لهواة تعديل البيتل

[ابوهاشم]

احبائى عشاق البيتل
اثناء تصفحى على النت وجدت الصورتين دول
لعربيه بيتل معدله وشكلها تحفه بجد
واثارتنى الدهشه لما لقيتها هنا فى مصر
وحبيت انقلكم الصور لمحبى ترويش البيتل

http://www10.0zz0.com/2010/07/09/20/230107673.jpg

http://www10.0zz0.com/2010/07/09/20/979814873.jpg

[ابوهاشم]

[smsmxxxxxx]

جميلة جدا يا ابو هاشم تسلم ايدك

[hosamsief]

اية الجمال ده يا باشا تسلم ايدك ،،، بالمناسبة حاوت اكلمك امبارح بس تليفونك كان مقفول طول اليوم انت و الاستاذ احمد حسن

[ابوهاشم]

على فكره هى عليها ورقه مكتوب للبيع
بس حاولت اكبر الصوره علشان اعرف رقم التليفون لكن مش واضح

[dobiues]

هي العربية دي كانت ف المعادي

[mesho_kimi]

العربيه دية كنت بشوفها فى مارينا على طول السنادي

[MOSHAKS]

العربية ديه انا شفتها فى جرنال السيارات قبل كده من حوالى سنة تقريبا كان صاحبها بيتكلم عنها
انا مش فاكر اسمه حاليا وكان بيقول انه مسقط موتور بورش فى العربية ومغير عفشتها وكمان عامل شغل فايبر فى الكبوت والرفارف علشان يخف وزن العربية وبيخش بيها الراليهات

[mmoneim]

اخوانى الاعزاء دى مش بيتلز بج عاديه زى بتاعتنا دى اسمها بيتلز باجا وهى بتيجى كده زاى منتوا شايفيين وتستخدم للراليات والسفارى ومختلفه تماما فى العفشه والبودى والفتيس وفى منها فى الغردقه والقاهره وحتى كان في اجانب من المانيا كانوا جايين بيها لمصر وبيلفوا بيها افريقيا وممكن تشوفوها على النت بس ابحثوا عن vw baja

[hatchy]

العربية دى للبيع وتفاصيلها على اللينك دى فى موقع car 100100 .com
الموقع الاشهر والاكثر انتشارا للسيارات فى مصر - The most famous site for cars in Egypt

[Adham]

العربية ديه انا شفتها فى جرنال السيارات قبل كده من حوالى سنة تقريبا كان صاحبها بيتكلم عنها
انا مش فاكر اسمه حاليا وكان بيقول انه مسقط موتور بورش فى العربية ومغير عفشتها وكمان عامل شغل فايبر فى الكبوت والرفارف علشان يخف وزن العربية وبيخش بيها الراليهات

الموتور اللي في دي باين بالنظر انة موتورها ال 1600 انما البورش دي شكل تاني خالص من ورا و لونها اسود و ليها هواية فوق السقف علشان هواء التيربو و بتاعه راجل كبير فوق ال 50 - 60 سنة و شفتها من سنين تقريبا هو كان ساكن في العمارة اللي جنب البنك قدام نادي هليوبوليس

[smsmxxxxxx]

انا دخلت على لينك الاعلان
لقيته كاتب سيستم بورش مش عارف يعنى ايه
بس هو كاتب بيتل موديل سنة 1968
بس فيها تكييف وباور وعفشة معدلة لراليات الصحراء وشغل جامد

اى عربية بيتل بتحولها لشكل ال baja علشان تمشي بيها فى الصحراء او الشاطئ

بس اكيد التعديلات دى غالية
والله اعلم اخبار المرور ايه لان موتورها طالع لبرة

وعلى فكرة هو شكله كدة شارى الاجزاء الفيبر من برة لانها معمولة حلو اوى

---------------------
محمد سالم