ساعدني يا استاذ / احمد حسن

[hoda3010]

السلام عليكم ورحمة الله وبركاته

كنت عاوز اتفسر عن حاجة انا جديد علي البيتلز هو فيه ماسورتين خارجين من الماتور باتجاه ماسورتين الي صالون السيارة تحت الكنبه الخلفيه دول بيتوصلو مع بعض بخرطوم ولا لا وايه فائدتهم ارجو الافادة للاهمية انا عربيتي موديل 1964 / 1200 cc جزاكم الله كل خير
ساعدني يا استاذ / احمد حسن
استاذ / ابو هاشم انقذني
عمالقة البيتلز ساعدوني لحسن اعمل حاجة غلط في العربية

[ابوهاشم]

ممكن حضرتك تصورهم للتوضيح
بس هو فى احتمال يكون مواسير تكييف

[hosamsief]

لا مفتكرش يا استاذ هاشم دة العربية موديل 64 و 1200 سى سى ، تقريبا حاجة تانية ........

[ahmed2y]

هما مش جايين من الماتور مباشرة هما جايين من ناحية الماتور يعنى من ضهر الماتور ماسورة يمين وماسورة شمال كبار شوية لو كلامى كدة مطابق للعندك يبقو هما فعلا مواسير مش تكيف بالظبط هما مواسير سخان هواء للصالون بيبقى جاى من الماتور مش تكيف بالظبط هما بيعدى فيهم الهواء الساخن وجاى من الماتور وبيطلعو من الازاز فى الداير اليمين والشمال من تحت فى الازاز وجنب رجلك الشمال وانت سايق فى العتبة من جوة وكفاية بقى احسن حاسس انى لخبط مش عارف اشرح كويس وتحت امرك فى اى سوال


اة وفى جناب فرامل اليد دراعين صغيريين دول المسئوليين عن فتح وقفل السخانات دى وعلى فكرة طبعا الموضوع دة كلة مش شغال لانة كل الموضوع دة بيبوظ مع اول مرة ينزل فيها ماتور العربية برة التوكيل طبعا التوكيل دة من 50 سنة لان البيشغل العملية دى بيقى سلك صغير غير الى اشتغل فى التوكيل فطبعا برة التوكيل ينزل الماتور من غير ما بفصلة يتقطع وكل سنة وانت طيب على كدة وخلاص

[ahit]

السلام عليكم ورحمة الله وبركاته

لا تقلق دى مواسير لنق الهواء الساخن من الماتور لهوايات التدفئة اللى داخل العربية و عدم وجودها لا يؤثر على شىء.

و آسف إن الرد متأخر شويتين