استفسار بخصوص السياره البوينتر؟؟

[samhmakram]

الساده اعضاء المنتدى الكرام:

عندى سؤال عن العربيه البويتنر

- هل العربيه دى جيده ؟ وليه سعرها رخيص نسبيا بالنسبه لباقى الفولكس ؟

بفكر اشنريها ؟ - رجاء من الساده الافاضل سرعه الرد - لان قدامى واحده سعرها 43000 وحالتها حلوه موديل 2006 -هى طبعا 1000 سىسى - انا مش مطمن للبيعه دى؟

هل العربيه دى فيها عيوب - او صيانتها غاليه - قطع غيارها موجوده ولا ايه ؟
امال سعرها رخيص ليه؟ - سمعت ان موتورها فيه مشاكل - ايه مدى صحه الخبر ده ؟؟؟

شكرا مقدما للردود.

[M.Mostafa80]

رخيصه لأنها جايه من البرازيل وحاجتها مش موجوده فى السوق
ولو موجوده بتبقى غاليه حبتين

[pointer]

رخيصه لأنها جايه من البرازيل وحاجتها مش موجوده فى السوق
ولو موجوده بتبقى غاليه حبتين

غاليه ازاي يعني ومش موجوده ازاي
كل حجتها موجوده باذن الله ورخيصه بره التوكيل
يعني

خليك في الجديد احسن خصوصا لو صاج لان السمكري هيجيب العيوب فيه و علي فكره قطع الغيار مرميه هناك
و ارخص من الياباني
المرايا 150 شارع دمشق
الكشاف الخلفي 120 وكامل مش باغه شارع دمشق
الكشاف الامامي 340 علي ما اذكر
طلمبه المياه الاصلي شفتها بعبني 155 جنيه
ومحفور عليها ويبر او حاجه كدا كانت مكتوب نفس الماركه في الكتالوج بتاع السياره شارع دمشق
واي خدمه

[Islam_galal]

معلوماتي البوينتر 1600 ؟

الاكصدام الامامي سمعت انه بيوصل لـ 4000 جم

قانون عام للمستعمل:
العربية الجديدة و رخيصة تبقي قطع غيارها غالية أو مش موجودة

[M.Mostafa80]

غاليه ازاي يعني ومش موجوده ازاي
كل حجتها موجوده باذن الله ورخيصه بره التوكيل
يعني

طيب تعالى نتكلم بالعقل والمنطق عدلى المحلات اللى بتجيب حاجتها استيراد فى مصر كلها
وقولى هل المحلين اللى بيبيعو حاجتها جديده بيوفرولك كل أجزائها
وعايزك تقولى عمرك ما لفيت على حاجه ليها وفى الأخر ولفولها حاجه من موديل تانى أو من عربيه تانيه
أستاذى الفاضل انا مبفتيش ومبجيبش حاجه من عندى دا كلام السوق ومش معنا ان حضرتك معاك العربيه يبقى تقول معلومه تخلى حد ياخد قرار شرا على اساسها
وأنا واعوذ بالله من كلمه أنا ومن الغرور واثق فى كلامى كويس وعارف انا بقول ايه بفضل الله عليا من معلومات وخبره فى الموضوع ده
وشكرا

[pointer]

اولا انا لاقلت بتفتي ولا لا بس حاطيط امواع قطع الغيار اللي اعرف اسعرها و برضو انا ما بفتيش بس الاسعار دي مش غاليه ولا حاجه و التوكيلات كلها في مصر غاليه حتي الياباني
و صدقني لو فيه شك في قطع العيار و ندرتها كنت قلت علي طول لامها شهاده حق
وكمان انا لما اقول انها موجوده و رخيصه ده اللي انا مجربه وشفته مش حكايه بلزق لحد
وحكايه انها غاليه ومش موجوده سمعتها قبل كدا لكن من التجربه وكدا لا موجوده ورخيصه كمان

بالنسبه للي بيشتغلوا في قطع غيارها 80 في الميه من بتوع الفولكي و الاسكودا شغالين فيها
95 في الميه منهم في شارع دمشق شغالين فيها
كمان كنت عاوز اضيف
عدد 2 كاوتش شكمان 10 جنيه
عدد واحد حامل اكصدام فبر ب 35 جنيه
وربنا يسترها و منحتجش حاجه تاني
مش عارف ليه حاسس اني زعلت ناس بمشاركتي مع ان الاختلاف في الراي مش حاجه وحشه والا عملوا المنتديات ليه
شكرا للجميع

[pointer]

معلوماتي البوينتر 1600 ؟

الاكصدام الامامي سمعت انه بيوصل لـ 4000 جم

قانون عام للمستعمل:
العربية الجديدة و رخيصة تبقي قطع غيارها غالية أو مش موجودة

اسلام باشا لا الاكصدام في التوكيل غالي بس ما وصلش 4000 والله اعلم بس السعرده من فين و امتي
و الاكصدام بتاعها في شارع دمشق ب تاع 500 مش فاكر بالضبط بس في الجدود دي
السياره مش رخيصه خالص ازي
1- الحجم
2- شايلين منها بلاوي يعني
من غير اير باجز
من غير مرايات كهرباء
من غيرجنوط
من غير ايه بي اس
بارزيلي وووووو
و الشكل الجديد فضوها خالص
القاعده دي مش دايما تمام بس هي مضبوطه نسبيا ازاي
المزدا 3 و الامبريزا مش رخاص و اسعار قطع غيرهم غاليه للغايه
الفورد الفوكس مش رخيصه وقطع الغيار زي الياباني ان ما كنتش ارخص يعني ممكن نقول لكل قاعده استثناء

[M.Mostafa80]

انا مزعلتش ولا حاجه بالعكس اتمنى ان فعلا قطع غيار العربيات اللى جايه من البرازيل والأرجنتين تكتر وكل الناس تبيعها وتبقى متوفره لأنى واحد من الناس من المعجبين بالسوران وكان نفسى أقتنيها
انا لما بتكلم ما بتكلمش عن فنوس ولا مرايه
أنا بتكلم على صاج أو مواتير أو فتيس وعفشات وبعض أجزاء الميكانيكه
نظرتى ابعد شويه من نظرتك العربيه بقالها فى السوق اربع أو خمس سنين يعنى لسه مفتحتش بقها
لكن لما تبتدى تدخل فى سكه المواتير والفتيسات والعفشات
هتتعبك شويه
ويارب كتر من اللى شغالين فى قطع غيار العربيات دى
عشان مصلحه أخواتى وكل الناس بالعكس هفرح والله لو الحاجات اللى اتكلمت عنها اتوفرت جديده واستيراد
هبقى اول حاجه هعملها
انى هنزل بكره الصبح اجيب السوران لأنى معجب بيها جدا وعندى برقبه ميت ماتريكس وكارينز

[pointer]

انا مزعلتش ولا حاجه بالعكس اتمنى ان فعلا قطع غيار العربيات اللى جايه من البرازيل والأرجنتين تكتر وكل الناس تبيعها وتبقى متوفره لأنى واحد من الناس من المعجبين بالسوران وكان نفسى أقتنيها
انا لما بتكلم ما بتكلمش عن فنوس ولا مرايه
أنا بتكلم على صاج أو مواتير أو فتيس وعفشات وبعض أجزاء الميكانيكه
نظرتى ابعد شويه من نظرتك العربيه بقالها فى السوق اربع أو خمس سنين يعنى لسه مفتحتش بقها
لكن لما تبتدى تدخل فى سكه المواتير والفتيسات والعفشات
هتتعبك شويه
ويارب كتر من اللى شغالين فى قطع غيار العربيات دى
عشان مصلحه أخواتى وكل الناس بالعكس هفرح والله لو الحاجات اللى اتكلمت عنها اتوفرت جديده واستيراد
هبقى اول حاجه هعملها
انى هنزل بكره الصبح اجيب السوران لأنى معجب بيها جدا وعندى برقبه ميت ماتريكس وكارينز

بص بصراحه انا ما اشترتش صاج قبل كدا بس بصراحه باحب اسال كل ماروح اشتر حاجه عليها وسالت علي الصاج مرتين مره في التوفيقيه قالي موجود اجبهولك قلت له خليها المره تانيه ومره قي دمشق بس ماشفتهاش علي شان سالت علي الاكصدام وبعت الواد بالتليفون وانا قلت له الفلوس مكملتش وكدا
بالنسبه للموتور هو هو بتاع الباراتي و اللي هي تاكسي العاصمه حتي العفشه كمان واحد فاللي بيجيب بيجيب علي اساس يوفر لعربيتين
المرايا متوفره كتبر اوي وفي منها انواع و الفرق بتاع 20 و30 جنيه فيه برازيلي وصيني اي والله لانها في منها مصنوع في مصانع الفولكس اللي في الصين وفيه مكان المسمار بلاستك وفيه معدن
طلمبه المياه بتغتها نقس الطلمبه بتاعه التوكيل و محفور عليها الماركه و صنع في البرازيل بس جوان الاصلي افضل فركبته وما اعرفش متوفره ولا لا انا اول محل دخلته قال لي اهيع راجعت الكود لاقيته هو شلت علي طول
علبه الدركسيون موجوده بس مسالتش علي السعر بصراحه فا مافتيش
وبرضو متشكر علي المتابعه
اسوران جميله كفايه انها فولكس بس بالنسبه لقطع العيار وكدا معلو ماتي فيها زي معرفتي باللغ الصينيه يعني من الاخر صفر اكبر من بتاع المونديال كبير