مساعدة بخصوص bora

[bayantt]

شباب, أنا رايح اتفرج على بورا أستعمال النهارده
2005 + فتحة سقف
الحالة : شاذة (حسب كلام التاجر)
السعر 105000

برجاء الافادة فيما يلى :

- السعر ده على الموديل ده كويس ولا مبالغ فيه
- أيه اهم الحاجات اللى الواحد يبص عليها فى البورا

[أبو_يوسف]

اللي اعرفه ان اسعار البورا موديلات 2001 2002 سعرها من 70 ألف ل 80 الف

[amrseba]

الرقم ده يجبلك BMW 318 i موديل 2000 - 2001

هيبقى احسن

او اوكتافيا a5 2006

وده افضل اختيار فى السعر ده بصراحه هيا البورا جميله بس غاليه بس لو حالتها نضيفه اوى و شاذه وفبريكه بره وجوه من غير حزام ولا اي حاجه وشوف كده الصالون حالته ايه و تكشف عليها كويس جدا وطبعا

بس ده عشان تاجر فاصل معاه بقلب جااااااامد

[TOOLA]

لا طبعا حرام ادفع المبلغ ده فى بورا ده يركبك جولف 5 - و اوكتافيا a5 - و بى ام 2001 - لو لازمك بورا شوف موديل أقدم 2002 أو 2003 و يكون مش متهان يعنى متحافظ عليها (و هتلاقى متقلقش) و أخرها لو حالة شاذة أوى يعنى تدفع فيها ساعتها 80,000 ج, طبعا الراجل هيتكلم معاك انها 2005 بس 2005 مش تقفيل المانى الألمانى أخرو مفروض كان 2002 و الله أعلم

[bayantt]

الله ينور يا رجالة ...... متشكرين

بس معلش سؤال تانى :

اهم الحاجات الى أبص عليها أيه, و مش قصدى على المستعمل عموما إنما على البورا تحديدا

[amrseba]

شوف الحاله العامه ايه الصالون مش متهان و روح التوكيل وتكشف عليها كويس جدا وياعنى دقق فى كل صغيره و كبيره زى ما بقولك الراجل قالك راشه حزام او راشه بره من غير سقف و قوايم سيبه و امشى و دقق فى الصاج و ده حال كل العربيات المستعمل

[TOOLA]

البورا مش لازم توكيل ممكن احد الورش المتخصصين فى الفولكس و أشهرهم هانى سمير ورا حديقة بدر فى جسر السويس.

أهم حاجة حد فاهم فى الدواخل يبصلك على القوايم عشان فى عربيات كتير بتكون ملحمة نصين (ده حال العربيات الالمانى عموما فى بلدنا), بعدين الفتيس الأتوماتيك عشان الفتيس لازملو زيت مخصوص بيتغير كل 60,000 ك (فى حدود 1000 ج و ناس بتسترخص و مابتغيرهوش) و من غيرو الفتيس بيضرب.

و أخرا الماتور و العفشة, و عموما ورشة متخصصة زى ما قولتلك هتديك تقرير بكل ده.

[bayantt]

متشكرين يا جدعان

نروح نبص بصة و نشوفو ايه النظام

[bayantt]

أنا شفت العربية:

موديل 2002
52000 كم
لون أحمر
فابركة برة وجوه

فعلا حاجة خيالية

و السعر برضو خيالى
طالب 103000

لو روحت التوكيل و أكد حالة العربية الغير طبيعية, رأيكو أيه ؟

[TOOLA]

مستحيل يبيع بالسعر ده, يعنى لو واحد ميت على العربية ماظونش هيدفع أكتر من 87,000 مثلن

[moooooomooo]

قولى الاول العربيه دى موجوده فى دمياط عند رائد الميكانيكى ولا أنا غلطان أصل اعرف انه فيه واحده عنده بنفس السعر وعدد الكيلو مترات ونفس اللون قولى لو هيه ياريت تعرفنى

[blazer]

طالب كام
دا بيحلم
زى ما الناس قالتلك 100 الف يركبوك عربيات على بكتير زيرو
ب 100 الف تجيب باسات 2003

[M.almaghraby]

اخرها خالص 80 - 75 الف

بس هيا عربية منتهي الجمال

ممكن تبص علي الاودي احسن ,, او الاوكتافيا

[amrseba]

لا غالى اوى ده كده تشترى باسات بقى

شوف حته 318 i بى ام

احسن منها

العربيه كده غاليه اوى يا باشا

[fady.bekatcho]

يا راجل دا ال 2005 دلوقتى عامل 90 واخرة 95 الف لو ما فيهاش قرش هيدفع بعديها

حرام طبعا السعر دة