الاخوة راكبى ال tsi

[Ghamrawy]

السادة الاخوة راكبى ال tsi سواء جيتا او باسات او شيروكو او تيجوان
كنت عايز اعرف الجو الحر عامل معاكو ايه مع التيربو و اداء العربية من حيث السحب و استهلاك البنزين
و اشكركم

[beeboo2005]

ممكن توضيح أكثر للسؤال (أشمعنى علاقة التيربو بالحر) ؟

ممكن توضيح أكثر للسؤال (أشمعنى علاقة التيربو بالحر) ؟
هل من المفترض أن محركات التيربو تتأثر بالحر أكثر من غيرها؟
أنا محركى mbi مش تيريو بس عايز أفهم ما هى العلاقة؟

[yoko]

ممكن توضيح أكثر للسؤال (أشمعنى علاقة التيربو بالحر) ؟
هل من المفترض أن محركات التيربو تتأثر بالحر أكثر من غيرها؟
أنا محركى mbi مش تيريو بس عايز أفهم ما هى العلاقة؟

أيوه التربو بيتأثر بالحر

[معتز]

مش مفهوم..لا اعتقد ان سخونة الجو العادى لها علافة بالتربو....فقط بمنطقى وتفهمى للتربو..

[yoko]

ليها علاقة لإن لما الحر بيزيد ضغط التربو هيبقى واخد كميه أكسوجين أقل يعني العادي الحر بيأثر عليه شويه لكن التربو بيبان فيه أكثر عشان الكفائة الحجميه بتاعتة كبيره

[Gabrial]

ليها علاقة لإن لما الحر بيزيد ضغط التربو هيبقى واخد كميه أكسوجين أقل يعني العادي الحر بيأثر عليه شويه لكن التربو بيبان فيه أكثر عشان الكفائة الحجميه بتاعتة كبيره

طيب في ضرر ممكن يحصل من الموضوع دة يا أحمد ؟

[yoko]

طيب في ضرر ممكن يحصل من الموضوع دة يا أحمد ؟

لأ بس الكفائة بتاعت الموتور بتقل شويه مش كتير ومبتبنش غير في الحرق والجري

[Gabrial]

لأ بس الكفائة بتاعت الموتور بتقل شويه مش كتير ومبتبنش غير في الحرق والجري

أفهم من كلامك إن التأثر بيكون على الاداء مش الموتور نفسه ،صح كدة ؟
أنا سواقتي هادية ،يبقى كدة الموضوع مش فارق معاية .

[yoko]

أفهم من كلامك إن التأثر بيكون على الاداء مش الموتور نفسه ،صح كدة ؟
أنا سواقتي هادية ،يبقى كدة الموضوع مش فارق معاية .

كل الفكرة إن التربو ضغطه هيقل عشان التربو ميدمرش الموتور فمش هتحس بالحكايه دي غير لما تقرص على العربيه غير كده ولا الهواء وبرده مع كده هيفضل الموتور جبار بس مثلا عندي في العادي بطلع من ال318 بسهوله لما الجو يبقلى حر قوي فوق ال40 بشويتين تلاته ممكن يطلع مني لكن مش لدرجة إن الموتور يبقى ضعيف

[Gabrial]

تمام يا باشا ،شكراً للتوضيح .

[beeboo2005]

شكرا على التوضيح

كل الفكرة إن التربو ضغطه هيقل عشان التربو ميدمرش الموتور فمش هتحس بالحكايه دي غير لما تقرص على العربيه غير كده ولا الهواء وبرده مع كده هيفضل الموتور جبار بس مثلا عندي في العادي بطلع من ال318 بسهوله لما الجو يبقلى حر قوي فوق ال40 بشويتين تلاته ممكن يطلع مني لكن مش لدرجة إن الموتور يبقى ضعيف

شكرا على التوضيح.
بس ما حدش رد من مالكى التربو بمنتدى فولكس إلى الأن

[Ghamrawy]

شكرا على التوضيح.
بس ما حدش رد من مالكى التربو بمنتدى فولكس إلى الأن

فعلا !!
ده صفر المونديال كان فيه حوار اكتر من كده
بس معلش احنا فى رمضان و الوقت بعد الفطار بيبقى رايح فى الصلاة و القعدة مع الاهل و العائلة
انا مقدر الظروف

اما عن علاقة التربو بالحر فكلام احمد كله صح
و على فكرة التأثير بيبقى مضاعف عن العربيات العادية

انت بتكبس للموتور الغلبان هوا بدرجة حرارة بتوصل ل 50 درجة

[mshamy]

كل سنة وحضراتكم بخير ومعذرة لقلة تواجدي بالمنتدى خلال هذه الفتره
بالنسبة للأداء لم يتأثر كثيرا بالحر و لكن الملاحظ زيادة استهلاك البنزين

[Ghamrawy]

كل سنة وحضراتكم بخير ومعذرة لقلة تواجدي بالمنتدى خلال هذه الفتره
بالنسبة للأداء لم يتأثر كثيرا بالحر و لكن الملاحظ زيادة استهلاك البنزين

و حضرتك طيب و بالف خير يا استاذ محمد

و شكرا على ردك و اعتقد حضرتك بتستعمل بنزين 95 على طول،مظبوط ؟

[mshamy]

و حضرتك طيب و بالف خير يا استاذ محمد

و شكرا على ردك و اعتقد حضرتك بتستعمل بنزين 95 على طول،مظبوط ؟

تمام كده ...من اول يوم وانا باستعمل ال 95
حتى الأسبوع اللي فات لم يكن ال 95 متوافر في بورسعيد و اضطريت الى ركن العربية يومين تحت البيت بعدما اللمبة الصفراء نورت
بس الحمدلله بلأمس وجدت بنزينة جديدة في بورسعيد عندهم 95 و فولت العربية بي 197 جنيه