جيتا زيرو ( تصافى 2010 ) هاى لاين من التوكيل بـ 180.000ج

[ahmed_2007]

بسم الله الرحمن الرحيم

أولا : تحياتى إلى كل أعضاء هذا المنتدى المحترمين و الذى أشرف ان انضم معهم

ثانيا : لقد سمعت خبر من أكثر من صاحب معرض و موزع معتمد لفولكس واجن .....

الخبر : ان الجيتا هاى لاين ( الشكل القديم تصافى 2010 ) زيرو سوف يرخص ثمنها الى 180.000 ج

و السبب ان الشكل الجديد لجيتا 2011 نزل و سوف يؤدى الى نزول سعر الجيتا الشكل القديم 2010 فى التوكيل و عند الموزعين المعتمدين لفولكس واجن

أرجو التفاعل فى هذا الموضوع المهم

شكرا

[eng/muhamad]

سعر حلو جدااااااااااااا
خصوصا للناس اللى بتفكر تشترى و شايفه ان الموديل الحالى اجمل من الموديل الجديد

[yehia]

الهاي لاين اللي كانت بحوالي 217 ألف (الكاملة ) ؟

ولا الفئة اللي كانوا منزلينها بـ 200 ألف من شهرين كدا وتقل ببعض الكماليات البسيطة عن الأولى ( الحقيقة مش عارفها تفصيلا لكن مندوبي المبيعات قالولي انها أقل في بعض الكماليات ) ....

فهل اللي نزل سعرها لـ 180 ألف هي الـ 217 ألف ولا الـ 200 ألف ؟

على فكرة التوران برده سعرها نزل من 215 ألف لـ 200 ألف .. وده النزول التاني لسعرها السنة دي بعد ما كانت بـ 225 ألف .....

وفيه كذلك بواقي باسات فاريانت ( ستيشن ) 2009 الموتور القديم الـ 1600 سي سي من غير تربو بـ 192 ألف بس كتير من الأعضاء قالوا ان الموتور ده ضعيف جدا على العربية خاصة وانها مافيهاش الفتيس الجديد .....

[elassar2010]

هتبقى حركة مش حلوة للناس الى اشترتها وهضر باسم فولكس

[inspiron]

هتبقى حركة مش حلوة للناس الى اشترتها وهضر باسم فولكس

+1111111111

هو ده الرد اللي أنا مستنيه...أنا مش عارف هما إبتدوا يخرفوا بقي ولا إيه..أنا شخصيا مش عاجبني الشكل الجديد نهائي

[bob12345]

+1111111111

هو ده الرد اللي أنا مستنيه...أنا مش عارف هما إبتدوا يخرفوا بقي ولا إيه..أنا شخصيا مش عاجبني الشكل الجديد نهائي

111111111111
كده الجايبين 2010 هيلبسوا في الحيط

[bob12345]

انا رحت سالت في بي اوتو في المعادي قالي مافيش تخفيض عليها نفس الاسعار و قالي لسه مش هتنزل السنه دي

[beeboo2005]

من أسبوعين الأسعار كانت هى نفسها القديمة و لا يوجد أى خصم للجيتا

من أسبوعين بالضبط كنت بأعمل صيانة العربية فى توكيل العبور. الأسعار كانت هى نفسها القديمة و لا يوجد أى خصم للجيتا.

[معتز]

الكلام ده مش منطقى ...

[ahmed_2007]

على فكرة مع احترامى للاعضاء اللى سألوا كلهم سألوا على سبيل التأكد من المعلومة ، بمعنى انهم سألوا واحد مهواش معرفة

وكل موزع معتمد وصاحب معرض مهواش من مصلحته انه يقول ان فى تخفيض فى السعر عشان ميربطش سعر على العريبات اللى عنده ، حتى لو حصل تخفيض و الموزع باع السيارة بسعر القديم الفارق بالزيادة اللى يبحصله فى ثمن السيارة بيكون له فيه 50% ( هذا فقط فى حاله التخفيض على بواقى سيارات العام السابق )

والكلام ده انا إتأكدت منه من موزع معتمد لفولكس واجن وهو مصدر معلوماتى وهو مخباش على لانه صديق والدى منذ ان كانا يعملان معا فى الإمارات .

شكرا

[HeRo_LaNCeR]

انا لسه كنت سال في ياسين علي 2010 وقالي ان اسعارها لسه زي ماهي متغيرتش واللي بيتقال ده مجرد اشاعات
وانا مش اول واحد اسال عند ياسين ناس كتير سالوا وقالهم ان بردوا الاسعار زي ماهي

[ahmedbeirut123]

للاسف الخبر غير صحيح

انا دخلت على كونتاكت كارز الاسعار لم تتغير

الجيتا الهاى لاين ب 127

[ahmedbeirut123]

سورى اقصد 217 الف

[Rsarabia]

الشكل القديم احلى بكتير من الجديد لو وقفت العربيتين جنب بعض هتحس ان الشكل الحالى هو الشكل الجديد
الجديد كلاسيكية زيادة عن اللزوم
\

[fadynabil]

الشكل القديم احلى بكتير من الجديد لو وقفت العربيتين جنب بعض هتحس ان الشكل الحالى هو الشكل الجديد
الجديد كلاسيكية زيادة عن اللزوم
\

ماهو عشان كلاسيكيه دي الباسات فئه أعلي من الچيتا وكمان أغلي ... لأنه إتجاه للوقار أكتر