الموتور 1600 للبولو ينفع ولا تقيل عالعربيه؟

[sammor_28]

ازيكم ياشباب انا معايا بولو 98 وعليها موتور 1600 بولو بس انا قلقان لحسن يكون تقيل عالعربيه ويبوظ العفشه ولا عادي ياريت تفيدوني ياجماعه لحسن انا قلقان جدا من الموضوع ده معلش هتقل عليكم وشكرا ليكم مقدما..

[shemy2000]

ana 3amalt el mawdooo3 dah men 6 month
we mosh shaif ay moskela bas
momken yekoon te'eeel alaa el arabia shoowa'a bas ady

[sammor_28]

شكرا لردك ياباشا واهتمامك وربنا يباركلك فيها ويباركلي فيها

[dod_i]

الف مبروك
عندى بولو 99 ممكن تقولولى جبتو الموتور منين عشان نفسى اعمل كده 1000 ؤؤ سحبها وحش اوى

[link7200]

أخى العزيز sammor
لو المكنه دى بتاعتها (نازله فى الفبريكه) يبقى مفيش مشاكل
لو مسقطه مكنه يبقى لازم تكون العفشه اتغيرت و الفرامل كمان بواحده اكبر
فى حاله لو متسقطلها مكنه روح بص على العفشه و الفرامل و لو ملقتهمش متغيرين لازم تغيرهم و لحد ما تغيرهم متشدش جامد و الفرامل حتلاقيها وحشه

[dr_3eshoo]

زي الباشا ما قال بس خد بالك من حاجه برضه مهمه الفتيس علشان ميتكسرش
راجع العفشه الفرامل و حطلها abs الكاوتش يكون اكبر يكون على الاقل 15
و في التاني السلامه برضه
خد بالك ان فتيس الفولكس بيتلكك انا لسه مغير واحد الاسبوع الي فات

[Xpert]

هوه ينفع .. بل و فيه بولو 1600 نازله من المصنع .. الافضل انك تشوف تاجر يكون منزل عربيه بولو 1600 و تاخد الميكانيزم كامل من عنده ... موتور+فتيس+عفشه+كبالن+علبه دريكسيون _ كل الاجزاء الميكانيكيه ...

[ramzi]

والله يا معلم انا معايا بولو 1300 ونفسى فى المشوار دة بس سمعت اراء مختلفة منها انها اصلا بتنزل 1600 فى الخارج ومفيش مشكلة فى التسقيط واراء اخرى بتقول لازم تغير العفشة كلها ... انا راى خليك فى الامان ..كمل المشوار وغير العفشة . وربنا يباركلك فيها

[umoussa]

شوف ياسيدي:

البول أصلاً ليها موتورين 1600 واحد كامة واحدة والتاني 2 كامه

غالباً الي في عربيتك الكامة الواحدة ودا بدون اي شك او تفكير متسقط لأن الوكيل هنا في مصر مجبش فير 1000 و1300 بس وتكلفة جمرك ال 1600 كانت عالية جداً وال 1600 في البولو بتكون عادة مصحوبة بكماليات يعني زجاج ومريات كهرباء وسنتر وإنذار. خد بالك سنتر البولو هواء مش كهرباء.

وطبعا طالما العربية مسقطة فأكيد الفتيس متغير وإلا كان زمانة اتكسر لأن عزم الموتور ال 1000 غير ال 1600 الي يخوفك العفشة. واقصد بالعفشة هنا المساعدين والسوست بس غير كدا مفيش اي اختلاف لا قنطرة ولا مقصات ولا علبة دريكسيون "هو طبعاً في اختلاف في علبة الدركسيون" بس متتعبش نفسك مش حتلاقيها.

وعلشان هي 1600 فلازم يكون فيها Abs دا من مواصفاتالمصنع وبما انها غالباً مسقطة فمش حتلاقي فيها Abs وحتلاقي الي سقط الموتور مدوره على الضفيرة القديمة والعربية مخنوقة.

ملحوظة شكمان ال 1000 قطرة 42 مم وال1300 وال1400 قطره 48 مم وال1600 قطره 54 مم

لو تعرف تجيب حروف الموتور ابعتهالي وانا اديلك ارقام المساعدين الاصلية والسوست والألوان الموجودة عليها وابعتلك مواصفات الموترو كمان.

يعني للضمان شوف ورا في دنجل سكاكسن ولا دنجل قباقيب لو قباقيب يبقى فرامل العربي دي ضعيفة وكمان الي سقط الموتور مهنش عليه يركب دنجل سكاكين

[algeneral]

انا عندي بولوموديل 2001 مسقطلها ماكنه 1400 مع فتيس اتو متيك و عفشه امريكي وعدادات ديجيتال و Abs وزجاج كهرباء وطاقم جنوط 16 في الحرفين
علي فكره في بولو1800

[umoussa]

أولاً كل عدادات البولو ديجيتال

ثانياً الجنط 16 مش صح على العربية ومفروض انك عملت تعديل في الإكصدامات علشان الجنط ميحكش

وطالما انت حاطط جنط 16 يبقى مفروض بيض المقصات يتخلف يعني البضة اليمين تتحط مكان البيض الشمال والعكس صحيح ودا علشان تتغير زاوية الكاستر والزوايا تنفع تتظبط ولو انت كنت عامل كدا يبقى برضو بتظبط زوايا عند واحد كفتجي علشان عكس البيض بيرحل الكاوتش 1 سم للأمام يعني لازم تحك ولو مطلعش يبقى الزواي مش مظبوطة يعنى العربية من الآخر مش أمان.

ثالثاُ أكبر مقاس للبولو جنط 15 ومقاساته موجودة على باب التانك

رابعاً حاجة كويسة انك عندك Abs بس ياترى يا هل ترى شلت ماستر الضفدعة لما ركبت الـ Abs؟ لأنك لو لسه شايله ابشرك ان عند استخدامك الـ Abs في حالة حرجة العربية حتلف من ورا وحتعرض وقد تنتهي الحكاية بمأساه

[umoussa]

انا عندي بولوموديل 2001 مسقطلها ماكنه 1400 مع فتيس اتو متيك و عفشه امريكي وعدادات ديجيتال و Abs وزجاج كهرباء وطاقم جنوط 16 في الحرفين
علي فكره في بولو1800

مفيش بوبو 2001 موتور 1800 أكبر موتور للبولو 2001 هو الموتور 1600 ودا 125 حصان وموجود في 3 عربيات في مصر بس ودول معروفين بالاسم

الموتور 1800 بدأ ينزل في البولو العيون

بالمناسبة اشتريت مكنتك من عند ميين في الحرفيين ومين سقطهالك؟

[حماده المصري]

واضح انك خبيير جدا في الفولكس ماشاء الله

في سؤال اتمنى تجاوبني عليه

الاودي a4 القديمه هيا هيا عفشه وشاسيه الباسات القديمه

فهل الموديلين الجداد برضو زي بعض في العفشه والشاسيه

وما مدى توفر محركات 1.8 + 2.0 tfsi في مصرواسعارهم

ونفسي اعرف هل الفتيس dsg بينزل في العربيات الي الفولكس الي في مصر
وفي فتيس 7 سرعات اودي هل برضو موجود في مصر ولا لا

معلش هتقل عليك جدا بس نفسي اتاكد من الحاجات دي

[umoussa]

شكراً يافندم

شوف هو أنا بصيت على البرامج بتاعة قطع الغيار الخاصة بفولكس وأودي ولاقيت ان فيه حاجات كتير متشابهة بين الباسات والأودي في العفشة الأمامية لحد دلوقتي.

بالنسبة للفتيس Dsg الفتيس دا نزل في عربيات كتير زي
الجولف 3
الإبيزا 1999 - 2001
الكوردوبا 1999
البولو الكلاسيك

يعني فرصتك انك تلاقيه كبير جداً

بالنسبة بقى للمواتير الي انت بسأل عليها والفتيس الـ 7 سرعات دي حاجات تصنيفها شاذ وعزيزة ولو لقيتها حتتمرجح في فلوسها وبما إن المواتير دي تعتبر جديدة وفي كساد موجود في أوروبا حالياً ومحدش بيبيع ولا بيشتري فإحتمال وجودها في مصر ضعيف جداً وأهم حاجة لما تجبها تسأل هيا جاية منين لو جاية من السويد اعرف ان احتمال كبير جداً الموتور دا هنا علشان فيه عيب صناعة، علشان التجار دلوقتي بيجيبوا شغل من السويد لأن الاسعار هناك رخيصة جداً بس العربيات الي بيجبوها رخيصة لأن فيها عيوب صناعة وبتجي بحالة الزيرو