التوران 1.4 Tsi

[yehia]

من فضلكم ياجماعة فيه حد هنا عنده التوران الـ tsi ؟.... هي موتورها فيه سوبر شارجر على ما أعتقد فبتطلع قدرة خارجة 160 حصان .....

ياريت له فيه حد عنده العربية أو بيستعملها شخصيا يديلنا تقرير شامل عنها شامل جوانبها الايجابية والسلبية وأدائها وأعطالها وأسعار قطع غيارها ... وهل بالفعل بتنزل من غير فردة استبن ومن غير مكان ليها ؟

وياترى ايه السبب ان الوكيل نزل في تمنها أكتر من 25 ألف جنيه على مرتين خلال بضعة أشهر فقط ؟ هل عشان ما بتبيعش؟ ولو ده السبب فهل عدم الاقبال عليها راجع لشكلها ولا لعيوب فيها؟

[yehia]

ايه يا جماعة بس ... ده واضح ان ملاك العربية دي كتير قوي وسوقها ماشي على الآخر !!!!

[mshamy]

أ. يحي

انا شفت الموضوع ده من امبارح وكنت مستني حد يكون عنده العربية يقول المعلومات اللي عنده
بس على ما يبدو والله اعلم لا يوجد اي زميل يملك هذه السيارة
وعليه أقول لحضرتك على المعلومات اللي عندي لاني كنت عايز اشتري العربية دي قبل الباسات
بس "شكل" العربية لم يكن مقبولا لدى "الحكومة"
المهم العربية دي 140 حصان بمحرك تربو 1400 سي سي و ناقل الحركة الجديد DSG
وتتميز بالرفاهية المعهوده عن فولكس و الإتساع الاخلي المناسب للعائلة
فعلا لا يوجد إطار إحتياطي و لكن السيارة بتنزل مزودة بمادة يتم حقنها عبر البلف باستخدام كومبرسور هواء -ايضا مع السيارة-
وفي حالة طلب العميل يمكن للشركة ان تقدم اطار احتياطي مع Roof Rack يتم تركيبة على سقف السيارة

بالنسبة لمواصفات السيارة ممكن حضرتك تطلع عليها في الربط ده

[yehia]

أ. يحي

انا شفت الموضوع ده من امبارح وكنت مستني حد يكون عنده العربية يقول المعلومات اللي عنده
بس على ما يبدو والله اعلم لا يوجد اي زميل يملك هذه السيارة
وعليه أقول لحضرتك على المعلومات اللي عندي لاني كنت عايز اشتري العربية دي قبل الباسات
بس "شكل" العربية لم يكن مقبولا لدى "الحكومة"
المهم العربية دي 140 حصان بمحرك تربو 1400 سي سي و ناقل الحركة الجديد dsg
وتتميز بالرفاهية المعهوده عن فولكس و الإتساع الاخلي المناسب للعائلة
فعلا لا يوجد إطار إحتياطي و لكن السيارة بتنزل مزودة بمادة يتم حقنها عبر البلف باستخدام كومبرسور هواء -ايضا مع السيارة-
وفي حالة طلب العميل يمكن للشركة ان تقدم اطار احتياطي مع roof rack يتم تركيبة على سقف السيارة

بالنسبة لمواصفات السيارة ممكن حضرتك تطلع عليها في الربط ده

شاكر جدا رد حضرتك يا أستاذ محمد ... وربنا يبارك لك في سيارتك ويرزقك خيرها ويرد عنك شرها ...

أصل الحقيقة العربية دي مزقزقة في دماغي هي والباسات الستيشن 2009 وده عشان عامل السعر باعتبار انهم في فئة 200 ألف وأقل ( التوران سعرها نزل وبقى 200 ألف ) ... بس طبعا الكل بيخوفني من الباسات الموتور القديم لأنه حيبقى ضعيف عليها إنما السعر اللي وصل 190 ألف وممكن أقل كمان بيغري الواحد ....

أنا نفسي في عربية ألماني عائلية وتقفيل بلدها الواحد يبقى مطمئن وهو سايقها ( طبعا بعد التوكل على الله ) .... فعشان كده قلت اسأل على التوران بس الحقيقة الفتيس الجديد مقلقني بعد العطل اللي حصل مع الأستاذ سيف والذي على الرغم من تعامل التوكيل معه على قدر المستوى وقيامه بتغييره إنما خوفي من أعطال فترة ما بعد الضمان ... فهل الأمور ماشية تمام مع حضرتك ولا ايه الأخبار؟

[MaZaGAngeE]

ممكن صورة للعربية دي ......

[yehia]

ممكن صورة للعربية دي ......

اتفضل يا باشا ..... ( على فكرة هي من فئة 7 راكب وممكن الصف الأخير من الكراسي يتشال )









طبعا اللي بتنزل مصر مش فتيس مانيوال انما فتيس DSG سبع سرعات .......

[MaZaGAngeE]

دي جميلة جدا
بس 200 ألف كتيرة برضه

[mshamy]

فهل الأمور ماشية تمام مع حضرتك ولا ايه الأخبار؟

والله.... الحمد لله العربية إلى الأن زي الفل وعامل بيها حوالي 6500 كيلو
وخلال صيانة ال 5000 الاف خليتهم يكشفوا على ناقل الحركة لأني باسمع صوته في خشونه شوية
والمهندس أكد لي ان ده شئ طبيعي في ناقل الحركة الجديد ...

[EgyptianTune]

على فكرة الموتور واحد فى كل ال TSI سواء ال140 أو ال 150 أو ال160 اللى بيفرق ال software فقط لاغير