نور اسفل الباب بالباسات

[karimfadl]

السلام عليكم ورحمة الله وبركاته، النور الأحمر بأسفل الباب هل هو عبارة عن قطعة بلاستيك عاكسة للضؤ فقط ام بداخله لمبة للإضاءة المفروض ان تنير كلما تم فتح الباب؟ أنا أتكلم عن الباسات.

وكيف افعله في حال وجوب انارته؟

[M.Mostafa80]

لو هى مجهزه ومش شغاله بتحط العربيه على الجهاز وتفعلها لو مش مجهزه يبقى مجرد عاكس وفى بينزل مجهز وفى لأ حسب معلوماتى بس لو موجوده هتشتغل عن طريق الجهاز

[karimfadl]

طيب اعرف ازاي يا استاذ مصطفي؟

[M.Mostafa80]

من خلال انك تحطها على الجهاز او لو فى برشور خاص بالفئه اللى معاك وعلى ما اعتقد انها حالياموجوده فى كل الفئات

[mshamy]

السلام عليكم ورحمة الله وبركاته، النور الأحمر بأسفل الباب هل هو عبارة عن قطعة بلاستيك عاكسة للضؤ فقط ام بداخله لمبة للإضاءة المفروض ان تنير كلما تم فتح الباب؟ أنا أتكلم عن الباسات.

وكيف افعله في حال وجوب انارته؟

وعليكم السلام ورحمة الله وبركاته

دي مجرد قطعة بلاستيك حمراء عاكسة للإضاءة فقط لا غير

[karimfadl]

الف شكر يا بوحميد

افادكم الله

[M.Mostafa80]

وعليكم السلام ورحمة الله وبركاته

دي مجرد قطعة بلاستيك حمراء عاكسة للإضاءة فقط لا غير

استاذ محمد ازيك فى بعض العربيات بتبقى الجزء دى فيها مضيئ هى موجوده فى الجيتا وكانت محتاجه تفعيل من خلال وضع العربيه على الجهاز ودا حصل مع حد من الأعضاء هنا

[mshamy]

استاذ محمد ازيك فى بعض العربيات بتبقى الجزء دى فيها مضيئ هى موجوده فى الجيتا وكانت محتاجه تفعيل من خلال وضع العربيه على الجهاز ودا حصل مع حد من الأعضاء هنا

محمد باشا
كلام حضرتك صح... بس القطعة بتنور في الهاي لاين فقط
عربية كريم وعربيتى أول باكديج ...بتاعة الغلابة ....للأسف بتكون بلاستيك عاكس فقط

[M.Mostafa80]

محمد باشا
كلام حضرتك صح... بس القطعة بتنور في الهاي لاين فقط
عربية كريم وعربيتى أول باكديج ...بتاعة الغلابة ....للأسف بتكون بلاستيك عاكس فقط

ربنا يباركلكم فيها ويكفيكو شر الطريق واعين الحاقدين ويحفظكم من كل شر وسؤ

[adel_2346]

ربنا يباركلكم فيها ويكفيكو شر الطريق واعين الحاقدين ويحفظكم من كل شر وسؤ

كلام جميل وربنا يباركلك

[karimfadl]

ربنا يكرمكم جميعا ويبارك للكل ويحفظ الكل ان شاء الله يا رب.

[mshamy]

ربنا يباركلكم فيها ويكفيكو شر الطريق واعين الحاقدين ويحفظكم من كل شر وسؤ

حضرتك راجل محترم
ربنا يسمع منك و يباركلك في عربيتك و يحفظك من كل ما تكرهه

[beeboo2005]

محمد باشا
كلام حضرتك صح... بس القطعة بتنور في الهاي لاين فقط
عربية كريم وعربيتى أول باكديج ...بتاعة الغلابة ....للأسف بتكون بلاستيك عاكس فقط

فعلا. كانت واقفة عربية باسات جنبى فى كارفور و لما فتح الباب لاقيت القطعة دى منورة فرحت سألته فقال أنها كانت مطفية و لكن لما راح التوكيل خلوها تنور. فأنا فى اقرب صيانة فى التوكيل عملت زيه و لكن المهندس قال لى أن بتاعتك غير مجهزة أصلا بالنور و ده مجرد قطعة بلاستيك عاكسة للنور.