حد عنده البيتلز القديمة

[adelmagdy]

اشتريت عربية بيتلز من سنة وكان لونها احمر باهت المهم انني وضبت العربية دي سمكرة و دوكو وجنوط 16 وكاوتش سرعات.....الخ من الاخر العربية بقت جامدة بس في مشكلة واحدة عايز ميكانيكي يكون كويس وبيفهم فيها مع العلم اني غيرت كذا ميكانيكي والمشاكل هي هي المشكلة الاساسية عندي ان العربية بتاكل بنزين ومغير ثلات كاربيراتيرات حتي الان ومغير دايرة البنزين كلها لكن الموتور ما لعبتش فيه مع العلم اني شاري العربية وكان لسسة معمول لها عمرة فلو حد عندة بيتلز قديمة ويعرف ميكانيكي كويس يا ريت يقوللي

[ابوهاشم]

انا عندى بيتلز قديمة وعندى نفس المشكلة انها بتاكل بنزين كتير جدا تقريبا 100ك فى الصفيحة والميكانيكى طلع عينى معاه نظفت الكاربراتيروغيرت البيك والابرة وقاللى من الصبابات وعملناها عند الخراط وعمل طقم شنبر وغيرت الموبينة وطقم كهربا كامل ومافيش فايده والغريبه انه ميكانيكى متخصص فولكس قديم بيتل والاستهلاك هو هو وفى احد الاصدقاء بينصحنى اروح لميكانيكى كاربيراتيرات احتمال يكون عاوز اكس وباب وانا والله زهقت من المصاريف عليها بدون فايدة مع انى اعرف ان العربية دى المفروض تعمل فوق ال200ك صفيحة داخل القاهرة يعنى الضعف وياريت الاخوة الافاضل يفيدونا فى الموضوع ده لو حد عنده نفس الوديل وانا منتظر معاك الردود

[Karim_Monir]

طب تدفعوا كام
طبعا بهزر
انا كان معايا 3 بيتلز ورا بعد 64-70-73 ودي كانت احلاهم
المهم عليكم وعلى الاسطى على الامور في الحرفيين
ده شيخ البيتلز في مصر
كان شغال في التوكيل بتاع فولكس اول مالعربية دي جت في الخمسينات في مصر
راجل كبير قوي وتقريبا ما بشوفوش بسبب السكر
بس عنده 2 صنايعية الله يباركلة فيهم
عايزين تظبطوا عربياتكم عليكم وعلية عد
الحرفيين بلوك 6 الاسطى علي الامور
واللي عايزني اوديه لحد هناك ده موبايلي قولولي وانزل معاكم اعرفكم عليه
لانه حبيبي فعلا
ده موبايلي
0101263030
كريم منير

[Kisho]

من فضلك راجع اللينك القديم ده..... ممكن يفيدك


http://www.nilemotors.net/Nile/archive/index.php?t-151.html

[Kisho]

انا برضه كان معايا 3 على التوالى

1300 موديل 1969 المانى
1302 موديل 1974 امريكانى (نادره جدااااااااااا)
1303 s موديل 1974 المانى (1600 cc)

[noni67]

انا باتعامل مع عصام فى العباسية
فى الشارع اللى ورا البنزينه اللى على احمد ماهر
هو شارع صوغير موازى لاحمد ماهر ورا البنزينة باتعامل معاه من 20 سنة ومش بيشتغل غير فى البيتل بس
وتليفونه 0224821770

[ابوهاشم]

طيب ممكن اللى عنده العربية دى يقولنا المفروض تعمل كام كيلو فى الصفيحة داخل القاهرة وكام على السريع لو كان الموتور 1200 سى سى

[ابوهاشم]

غريبة يعنى مافيش رد

[ahmed azab]

بص انا اكتشفت ان مفيش معيار محدد للعربية دي لانها كل وحدة مختلفة عن التانية من حيث سعة الماتور والكربراتير والمانفول والحالة العامة للماتور والتكيهات لكن هي بتعمل 200 كيلو في الصفيحة ده العادي

[ابوهاشم]

شكرا على الرد

[أحمد سالم]

والله ياجماعة ماهتصدقو انا فولت التانك ببنزين 80 وطلعت من المقطم على الاسكندرية رحت قعدت هناك يومين ورجعت للقاهرة تانى فولت بعد كدة من الحى السابع يعنى تقريبا عملت 500 كيلو بالفل تانك مرة واحدةمع العلم ان العربية برازيلى 1300 عليه موتور 1600 سى سى العربية موديل 1983 وكنت بحطلها زيت موبيل 1 ابو 42 جنية للجركن بس الميكانيكى قالى حط زيت العادى خالص وغير على 1000 كيلو لانه زيت خفيف والموتور اللى بيشتغل بالتبريد بالزيت بيحب الزيت الخفيف والله واعلم بهذة المعلومة على فكرة التانك عندى تقريبا بياخد 40 لتر

[ابوهاشم]

الحمد لله العربية اتصلحن وبقت كويسه واتضح ان العيب كان فى الكاربراتير
روحت لواحد بتاع كاربراتيرات عمله اكس وباب وبعدها اتظبط والحمد لله

[hossam2222]

فى مكانيكى شاطر جدا اسمه احمد عبد الحميد (حلاوة) ده فى شارع الشركات فى الزوايه خلف المطافى وده شاطر جدا وصنيعيه وشغال فى الشركه الفولكس وعنده ضمير واسعاره فى المصنعيه كويسه جدا .........

[ihab]

انا باتعامل مع عصام فى العباسية
فى الشارع اللى ورا البنزينه اللى على احمد ماهر
هو شارع صوغير موازى لاحمد ماهر ورا البنزينة باتعامل معاه من 20 سنة ومش بيشتغل غير فى البيتل بس
وتليفونه 0224821770

اكيد تقصد شارع احمد سعيد
انا عارف ان الموضوع قديم بس حبيت اصحح المعلومة

[hoda3010]

عاوز اعرف ازاي اركب كابل امبير السرعة