باسات ولا جيتا

[mahmoudhegazy]

اسف علي الطريقة بس كل موضيعك مستفذة..

[eldeplomasy]

معلش حظي وحش اني مبقتش عضو معاكي بس كان نفسي بس خفت والله من التقفيل البرازيلي لكن الفيكترا الماني

اما بالنسبة للشاهين فهي بحالة الجديد ده غير ان الجديد بقى ب80 الف يعنى اللى معايا تجيب حوالي 65 لانها موديل 2006 وطبيعي اي حد بيبيع عايز يكسب ده حاجه بالفطرة
هههههههههههههه

وعموما شكرا لكل ردودكوا

[abf-nassar]

معلش حظي وحش اني مبقتش عضو معاكي بس كان نفسي بس خفت والله من التقفيل البرازيلي لكن الفيكترا الماني

اما بالنسبة للشاهين فهي بحالة الجديد ده غير ان الجديد بقى ب80 الف يعنى اللى معايا تجيب حوالي 65 لانها موديل 2006 وطبيعي اي حد بيبيع عايز يكسب ده حاجه بالفطرة
هههههههههههههه

وعموما شكرا لكل ردودكوا

تصدق انا كنت معدي علي المنتدي وقفت وكنت هجيب الجيتا بسبب الردود الحلوة بتاعة الاعضاء هنا رغم اني راكب سيفيك 2008 بس الموضوع لعب في دماغي
بس واضح انك دبلوماسي علي حق علشان خليت الناس كلها تروح اتجاة وانت رحت اتجاة تاني بس الاتجاة الجديد بتاع الشاهين اللي 65000 جنيه دي اعتقد انه اتجاة معاكس وتاخد فيه مخالفة
ياراجل 65000 ايه و 70000 ايه قول كلام تاني

[eldeplomasy]

ده مجد راي وفكرة

[hanady]

أفضل الجيتا

الباسات فئة أعلى و أغلى من الجيتا شقيقتها الصغرى، و لكن ده فى العالم كله ألا مصر---ليه؟؟
لأن الجمارك فى مصر هى اللى تحكم، علشان كده الوكيل منزل الباسات فى مصر بموتور 1600 و ده مع حجم و وزن العربية 2 طن يخلى أستجابة العربية بطيئة نوعا ما (مثلا عند محاولة تعدية عربية أخرى فى الصحراوى) و هذا acceleration lag or delay معروف جدا لدى جميع ملاك الباسات لضعف موتورها بالنسبة لحجم و وزن العربية (بش على موتورات الباسات بره تلقيها كلها 2000 أو اكثر و أنت طالع مافيش 1600 ده ألا فى مصر علشان الجمارك كما قلت.
ثانى فارق أن موتور الباسات FSI و ده يجعله لا يستعمل ألا بنزين 95 أو أعلى ، و اللى معاهم باسات يشتكوا مر الشكوى من هذه النقطة و لازم يظل يلف على محطات البنزين حتى يلاقى 95 (عدد محطات البنزين 95 محدودة نسبيا بالنسبة ل 92 الموجود فى كل محطة تقريبا، فضلا عن الفارق فى ثمن اللتر حوالى 90 قرشا للتر يعنى لما تفول العداد تفرق معال الباسات عن الجيتا حوالى 55 جنيه، و ماذا عن المحافظات اللتى لا يوجد بها بنزين 95 أصلا (الا فى العواصم و ما ندر--أنا اعرف محافظات فى مصر كاملة لا يوجد بأى بنزينة فيها 95 من أصلى و أصحابى اللى عندهم باسات متعذبين ويملو العربية 95 فى زياراتهم للقاهرة أو بورسعيد أو الأسكندرية، و بعضهم يخاطر و يملأ 92 لأنه هو اللى لاقينه و ده يؤثر على أداء العربية أو يضيفوا أوكتين لتحسين خصائص البنزين و يقال أن ده خطر ممكن يفسد الموتورز
برضه كماليات الباسات لا تجدها ألا فى الفءة العالية منها ، مثلا Park sensor لا يوجد ألا فى الفئات العالية من الباسات بينما موجود فى الجيتا من 185.000 جنيه

أما الجيتا فموتورها بره 1400 أو 1600 او 2000 (الموجود فى مصر 1600) و يستخدم بنزين 91 أو أعلى (الكل يملأها 92 و أدائها رائع به و لا يوجد أى acceleration lag لأن وزنها 1800 مناسب للموتور تماما، و الكماليات فيها أعلى من الباسات القريبة منها فى الثمن(202 الف قارن بأول باسات 236 ألف).

لهذه الأسباب أنا أشتريت جيتا مش باسات.
أختم بقصة أثناء عمل صيانة 5000 كيلو فى النوكيل بالعبور و أثناء الأنتظار لتسليم العربية كان بجانبى باسات تعمل هى الأخرى 5000 كيلو صيانة و تحدثت مع صاحبتها لنسلى أنتظارنا و لما سألتها عن موضوع acceleration delay قالت أنها فعلا حست بيها بعد شراء العربية و لا كانت تعرف أى شىء عنها قبل الشراء و حلتها عن طريق أستخدامها للفتيس الأوتوماتيك دائما على الوضع S

[M.Mokhtar]

شكرا يا هنادى على التوضيح
بس نسيتى تقولى ان ميزة الباسات انها اكثر فخامه وشيك جدا ومن الداخل تحفه فنيه :)
كل واحد وبيختار حاجة على حساب التانية حسب احتياجاته

[asarhan]

كان نفسي فعلا ابقى عضو في منتدى فولكس الجميل بس للاسف النهرده الحمد لله اتفقت على اوبل فيكترا ودفعت عربون وهستلمها ان شاء الله خلال الشهر القادم قلت علشان هي الماني 100% ولكن الفولكس سمعت عنها اقاويل كتير وخصوصا عن الفتيس الصيني بتاعها وانا عايز عربيه مش وعايز وجع دماغ

رأيك ياباشا غير دقيق 100%
اولا الاوبل الماني علي عيني و راسي بس بردوا الايزي ترونيك فيه مشاكل بتظهر وحصلت مع واحد صاحبي و بعد خناق بالتوكيل غير الاسطوانه والديسك ,,وانا شايف ان القتيس ده مع الاسترا افضل مع حجم السيارة وسحبها و مجربها في عربية مراتي 2008,,,لاحظ بردوا ان اخر موديل للفيكترا هو 2008 عالميا علشان كده عاملين عليها تخفيض
أما بالنسبة للجيتا انها مكسيكي انا مش شايف ان فيها مشكله لان السوق الامريكي شغال عليه وهي في الاخر من شركة فولكس الالمانيةا

[M.Mokhtar]

رأيك ياباشا غير دقيق 100%
اولا الاوبل الماني علي عيني و راسي بس بردوا الايزي ترونيك فيه مشاكل بتظهر وحصلت مع واحد صاحبي و بعد خناق بالتوكيل غير الاسطوانه والديسك ,,وانا شايف ان القتيس ده مع الاسترا افضل مع حجم السيارة وسحبها و مجربها في عربية مراتي 2008,,,لاحظ بردوا ان اخر موديل للفيكترا هو 2008 عالميا علشان كده عاملين عليها تخفيض
أما بالنسبة للجيتا انها مكسيكي انا مش شايف ان فيها مشكله لان السوق الامريكي شغال عليه وهي في الاخر من شركة فولكس الالمانيةا

مشكله الايزى ترونك انك بتحس بالنقله عشان طبعا عارفين انه مانيوال وبينقل كهربا لوحده
والتوكيل نزل برمجه جديده بتقلل الاحساس ده جدا
والموضوع ده كان موجود فى الاسترا اصلا
بس الموديلات الجديده اعتقد الاحساس ده اختفى الى حد ما

[eldeplomasy]

الف شكر للنصايح الغاليه وانا فعلا سحبت العربون تاني وقلت استنى لحد ما اشوف الدنيا هتمشي ازاي خصوصا اني سمعت ان في تخفيضات جامده على الجديد وكمان سمعت عن مشكلة الفيكترا انها اخر موديل والحمد لله على القرار ده

[M.Osman]

انا افضل الجيتا .... بحس ان الباسات طويلة عالفاضي و ابعادها مبالغ فيها ...

بالتوفيق :)

[معتز]

Tsi +dsg تحل عيوب السحب والبطء.......الباسات 2009 هى الهدف لعشاق الباسات

[asarhan]

مشكله الايزى ترونك انك بتحس بالنقله عشان طبعا عارفين انه مانيوال وبينقل كهربا لوحده
والتوكيل نزل برمجه جديده بتقلل الاحساس ده جدا
والموضوع ده كان موجود فى الاسترا اصلا
بس الموديلات الجديده اعتقد الاحساس ده اختفى الى حد ما

شكرا علي رد يا م/محمد مختار
طب انا اشتريت لمراتي الاسترا في 7-2008 هل بالبرمجة الجديده و لا القديمة لاني بحس بالنقله بالذات و الاول والثاني مع العلم انها عملت لحد دلوقتي 2000 كم فلو كلامك ده صحيح اخليهم يعملوه فى صيانه الـ5000 كم

[M.Mokhtar]

شكرا علي رد يا م/محمد مختار
طب انا اشتريت لمراتي الاسترا في 7-2008 هل بالبرمجة الجديده و لا القديمة لاني بحس بالنقله بالذات و الاول والثاني مع العلم انها عملت لحد دلوقتي 2000 كم فلو كلامك ده صحيح اخليهم يعملوه فى صيانه الـ5000 كم

مش متأكد يا باشا
انا مش متابع الاسترا كويس
ممكن تسألهم فى التوكيل وهم يقولوك
او اسأل فى قسم اوبل اللى معاهم الاسترا ممكن يفيدوك
خصوصا Moustafa_Farouk

[أبو كنوز]

الباسات طبعا

[احمد عز]

اااااااالباسات