النصيحه في بولو 95

[Mahmoudyoussif]

اولا انا من عشاق الالماني لاني كان عندنا البيتلز وكانت تحفه

نخش في الموضوع علطول قدامي بولو فوكس بابين 1300

العربيه تكيف و بابين بس و جنوط سبور والطاره متغيره

بس ما اعرفش التكيف الاصلي بتاعها ولا لا العربيه عامله 115000

مطلوب 30000 تنصحوني بايه فيها ولا ازود شويه واجيب 99 ب 35000

عايز اعرف لو هتفرق الاربع سنين دول وال 5000 ولا لاي

معلش طولت عليكوا حاجه اخيره عايز اعرف قطع غيارها بكام

وشاكرافضالكم جميعا

[meladadel]

انا رأئى الشخصى خليك فى ال 98 او 99 تكييف وباور وعموما ال 35000 يجيبو العربية التوب النضيفة قوى قوى يعنى ممكن تجيبها اقل من كدا 1000 او 2000 وموديل 95 دى برضوا تعتبر قديمة شوية..ولو هى نضيفة قوى يعنى مفيهاش مصاريف خالص ممكن تتوكل على الله بس حاول تنزل من سعرها شوية

[Mahmoudyoussif]

مش هاتفرق في البيع بعد كده لو باب او بابين

[M.Mostafa80]

تفرق طبعا كتير بس هى الأسعار نزلت قوى لدرجادى بقالى فتره مش متابع
يعنى ال 98 أو 99 تكييف وباور وازاز كهربا حاله جيده تعمل 35 بس
أه ياقلبى

[Mahmoudyoussif]

ربنا يكرمنا ونبقى من ملاك البولو لانها عربيه محترمه

والف شكر ليكوا ولله انتو اعضاء اكتر من محترمين

[elshrpeny]

تفرق طبعا كتير بس هى الأسعار نزلت قوى لدرجادى بقالى فتره مش متابع
يعنى ال 98 أو 99 تكييف وباور وازاز كهربا حاله جيده تعمل 35 بس
أه ياقلبى

معتقدش أنها للدرجة أدى يا محمد مهما كان الاسعار نزلت او السوق أتغير

تقريباً الحالة الجيدة دى بتبقى راشة برة و صالون حالتة متوسطة بالكتير مثلاً والماتور بيبقى بالميت معدى ال 150 ألف وهكذا وبيبقى لسة هيصرف عليها حاجات كتير يعنى مثلاً ممكن تكون عايزة أربع فرد كاوتش و فوانيس على الأقل يتغيروا , دا طبعا غير السيور والفلاتر والزيوت أمر مفروغ منة , وممكن كمان بعد ما تشترى حاجة تطلعلك فى التكييف حاجة تطلعلك فى الباور الامر ميستغناش , يعنى من الاخر الكلام حلو انما كلة بيبان على الطبيعة

[M.Mostafa80]

طب ياجماعه لو عربيه موديل 98 تكييف وباور وسنتر وزجاج كهربا وزينون موتور 1400 16 صباب 2 كامه تعمل كام مع العلم الصالون حالته جيده واربع جنوط 15 كاوتش جديد وبطاريه جديده

[elshrpeny]

هههههههههههههههههه
إية أنت خفت على نفسك يا محمد ولا إيه ؟
ولا قولت اما أبيع الوقتى أحسن من بعد كدا ؟ وأهو تبقى الخسارة القريبة و لا المكسب البعيد !!!
ولا مجرد بتطمن على سعرها بقى بكاااااااااام ؟؟؟

- بس أرجع وأقولك طلاما مريحاك و مش هتقدر تجيب حاجة فى نفس المستوى حتى لو زيرو بنفس التمن ( زى البيكانتو مثلاً إلى هتحط مش أقل من 15 او 20 ألف عشان تجيبها زيرو ) يبقى أنت الكسبان مهما بقى بقت بكام إن شاء الله بقت ب 20 انت مش مضرور فى حاجة . ( دى وجهة نظرى والله أعلم )

[M.Mostafa80]

لا انا بس عايز اعرف سعرها

[Mahmoudyoussif]

لو هتبيع يا استاذ محمد انا اولى ;)

ربنا يخليهالك بس لو فكرت انا موجود برده

[kokotota]

انا عايز اعرف اى حاجه عن البولو الجديده سعرها ونزلت التوكيل ولا لسه وايه اخبار الفتيس الdsgفيها ياريت الى يعرف يرد عليا

[M.Mostafa80]

مشفتش عربيه واحده منها ماشيه فى الشارع مأفورين فى سعرها وخصوصا ان الموتور 1400 85 حصان مش 1200 102 حصان tsi قمه الأستهبال فى التسعير

[kokotota]

طيب انا عايز اعرف البولو ولا الابيزا احسن من رايك يا استاذ mostafa