلى أنت تقريباً قصدك علية )
اما بالنسبة لزيت الفتيس فكان قالى على Esso 75w90 ( وجايز برده دا إلى يكون قصدك علية )

بس على فكرة ممكن يكون أماكن وجود علب الزيوت مختلف بين عربياتنا زى أختلاف العدادات إلى فات , طب قولى كدا كمان على علبة زيت الباور عندك فين ممكن برده تبقى حاجه تانية والله أعلم

[yahiatnt]

غيرت الزيت, المشكلة لسه موجودة بس قللت نسبة العض بعد عشر دقائق, سألت ميكانيكى فولكس على مشكلتى قالى ده عيب دسك و انا محتاج طقم دبرياج جديد. المشكلة بتحصل لما الدسك بيسخن و داه مش عيب سلك ابدا, هل فى حد ممكن يأكد الكلام ده لان طقم الدبرياج عملية مكلفة قوى!؟

[M.Mostafa80]

هو أحتمال وارد جدا بقالك قد أيه مغير طقم الدبرياج
وهل اللى ركب السلك شد السنتريك وهو بيركبه
وربطه بالقفل الموجود لحد ما ركب وبعد كده فكه

[medo20000]

ياباشا أنا عربيتى 2001 بولو السلك القديم كان من النوع العادى اللى بيترجلش بصامولة مانيوال يعنى لما اتقطع
قولت اجيب النظيف والأصلى ب 300 جنيه والله من فتح الباب وقالى ده أتوماتيك ومش عارف ايه ....
المهم أن نفس المشكلة تقريباً عندى كل لما أدى ريقيرس مارش يزعق الفتيس أكنك مش دايس دبرياش للآخر ....

بس نصيحة لما تيجى ترجع لوراء حاول تستنى 3 ثوانى كده وبعد كده إنقل على الريفيرس مارش .. هاتلاقى الصوت قل ويمكن يختفى تماماً .........زجرب وقولى

[mesho_kimi]

ليه هو الجركن بتاع الإيسو بيبقى كام لتر ؟ دا أنا فكرى علبة كدا صغيره عشان زيت الفتيس مش بيحتاج زيت كتير على ما أعتقد

وبالنسبة لزيت الباور كان فى زيت أصلى كان origenal ( أسامه ) قالى عليه الى هو أسمه ( g 004 000 m2 ) ودا بيبقى أخضر شفاف وكان سعره تقريباً 75 جنيه ( إلى أنت تقريباً قصدك علية )
اما بالنسبة لزيت الفتيس فكان قالى على esso 75w90 ( وجايز برده دا إلى يكون قصدك علية )

بس على فكرة ممكن يكون أماكن وجود علب الزيوت مختلف بين عربياتنا زى أختلاف العدادات إلى فات , طب قولى كدا كمان على علبة زيت الباور عندك فين ممكن برده تبقى حاجه تانية والله أعلم

ايوه يا معلم همه النوعيين بالظبط ، .... علبة الباور قدام خالص ناحية الشبكه مش عارف حاسس انى اللى انت كنت بتتكلم عليها دية بتاعة زيت الفرامل

[elshrpeny]

ايوه يا معلم همه النوعيين بالظبط ، .... علبة الباور قدام خالص ناحية الشبكه مش عارف حاسس انى اللى انت كنت بتتكلم عليها دية بتاعة زيت الفرامل

انا يا هشام معنديش أى علب ولا أى حاجه خالص أدام ناحية الشبكه كل الى عندى علبة صغيره كدا غطاها أصفر ودى أسفل قربة مياة تبريد الماتور , والتانيه شمال الكابوت شمال عصاية قياس الزيت شمال الماتور ودى غطاها أخضر مبشوفش قدام ناحية الشبكة لما باجى أبص غير البوجيه الى داخل فى الماتور من تحت فقط لا غير , وعشان كدا بقولك شكل حوار العلب دا مختلف بين موديلك وموديلى والله أعلم

[mesho_kimi]

ام غطا اصفر دية بتاعة زيت الباكم ، التانيه بتاعة زيت الباور ، طبة زيت الفتيس لازم يبقى فى جانب الماتور من الاسفل

[أبو_حمزة]

انا كمان محتاج اغير سلك الدبرياج
بس حيران هل اجيب اللى بيرجلش نفسه أبو 300 و اللا العادى ابو 80
اللى جرب الاتنين ياريت يعرفنا ايه الاخبار و هل الفرق يستاهل و ليه