مشكلة في عربيتي البولو

[mohamedshawky230]

انا عندي بولو 98 وكنت اول ما احط المفتاح فبي الكونتاكت وادور العربية تدور على طول وبعد فترة لقيت اني لازم ادوس بنزين وانا بدور ودلوقتي لو الموتور بارد يبقى لازم اقرص على الفتاح جامد واديلها دواسة بنزين وبتغيب قوي في الدوران وغيرت قريب طلمبة بنزين وبوجيهات يا ترى اعمل ايه تاني علشان العربية تدور من المفتاح بس

[moooooomooo]

ده عيب فى البطارية والدنامو المشكلة فيهم ان شاء الله

[ahmedyehia515]

و بالمرة بص على علبة الفيوزات اللى فوق علبة البطارية. و نضف البوابة بالإسبراى

[M.Mostafa80]

السلام عليكم ورحمه الله وبركاته
حل مشكلتك فى الأتى ولا تحتاج الى لف ودوخه
وبأذن الله عربيتك هتظبط وأهم حاجه تبقى تدعيلى
فى فى شجره المياه عندك ودى مكانها على يمين الموتور وانت وشك للعربيه الشجره دى فى حساس أسمه حساس حراره راكب فيه فييشه الحساس دا باظ عندك غيرو وبأذن الله العربيه هتبقى زى الفل
ولو انت ليك فى شغل الفك والتركيب ممكن تغيره بنفسك
من خلال انك تفك الفيشه اللى راكبه فيه وهتلاقى تيله بلاستيك راكبه فيه
هتشد التيلا دى لفوق وتطلع الحساس هينزل شويه مياه ابقى زودهم بعد كدا وحط الجديد بسرعه وركب التيله تانى والفيشه ودور عربيتك بالمفتاح
وأدعيلى
وهدورلك على صوره الشجره دى وهجيبهالك

[mohamedshawky230]

اولا الف شكر على الردود والمساعدة
ثانيا : بالنسبة للبطارية والدينامو الميكانيكي قالي ان الكهربا بتاعت العربية مظبوطة بس عموما ممكن اشوف الكهربائي هيقول عليهم ايه

[mohamedshawky230]

وبالنسبة للفيوزات اشوف برضه الكهربائي يبصلي عليهم

[mohamedshawky230]

موضوع الحساس دة لو مفيهاش ازعاج لو ممكن صورته او مكانه بالظبط وابص عليه وياريت لو حضرتك تقولي اعرف منين انه بايظ او سليم و سعره بيبقى حوالي كام والاقيه فين ؟ وشكرا

[mohamedshawky230]

ده عيب فى البطارية والدنامو المشكلة فيهم ان شاء الله

شكرا على اهتمام حضرتك و الميكانيكي قالي ان كهربة العربية كويسة بس ممكن اخلي الكهربائي يبص عليها

و بالمرة بص على علبة الفيوزات اللى فوق علبة البطارية. و نضف البوابة بالإسبراى

الميكانيكي نضف البوابة بالاسبراي ممكن اشوف علبة الفيوزات لعل وعسى وشكرا على المشاركة

السلام عليكم ورحمه الله وبركاته
حل مشكلتك فى الأتى ولا تحتاج الى لف ودوخه
وبأذن الله عربيتك هتظبط وأهم حاجه تبقى تدعيلى
فى فى شجره المياه عندك ودى مكانها على يمين الموتور وانت وشك للعربيه الشجره دى فى حساس أسمه حساس حراره راكب فيه فييشه الحساس دا باظ عندك غيرو وبأذن الله العربيه هتبقى زى الفل
ولو انت ليك فى شغل الفك والتركيب ممكن تغيره بنفسك
من خلال انك تفك الفيشه اللى راكبه فيه وهتلاقى تيله بلاستيك راكبه فيه
هتشد التيلا دى لفوق وتطلع الحساس هينزل شويه مياه ابقى زودهم بعد كدا وحط الجديد بسرعه وركب التيله تانى والفيشه ودور عربيتك بالمفتاح
وأدعيلى
وهدورلك على صوره الشجره دى وهجيبهالك

هشوف موضوع الحساس دة ويارب يكون هو وانا ادعيلك وادعيلك وادعيلك وياريت لو عرفت تجيبلي صورة فعلا للحساس دة اكون شاكر ليك

[moooooomooo]

أنا بثق فى كلام الاستاذ محمد مصطفى شوف الحساس اللى قالك عليه بس دور على ميكانيكى كويس علشان ميتعبكش

[M.Mostafa80]

بأذن الله من غير ما تلف اللى عامل المشكله عندك هو الحساس
اللى فى السوق ثمنه 70ج الأصلى 190
ووالله هتركبه هترتاح من العيب دا

[M.Mostafa80]

دا الحساس

[M.Mostafa80]

دى الشجره اللى بقولك عليها وبيبقى راكب فيها الحساس

لوركزت فى الصوره من اليمين تحت هتلاقى المكان اللى بيركب فيه الحساس بس هى باينه من الجنب

[mohamedshawky230]

دا الحساس

مقدرش اقول حاجة غير انك استااااااذ والله اول ما روحت للميكانيكي امبارح قالي استينى انا هجرب حاجة واتصل بواحد معاه بولو وقالو محتاجلك 5 دقايق وقالي سيب العربية تبرد شوية عقبال ما يجي وراح فاكك الحساس من عربيتي واول ما لقيت شوية مية نزلت من مكنه قلتله هو دة الحساس قالي مظبوط وجرب بتاع العربية التانية ولقيته زي الفل راح قايلي علشان تعرف بس ان انا فنان اشتريلك واحد بقى وهاته اركبهولك قلتله على فكرة في واحد فنااان بجد وقالي على الحل دة قابلك ياخفيف. الف شكر ليك يا باشا وبارك الله فيك

[M.Mostafa80]

العفو أحنا هنا كلنا أخوات ولازم ننفع بعض

[moooooomooo]

أنا كمان بضم صوتى لصوتك وبشكر الاستاذ محمد على المعلومات والصور والمشاركات الفعالة لجميع الاعضاء وبالمناسبة دى انا كنت عاوز أسألك سؤال يا أستاذ محمد ايه رأيك فى ذيت كاسترول بعد ما جربتة وانا علم انك جربت الفيسكو 5000 والكاسترول الماجناتك ايه رأيك أى منهم الافضل ولا أجيب كاسترول ايدج انا محتار قوى ومش عارف أجيب ايه للبولو 2001 انا عاوز اجيبلها أحسن حاجة معلهش انا بتقل عليك