تركيب فرش جلد للجيتا

[moustafaemad]

السلام عليكم ورحمة الله وبركاته

أنا يا جماعة بفضل الله لسة عمل فرش جلد عند جينز كار وحبيت اوريكو شغل الأستاذ احمد مشعل رجل مهذب جداً ومحترم جداً ودي حاجة ميختلفش عليها حد من إلي راحو عنده من أول مقابلة لحد م أخت الفرش وانا بصراحة راضي جداً الحمد لله بس في مشكلتين الأولى هي مدة التركيب كنت كتير أوي يعني بس الحمد لله كان شغل كويس فالأخر المشكلة التانية ف إن العربية بتتفكك حتة حتة ودي صعبة أوي صراحة أسبكو دلوأتي مع الصور عشان تحكموا على الشغل وياريت تقوليلي اه رايكو معلش يا جماعة ليكو عندي بايت الصور دي مؤقتاً بس

[M.Mostafa80]

ماشاء الله جميله
بس
سؤال صغير لمبه الأيرباج منورتش عند حضرتك ولا انت مفيش ايرباج عندك فى الكراسى

[Richman]

ما شاء الله، حلو اوي اللون بتاع الفرش

[moustafaemad]

ماشاء الله جميله
بس
سؤال صغير لمبه الأيرباج منورتش عند حضرتك ولا انت مفيش ايرباج عندك فى الكراسى

لأ يا باشا منورتش أنا عندي 10 air bags والحمد لله مفيش حاجة نورت بعد التركيب أنا كنت و وقف على ايدهم وكنت بأكد على إن كل الفيش تتركب صح

ما شاء الله، حلو اوي اللون بتاع الفرش

متشكر أوي لحضرتك

[bob12345]

بسم الله ماشاء الله يا باشا جميلة جدا

[moustafaemad]

بسم الله ماشاء الله يا باشا جميلة جدا

متشكر جداً لحضرتك الحمد لله

[elshrpeny]

بسم الله ما شاء الله
الشغل متقن جدا و اللون البنى الفاتح كمان جميل جداً , بس يا ترى لون العربية إية بقى ؟ هههههههههه
ربنا يحميهالك يا مصطفى
بس فى سؤال الموضوع دا كلفك كام يا مصطفى , ويا ريت تقولى إشتريت الجلد لوحده بكام و إلى ركبهولك برده خد صنعة كام ؟

[elshrpeny]

و سؤال كمان
هل خيطوا الفرش دا فى الكرسى ولا بياخدوا المقاس و يعملوه وبعد كدا يلبسوها فى الكرسى مثلاً , عشان إلى مخلينى مقدمش على موضوع الفرش دا إنى خايف يعدوا يخيطوا فى الفرش الاصلى بتاع العربية و أبقى بكدا لعبت فى الفرش بدل ما احافظ علية !!!

[moustafaemad]

بسم الله ما شاء الله
الشغل متقن جدا و اللون البنى الفاتح كمان جميل جداً , بس يا ترى لون العربية إية بقى ؟ هههههههههه
ربنا يحميهالك يا مصطفى
بس فى سؤال الموضوع دا كلفك كام يا مصطفى , ويا ريت تقولى إشتريت الجلد لوحده بكام و إلى ركبهولك برده خد صنعة كام ؟

متشكر جداً لحضرتك العربية سودا يا باشا وفي صور تانية هحتها إن شاء الله هيبان فيها اللون أنا يا باشا اخترت الجلد من العينات إلي عند وهو إلي خيط وعملو وبفضل الله أنا عملت الأرضية كمان جلد وكل على بعدو اتكلف 1500 ! هو كتير طبعاً بس هو طلع بظبط زي الأصلي الحمدلله

و سؤال كمان
هل خيطوا الفرش دا فى الكرسى ولا بياخدوا المقاس و يعملوه وبعد كدا يلبسوها فى الكرسى مثلاً , عشان إلى مخلينى مقدمش على موضوع الفرش دا إنى خايف يعدوا يخيطوا فى الفرش الاصلى بتاع العربية و أبقى بكدا لعبت فى الفرش بدل ما احافظ علية !!!

لأ يا باشا هو فصل وركب فوق الفرش اصلي من غير م يأسر على الأصلي في حاجة خالص الحمد لله هو المكان نضيف جداً بكل صراحة وأمانة وتشطب الفرش وتركب كويس جداً فعلاً شكراً لنيل موتورز

[Elsarrawy]

الف مبروك ما شاء الله شكل جميل والشغل نضيف
بس لو تسمح ليا استفسار صغير!!

حضرتك عندك 10 air bags وفي اكيد يعضهم air bags في الكراسي مش كده؟!

طيب لا قدر الله لو الارباجز الي في الكراسي فتحت لاي سبب مش كده الجلد دا هايعوق عملية فتحها ولا حضرتك عملت ايه في الموضوع دا؟؟؟؟

[mshamy]

الف مبروك ما شاء الله شكل جميل والشغل نضيف
بس لو تسمح ليا استفسار صغير!!

حضرتك عندك 10 air bags وفي اكيد يعضهم air bags في الكراسي مش كده؟!

طيب لا قدر الله لو الارباجز الي في الكراسي فتحت لاي سبب مش كده الجلد دا هايعوق عملية فتحها ولا حضرتك عملت ايه في الموضوع دا؟؟؟؟

سؤال في محله...
انا كنت داخل اكتب الكلمتين دول
ياترى حضرتك إستغنيت عن الوسائد الهوائية الموجوده في الكراسي؟ ولا الناس عملو حاجة مخصوصة علشان يفتحوا لو لاقدر الله في حالة احتياج ليهم؟

[moustafaemad]

سؤال في محله...
انا كنت داخل اكتب الكلمتين دول
ياترى حضرتك إستغنيت عن الوسائد الهوائية الموجوده في الكراسي؟ ولا الناس عملو حاجة مخصوصة علشان يفتحوا لو لاقدر الله في حالة احتياج ليهم؟

والله يا أستاذ أنا كلمة قلتلو على إن عنديair bags فالكراسي قبل م أروح وقالي إن عمل حسب لم رحت قالي احنا بنحط الخياطة على الخياطة بظبط يعني خياطة الفرش على خيط إلي أصلاً فالكرسي ود يخليair bags تفتح عادي بصراحة أنا معرفش موضوع air bags بيفتح ازاي ومكنش ادمي غير اني أصدق كلام د خصصاً إن راكب في عربيات فيهاair bags فالكراسي كتير

[elshrpeny]

متشكر جداً لحضرتك العربية سودا يا باشا وفي صور تانية هحتها إن شاء الله هيبان فيها اللون أنا يا باشا اخترت الجلد من العينات إلي عند وهو إلي خيط وعملو وبفضل الله أنا عملت الأرضية كمان جلد وكل على بعدو اتكلف 1500 ! هو كتير طبعاً بس هو طلع بظبط زي الأصلي الحمدلله

لأ يا باشا هو فصل وركب فوق الفرش اصلي من غير م يأسر على الأصلي في حاجة خالص الحمد لله هو المكان نضيف جداً بكل صراحة وأمانة وتشطب الفرش وتركب كويس جداً فعلاً شكراً لنيل موتورز

بس على فكرة شكل الجلد دا نوعيتة كويسة لان الموضوع اتكلف , أنت تقصد الارضية عملتها جلد يعنى بقى بدل مثلاً ماتبقى الخامة الى عاملة زى الكليم الموبر دا بقت جلد , ومتنساش بقى تبقى تصورلنا الارضية يا مصطفى
- يعنى تقصد أنة لازم الجلد يتخيط مينفعش يتلبس كدا من غير تخييط بس التخيط بقى بيبقى على التخييط بتاع الاصلى ؟؟؟
- و إلى أنت روحتلة دا يا مصطفى عرفتة عن طريق المنتدى ؟ يعنى يعتبر من أفضل الناس إلى بيركبوا فرش ولا أنت اخترتة عشانة قريب ليك مثلاً ؟

معلش يا باشا تعبت دماغك أنا عارف

[Elsarrawy]

سؤال في محله...
انا كنت داخل اكتب الكلمتين دول
ياترى حضرتك إستغنيت عن الوسائد الهوائية الموجوده في الكراسي؟ ولا الناس عملو حاجة مخصوصة علشان يفتحوا لو لاقدر الله في حالة احتياج ليهم؟

يا باشا دا شرف ليا التوافق في الفكر مع حضرتك وفرصة سعيدة جداً وكل سنة وحضرتك طيب

والله يا أستاذ أنا كلمة قلتلو على إن عنديair bags فالكراسي قبل م أروح وقالي إن عمل حسب لم رحت قالي احنا بنحط الخياطة على الخياطة بظبط يعني خياطة الفرش على خيط إلي أصلاً فالكرسي ود يخليair bags تفتح عادي بصراحة أنا معرفش موضوع air bags بيفتح ازاي ومكنش ادمي غير اني أصدق كلام د خصصاً إن راكب في عربيات فيهاair bags فالكراسي كتير

على فكره احنا كل غرضنا مصلحتك وهدفنا ان حضرتك تاخد ميزة الفرش الجلد مع عدم التأثير على أداء السيارة حتى في اصعب الظروف لا قدر الله فياريت تتفهم وجهة نظرنا الي فصالحك اولاً واخيراً

بس انا الي اعرفه ان الكراسي بها قطعة بلاستك (بتمثل مكان خروج الارباجز) وبتبقى ضعيفة جداً لعدم عمل مقاومة للاريباجز اثناء فتحها وكمان بيبقى محسوب مقدار مقاومتها للارباجز بالنسبة لقوة انفجارها

ومكان قطعة البلاستك دي بتبقى بعيدة عن مكان خياطة القماش او الجلد يعني لو لاقدر الله الظروف اضطرت الارباجز للفتح هاتلاقي مقاومة مضاعفة اثناء انفجارها وممكن بسبب المقاومة دي ماتحققش الهدف منها

مش عارف حضرتك قادر تفهمني ولا انا مش عارف اوضح لحضرتك كويس

بس انا رأيي حضرتك لو تعرف حد بيفهم في الموضوع دا كويس تسأله علشان يفيدك اكثر مني ومن الي عملك الفرش ويا سلام لو حد من التوكيل تثق في كلامه لأن الامان اهم من الفرش الجلد في رأيي

وعموماً ألف مبروك على الفرش وربنا ان شاء الله مايخلكش تتعرض لظرف صعب يتسبب في فتح الايرباجز

[moustafaemad]

بس على فكرة شكل الجلد دا نوعيتة كويسة لان الموضوع اتكلف , أنت تقصد الارضية عملتها جلد يعنى بقى بدل مثلاً ماتبقى الخامة الى عاملة زى الكليم الموبر دا بقت جلد , ومتنساش بقى تبقى تصورلنا الارضية يا مصطفى
- يعنى تقصد أنة لازم الجلد يتخيط مينفعش يتلبس كدا من غير تخييط بس التخيط بقى بيبقى على التخييط بتاع الاصلى ؟؟؟
- و إلى أنت روحتلة دا يا مصطفى عرفتة عن طريق المنتدى ؟ يعنى يعتبر من أفضل الناس إلى بيركبوا فرش ولا أنت اخترتة عشانة قريب ليك مثلاً ؟

معلش يا باشا تعبت دماغك أنا عارف

يا باشا ماتقولش كدة حضرتك تؤمر طبعاً بنسبة للأرض ف فعلاً هي اترقب عليها جلد وإتلذأ في حتت معينة باللذء إلي اسمو إسكوتش ومش ب- أمير أو حاجة يعني يطلع عادي خالص من غير م يأسر على الأرض بنسبة جلد ف هو إتخيات برى واتحط على الكرسي وإتخيات في الجلد في بعدو مش فالفرش الأصلي وفي حتت تانية كان مشدود ب حتت حديد تاراباً إلي أنا واثق من إن مش متخيات فالفرش الأصلي يا باشا اتمنى أكن حاولت أوضح لحضرتك على قد علمي وإن شاء الله أحط لحضرتك صور بالأرض بكرا أو بعدو إن شاء الله

يا باشا دا شرف ليا التوافق في الفكر مع حضرتك وفرصة سعيدة جداً وكل سنة وحضرتك طيب



على فكره احنا كل غرضنا مصلحتك وهدفنا ان حضرتك تاخد ميزة الفرش الجلد مع عدم التأثير على أداء السيارة حتى في اصعب الظروف لا قدر الله فياريت تتفهم وجهة نظرنا الي فصالحك اولاً واخيراً

بس انا الي اعرفه ان الكراسي بها قطعة بلاستك (بتمثل مكان خروج الارباجز) وبتبقى ضعيفة جداً لعدم عمل مقاومة للاريباجز اثناء فتحها وكمان بيبقى محسوب مقدار مقاومتها للارباجز بالنسبة لقوة انفجارها

ومكان قطعة البلاستك دي بتبقى بعيدة عن مكان خياطة القماش او الجلد يعني لو لاقدر الله الظروف اضطرت الارباجز للفتح هاتلاقي مقاومة مضاعفة اثناء انفجارها وممكن بسبب المقاومة دي ماتحققش الهدف منها

مش عارف حضرتك قادر تفهمني ولا انا مش عارف اوضح لحضرتك كويس

بس انا رأيي حضرتك لو تعرف حد بيفهم في الموضوع دا كويس تسأله علشان يفيدك اكثر مني ومن الي عملك الفرش ويا سلام لو حد من التوكيل تثق في كلامه لأن الامان اهم من الفرش الجلد في رأيي

وعموماً ألف مبروك على الفرش وربنا ان شاء الله مايخلكش تتعرض لظرف صعب يتسبب في فتح الايرباجز

طبعاً يا فندم وأنا مقدر جداً وشاكر جداً لحضرتكم و أنا فعلاً بحول أرد في حدود علمي بالموضوع أنا فعلاً ممكن أسأل حد فالموضوع د وأشوف لو في حاجة ممكن اعملها لو د يأثر على الأير بجس وربنا يحفظنا جمعاً يارب إن شاء الله من كل سوء ونة فعلاً كنت فكر إن هيعدي الحتى البلاستيك د من الجلد بس هو معملش كدة فن إن شاءالله هسأل وأقول لكم