تسعير بولو 99

[marmoraessam]

مساء الخير
فى واحده قربتى هاتشترى بولو 99
بس هى خايفه مش شويه حاجات
اولا الماتور الاصلى بتاعى كان 1000 سى سى بس الراجل صاحبها مره نسى الزيت مفتوح فبوظ الماتور(ده كلامه) وهو اشترى ماتور جديد 1400 سى سى ومتركب فيها حاليا بس لسه مش مسبوت فى الرخصه وقال هايدينا الفاتوره ونثبتها
غير كده العربيه حلوه من بره فبريكه من جوه لكن رشه بره
جايب كاتوش جديد
الصالون والتابلوه شكله معقول بس طبعا مش زى العربيات الحديثه
هى تكيف وباور وسنتر وزجاج كهربى
بيقول ان العداد عامل 90000 بس مش متاكد
الراجل طالب 35000
هل السعر ده مناسب ولا هى تخفض معاه ولو هاتخفض يبقى العربيه تكون اخرها كام
ياريت تردوا عليا بسرعه علشان الحق ابلغها لانها اتفقت معاه بكره توديها البنزينه
ومين احسن بنزينه بتكشف فى مصر الجديده
ومعلش انا طولت عليكم بس هل العربيه دى بظروفها دى لو هى حبت تبيعها بعد 6 شهور مثلا هاتخسر فيها ولا لا وهتتباع بسرعه ولا سوقها نايم
اسفه انى طولت عليكم
فى انتظار الردود ارجوكم

[meladadel]

35000 ده الحد الأعلى لسعر العربية وانا جبت عغربيتى قريب بالسعر ده بس فبريقة بره كمتن لو عرفت تنزل اى مبلغ تيقى هى الكسبانة والسعر مش كتير بس مش قليل برضه وتكشف عليها عند ميكانيكى فولكس فى ش الأربعين اسمه هانى سمير

[marmoraessam]

بعد ازن حضرتك طيب الماتور مش يعتبر عيب فى العربيه انه متغير ومش الاصلى ده ممكن يعيبها لو جيت ابيعها فى المستقبل؟؟؟؟؟؟؟؟
وهانى سمير ده مكانه فين بالظبط
وهل هو اضمن من البنزينه؟؟؟؟؟؟؟؟؟؟

[alzelafy]

العربيه دى اخرها 32 او 32.5 بالكتيير لكن 35 تجيب واحدة فابريقه برة و جوة و موتورها الالف سىسى و تكيفها شغال و فرش الفابريقه و الموتور ال 1400 ما يعبش العربيه

[أبو_حمزة]

هو يعنى ايه نسى الزيت مفتوح
مهم قوى لو هتشترى العربية يثبت الموتور قبل نقل الملكية عشان مش طالبة انك تبقى مش مطمن لحالة العربية و كمان الورق مش سالك

[M.Mostafa80]

لازم تتحط العربيه على الجهاز وتشوف هل الكنترول مسجل فولتات
دا هيكشف اذا كان متسقط صح ولا عك
الحاجه التانيه لازم يثبتلك الموتور على الرخصه الأول دا وش وحوار وخصوصا على بنوته
الحاجه الثالثه هو السعر معقول على الحاله والسعر تغيير الموت ما يعبش العربيه غير فى بلدنا بس ودا فى حاله انو متسقط صح بس كل ما نزلتى فى السعر انتى الكسبانه
والعربيه مش موتور وبس لأ دا عفشه ودواخل وخوارج وصالون
زى ما نصحك ميلاد روحى لهانى سمير فى ش الأربعين من ش جسرالسويس خلف حديقه بدر وهو هيشقلبلك العربيه ويقولك فيها ايه وتصلح وتستاهل ولا لأ
ربنا يوفقك