مفيش نصيب

[moooooomooo]

فاتتنى النهاردة وأنا قاعد على موقع contacts car عربية شيفورليه أفيو 2009 عاملة 1400 كيلو فابريكة بره وجوه كاملة ب 50000 لدواعى السفر الراجل باعها النهاردة لانة مسافر بكرة تخيلو ب 50000 ألف انا كلمته بس قالى انة باعها خلاص أنا حزييييييييييييييييييييين بس ربنا يباركله فيها

[cameeron]

معلش طب ايه علاقة موضوع حضرتك بمنتدى فولكس؟

[M.Mostafa80]

معلش طب ايه علاقة موضوع حضرتك بمنتدى فولكس؟

+1 ومع احترامى لمالكيها ولرغبه حضرتك دى عربيه ما يتزعلش عليها خش قسم شيفورليه كدا وشوف أراء الأعضاء والمشاكل اللى بيتعرضولها

[elshrpeny]

بس أنا عايز أسأل سؤال سونكرافانكوستون كدا يا عم مومو .
أنت سعتك كنت هتبيع البولو إلى معاك وتجيب الافيو دى ولا هتجيبها لحد تانى ؟؟؟؟؟
سؤال وجية و وسيم و عريس

[ramy_150]

ده بيكون واحد معندوش اساسا عربية وعامل اعلان علشان يتمنظر بيه قدام بت ولا حاجة

[moooooomooo]

والله ياشباب الموضوع كان له علاقة بالعربية بتاعتى اللى فيهه عين مش راضيه تطلع منها كل شويه يحصل ليها حاجة ياعنى انا مثلاً من يومين وأنا واقف فى أمانه الله تحت بالكونة مش عارف تقريباً واحده بتنشر هدوم وفيهه كلور وقع الكلور على المفرش ومنه للعربية لقيت العربية بقى لونها بقع أبيض على لونها الاحمر ودى مش قول مره كل شويه يحصلها حاجة وهية العربية جديده يعنى 78000 كيلوا وفبريكا فقولت أدور وأبص على الاسعار فلقيت الافيو ففقولت والله فكرة الواحد يبيع البولو ويشتريها وانا عارف ان الموضوع ملوش علاقة بالفولكس بس انا بعتبر المنتدى ده كله ذى أصحابى بالرغم من عدم معرفتى بيهم والله العظيم وعلشان كده اتكلمت فى الموضوع عادى يعنى متدققش قوى كدة وبالمناسبه أحب أسئلكم اعمل ايه فى البقع اللى فى الورنيش بتاع العربية دى لانه مش راضى يطلع محدش عنده طريقة مبتكرة كده ينوبه ثواب بس والنبى بلاش كومبوند وقطنة والحكايات دى لانى رحت لاكثر من سمكرى وقلى ماتتعبش نفسك واتعود عليها كدة

[elshrpeny]

يا باشا ولا يهمك أحنا كلنا أصحاب و أخوة يعنى إن شاء الله ميكونش حد إدايق منك ولا حاجة , ويا سيدى أكلم معانا فى اى حاجة تعجبك ولا يهمك وإلى يقدر يفيدك بأى معلومة أكيد طبعاً إن شاء الله مش هيبخل عليك بيها .
- رجوعاً بقى لموضوعك , بقى أنت رايح تبيع البولو عشان تجيب الأفيو زى ما كنت متوقع للأسف عشان موضوع العين دا , طب أنت إيش أدراك بقى ان انت لما تجيب الافيو العين دى تروح من عليك , يا باشا العين هى العين طلاما فى عين عليك من الاساس مش هتفرق مع أختلاف الأنواع والموديلااات , و من وجهة نظرى إن أنت تحافظ على إلى معاك شوية أكتر من كدا بحيث تبقى تاخد بالك عليها فى المواقف إلى زى أتعرضتلها دى لانك بتقول أنها مش أول مرة يعنى تقريباً أنت مبتتعلمش من أخطائك المفروض لما تحصل مرة أخد بالى كويس المرة الجاية ولا إية ؟
وكمان أنت بتقول انها فابريكة وعاملة 78000 كم يعنى تقريباً حالة نادرة و ممكن لو بعتها ترجع تزعل وتندم ومعتش تقدر تعوضها يعنى لو جيت تجيب بولو تانى ممكن متلائيش حالة إلى كانت معاك , وفى تجربة لواحد أرجو أنك متكررهاش وهو أنة كان معاه عربية زى الى معاك و بعدين برده قال زى أنت ما بتقول كدا إن العين علية و حس أنة كرها ومعتش مرتاح فيها و قام رايح جايب واحده كيا بيكانتو , أتندم بعد كدا لما فوجىء بفروق كتيرة طبعاً و قام بايعها و صرف شوية من الفلوس بحيث إن إلى أتفضل معاه معدوش يجيبولوا لاا دى ولا دى و عارف حالياً بيدور على إية على بولو 98 او 99 شوفت بقى بدل ما كان مثلاً يعلى بالموديل لجولف أو بورا مثلاً , لأن إلى يجرب البولو أبتداء من موديل ال 2001 لما فوق بيبقى عايز ينزل منها على حاجة أعلى طبعاً , نزل درجة ( مع كامل أحترامى طبعاً للبولو ال 98 و 99 فهى عربية ممتازة أكيد بس أنا قصدى طبعا أنة كموديل أقدم فقط لا غير )

وربنا يوفقك لما هو فيه خيراً لك بإذن الله
وكل سنة و أنت طيب يا باشا

[moooooomooo]

أنا بشكرك جداً على ردك الطيب وأنا فعلاً محتاج أفكر فى كلامك كويس وأعيد النظر فى الموضوع من تانى لأنى فعلاً بحب العربيه دى قوى وشكراً مره تانيه

[elshrpeny]

لا شكر على واجب يا باشا , وربنا يهديلك نفسك و يهديك للطريق الصواب إن شاء الله , وربنا يعينك و يوفقك بإذن الله

[A.Saad]

اقرا المعوذتين وادعية الحسد

[ehab_mansour]

اقرا المعوذتين وادعية الحسد

+ حافظ يوميا علي أذكار الصباح والمساء بصدق و الجأ الي ربك وان شاء الله لن يصيبك شيئا أبدا

[M.Mostafa80]

مين ياشربينى مين اوعى تكون تقصد عصام هو بلدياتك بردو وبقالو فتره دايخ على واحده

[elhoda]

مين ياشربينى مين اوعى تكون تقصد عصام هو بلدياتك بردو وبقالو فتره دايخ على واحده

عمرك كبير ياغالى ماشاء الله عليك بتفهم فى كل حاجة خليها فى سرك
هههههههههههههههه
الحمد لله على اى شىء

بارك الله فيكم وكل عام وانتم بخير

[elhoda]

الى الاخ صاحب الموضوع نصيحة من أخ قبل ماتفكرفى بيع العربية احسبها كويس علشان متندمش زى

وعلى فكرة الناس مش هتسيبك فى حالك حاول تغمد عنيك علشان متخسرش ياغالى

والله لو راكب 128 كنبة بردو هيبصولك انسا ياعمرو

وحاول ترقى نفسك والعربية ارقيها كمان

[moooooomooo]

والله ياشباب أنا مش عارف أقول ايه ربنا يخليكوا ليه وعموماً انا بموت فى البولو وطول عمرى كان نفسى أجيبها والله وانا بشتريهه كان معايا والحمد لله ثمنها مرتين بس انا كنت عاوزها بس زى ما شرحتلكم مش عارف مر عليا فترة مكنتش مرتاح ليها وعاوز أبيعهه بس الحمد لله انا رضيت بنصيبى لأنى شفت عربيه زيهه عاملة حادثة ومغيره ربع أمامى فالحمد لله ان عربيتى بحالتها وعموما انا معدش فيه عندى مشكلة إلا موضوع ان الورنيش بتاع الفابريكة لون اتغير وبقى فيه بقع بيضاء من على الكابوت ومش عارف اعمل ايه الراجل السمكرى قالى ماتلعبش فيهه مالوش حل دة يأما كلور أو زيت غير فى لون الورنيش هيه قطع بسيطة على الكابوت والعربيه زى ماقولتلكم فابريكة بالكامل مش عارف أعمل ايه أعيش بيهه كدة وحلاص ولا فيه حد من الأخوة عندة حل ياريت تفيدونى أفادكم الله