بولو مو 95-2000

[popmaster]

بسم الله الرحمن الرحيم
ان شاء الله هشترى بولو مو 95-2000 يا ريت اعرف اى اخبارها و قطع الغيار ايه نظامها و اى معلومات و شكرا ليكم .و رمضان كريم

[popmaster]

ايه يا جماعة مفيش اى معلومة !!!!!!!!!

[fadynabil]

معلومه بس البولو موديل ٩٥ ١٣٠٠ cc وهيا نفس موتور الجولف ٢ والإبيزا الـ ٩٤ مع وجود إختلافات بسيطه زي الموبينه مثلا وموديل ٩٥ دي بيسموها بولو فوكس

أما موديل ٩٨ دي بتبقي ١٠٠٠ cc وهي نفس شكل ال ٩٥ بالظبط مع وجود إختلاف في الأكصدام بسيط ،، وموتورها نفس موتور الإبيزا ٩٨

أما بقي موديل ٢٠٠٠ و ٢٠٠١ دي بتبقي ١٠٠٠ cc بس شكلها مختلف بسيط عن ٩٨ من الخارج ومن الداخل متغيره تماماً وتعتبر نقله كبيره بينها وبين الـ ٩٨ من الداخل

أما بقي يالنسبه لقطع الغيار فهي متوفره في كل مكان .. ويوم ماتشتري إنشاءالله هنقولك علي أقرب أماكن تلاقي عندها قطع غيار جديد وإستيراد

[elshrpeny]

إية الحلاااوة دى ههههههههه
مية مية يا فادى باشا

[chester16583]

رأييى المتواضع
البولو 95 اللى اسمها بولو فوكس بلاش منها مع انها موتورها قوى 1300 سى سى بس التكنولوجى بتاعتها قديم شويه علشان كانت معايا و تعبتنى شويه و غالبا لو لاقيتها هتلاقيها من غير باور و لا تكييف
خليك فى البولو98 لانها جميله و التكنولوجي بتاعتها احدث و تقدر تكشف عليها بالكمبيوتر و مش اغلى كتير من95
البولو 2000 احلى و اشيك من جوه و من بره بس هتلاق السعر نط معاك حبتين عن موديلات التسعينات

و ربنا يوفقك

اسف للاطاله

[mesho_kimi]

رأييى المتواضع
البولو 95 اللى اسمها بولو فوكس بلاش منها مع انها موتورها قوى 1300 سى سى بس التكنولوجى بتاعتها قديم شويه علشان كانت معايا و تعبتنى شويه و غالبا لو لاقيتها هتلاقيها من غير باور و لا تكييف
خليك فى البولو98 لانها جميله و التكنولوجي بتاعتها احدث و تقدر تكشف عليها بالكمبيوتر و مش اغلى كتير من95
البولو 2000 احلى و اشيك من جوه و من بره بس هتلاق السعر نط معاك حبتين عن موديلات التسعينات

و ربنا يوفقك

اسف للاطاله

يبدو ان عربيتك هى اللى كان فيها مشكله و حالياً سعر ال 95 تفوق على سعر ال 98 وده عشان الماتور ال 1.0 بيشيع بدري بدري وأسأل اصحاب مواتير الالف والعربيه بيتكشف عليها بالكمبيوتر عادي جداً ومفيش اى اختلاف فى التكنولوجيا غير انى دية انجيكشن ودية هاف أنجيكشن انما من حيث الشكل الخارجي والداخلي الاتنين واحد