حبايب البيتلز محتاج مشورتكم؟؟

[wawamoha]

السلام عليكم

انا رايح اشوف عربيه بيتلز موتورها 1600 بس في واحد قاللي ان الموتور ده بلاعه بنزين ؟
يا تر اللي عنده الموتور ده ممكن ياكد المعلومه دي ؟ و يوقل هو بيحط بنزين 80 و لا 90 ؟
و لو اي واحد فيهم بيكون استهلاك البنزين كام جوا البلد و كام برره البلد مع افتراض ان الموتور مظبوط يعني

و شكرااااااااااا

[hosamsief]

انا معتقدش ان الفرق بيكون كتير بين ال 1600 و ال1300 و انا موتورى 1300 و تقريبا بيعمل 160 ك فى الصفيحة الاهم من كده ان الموتور يكون مظبوط اصلا مع ادوات التغذية بتاعه زى الكربيراتير و خلافة ...... و ربنا يوفقك

[wawamoha]

شكرا

شكرا ي حسام ا باشا عل الرد
بس انا برضه عاوز ردودو من الشباب اللي عندهم الموتور ال 1600 .. علشان اعرف بالظبط

شكرا

[mohabelnegm]

أنا لما كنت بركب البيتلز(1300) كانت بتاكل بنزين جامد بس أول لما أشتريت كاربرتير جديد (مش أستيراد) و ركبتة بقت العربية بتشم البنزين شم:) و أستهلاك البنزين بقى أقل بنسبة كبيرة جدا.

[smsmxxxxxx]

انا هقولك على حاجة تريحك أوى بس هتكلفك

بس بشرط تكون مقتنع بالعربية 100%

انتا تفول التنك بنزين 80 وتديها مشوار 100 كيلو فى طريق مفتوح وتحاول تحافظ على سرعة ثابتة فى حدود 80 كيلو فى الساعة

وبعد كدة فول تانى وشوف فولت كام لتر

وطبعا هتكون مسجل المسافة اللى مشتها كام كيلو تقسمهم على عدد اللترات
لو طلع ان اللتر فى الطريق السريع بيعملك من 8 الى 10 يبقي كويس

لكن متحسبهاش فى وسط البلد لان اسلوب السواقة هيأثر على استهلاك البنزين دا غير الوقوف الكتير فى الاشارات

عموما متستعجلش فى الشراء غير لما تكون مرتاح للعربية وكاشف عليها عند ميكانيكي

ربنا معاك
----------------------
محمد سالم

[wawamoha]

شكرا يا محمد سالم باشا عل الرد

بس انا لسه ما اشترتش العربيه علان اتاكد من استهلاكها للبنزين..
و برضه انا ها اخد معايا واحد شاطر قوي في البيتلز علشان يقوللي حاله الموتور و العفشه..

و شكرا ليكم .. و كل سنه و انتم طيبين

[kempel]

ايوا الماتور ده بياكل بنزين انا كان معايا بس انا عربيتى كنت معدل الماتور ذاته ل1600 يعنى ماكنتش جايبه استيراد وكان بياكل بنزين ماأعرفشى اللى معاه الماتور استيراد يعنى متقفل فى بلده بياكل بنزين ولا لاه اسأله الماتور ده معدله ولا استيراد لو معدله ماتاخدهاش لان تعديل الماتور ده ليه اصول يعنى بيتغير فيه حاجات مش بساتم وبس يعنى قطع غيار التبريد فيه مختلفة زى توربينة التبريد والريش الجانبية مش فاكر انما لو كله استيراد بيكون أحسن والله الموفق

[ابوهاشم]

انا كان معايا عربيه 1500سى سى
الاستهلاك معقول جدا 160ك داخل البلد