اعمل ايه محتار ...

[moooooomooo]

ايه رأيكم ياشباب
انا معايا بولو 2001 عاملة 78 الف كيلو
الزيت اللى انا بحطة زيت معدنى من أول ما اشتريتها لحد دلوقتى بس بينصحونى أغير الزيت لتخليقى موبل 1 أو كاسترول ايدج بس مش عارف أعمل ايه الكلام كله متضارب النهاردة فيه حاجة غريبة النا عمالة تقول وترجع تانى فى كلامة انا محتار
وايه هى الخطوات للتغيير ولا خلينى زى ما أنا

[M.Mostafa80]

لو بقالك فتره كبيره بتتعامل بزيت معدنى منصحكش تحط تخليقى
وبردو بيرجع لحاله موتور العربيه
سؤال ولما تجاوب عليه هيديك القرار النهائى
هل فى بخار أبيض بيطلع من خرطوم الفايظ بتاع الزيت اللى متوصل على العمه أو بتلاقى زيت فى العمه لما تفتحها عشان تنضف أو تغير زيت الباور لو أه يبقى خليك مكمل معدنى لو لأ يبقى حط تخليقى

[moooooomooo]

انا طبعاً مش عارف ايه العمة دى مبدأياً
بس اللى انا متاكد منه انى مبشفش أى حاجه خالص غير طبيعية والماتور طبيعى تماماً وانا كنت فى التوكيل من يومين وقالى الماتور كويس دى حاجة
الحاجة التانية انى بلاقى مايه تحت الشكمان لما بسيب العربية دايرة شوية
وأنا بصراحة متردد جداً فى موضوع الزيت مش عاررف أعمل ايه بس اللى انا متأكد منه ان مفيش دخان غريب بيطلع خالص من العربية
وشكرا جزيلان على اهمامك انته فعلاً تستحق تكون عضو زهبى وانا اكون سعيد لو عرفتك أكتر وانا مستنى ردك ضرورى
وفيه حاجة كمان بالمرة
انا مش لاقى كاوتشات مقاس العربية بتاعتى مش عارف اجيبها منين وكل واحد بيقبلنى بيفتيلى شويه حط كبير لا حط عالى لا حط عريض لا بلاش دور على بتعها مقاسها هو 175/65r/13/t على 65 مش لاقيه خالص دبرنى ياوزير أعمل ايه علماً بأن مش محتاج الا كاوتشين بس
وانا مسنى منك الرد وشكراً مرة تانية

[meladadel]

موم انا اسه مغير والمقاس ده قليل بس انا جبته ونوعه اسمه ارورا نفس مصنع كومهو وسألت عنه مش بطال ب 220 جم الفردة بالبلف بالترصيص من عند واحد فى الحى التامن فى مدينة نصر

والنسبة للزيت ممكن يامحمد يحط ماجناتيك نصف تخليقى ويشوف اداء الموتور عليه

[M.Mostafa80]

العمه هى الجزئيه اللى بداخلها فلتر الهواء وهى عندك بداخل الوش الكبير اللى على الموتور من فوق
الكاوتش دور كويس لحد ماتلاقيه وان شاء الله هتلاقيه أو بص على غطاء التانك هتلاقى المقاسات المسموح بيها للعربيه واللى مش هتقصر معاك على حاجه وعلى ما أتذكر ان فى أكثر من مقاس مختلف فى فئه الجنط ال 13
كون العربيه بتعرق مياه كدا يبقى حاله الموتور فى الغالب كويسه وزى ما قالك ميلاد جرب حط المجناتك وشوف الدنيا هتبقى ماشيه معاك ازاى
واكون أسعد لو اتعرفت عليك

[moooooomooo]

دا انا اللى أكون سعيد بمعرفتك والله انا اسمى محمد من دمياط مدرس كمبيوتر
دى معلومة
المعلومة التانية انى رحت امبارح مركز بريدجيستون وقابلت مهندس نجاد وبعد طول بحث مالقيتش المقاس بتاعى لانى رحت لأكث من 10 محلات وملقيتش وقالولى ان فى الغالب ان لقيتة هيكون قديم أو كومهو وكموهو ده مش مريحنى لانة صينى المهم والمقاسات اللى على غطا العربية ييبقى رفيع ييركب على جنط تانى
فى الآخر وصلت مع المهندس نجاد ان ممكن أركب مقاس 185/60/13 وقالى ان ده انسب حاجة والراجل بصراحة بزل مجهود رائع
واخيراً لقيتهم لقيت اتنين كورى سع الواحدة والله 280 بالعافية والراجل طلع عين امى على منزلت 10 جنية
وركبتهم وار وحطيت القدام فى الأمام وانا مسافر النهاردة دمياط لأنى كنت فى القاهرة لقيت العربية بترقص على واحدة ونص رجعت للراجل تانى أتار الكاوتشات القديمة اللى أنا طلعتها قدام متأكله من ناحىه وناحية لأ وطبعا هضطر أغير الفردتين التانين 560 جنية كمان بس ما كانش عنده فقالى بكرة الخميس بعد الظهر المهم الاقيهم ربنا ييسرها بقا أصل البطة بتاعتى قرفانى قوى اليومين دول وشكرا ليكم على اهتمامكم بى وبأسئلتى الكتيرة وأكون ممنون بمعرفتى بيكم ياريت

[moooooomooo]

بالنسبة للزيت أنا بفكر أحط موبل 1 لانة متوفر ايه رأيكم بس ياريت تردوا على فى أسرع وقت لانى مسافر بكرة ان شاء الله ورايح على رأس البر ان شاء الله ومش هروح البيت قبل السبت أو الأحد يعنى مش هلاقى نت ذى الراجل الطيب اللى فاتح النت على اللاب سبيل و10 / 10 والله سرعة 2 ميجا مفتوح على الآخر راجل طيب قوى مش عارف هو مين بس بيأخذ ثواب لآنى بكلمك وبراسلكم وأكيد بستفيد من خبرتكم شكرا للإهتمام

[meladadel]

خليك فى كاسترول لأن الأسعار متقاربة وانت كدا كدا فى القاهرة هاته من الفاخورى فى ش الأربعين

[moooooomooo]

شكراً ياميلاد الفاخورى ده فين فى شارع الاربعين فى أى منطقة لانى من دمياط ياريت العنوان بالتفصيل وبيقولوا فى موجود فى شارع الحجاز هليوبولس وأجيب ايدج ولا ايه