باسات ولا جيتا

[eldeplomasy]

انا محتار جدا بين الباسات والجيتا , وركبت الاثنين تقريبا نفس الشكل من جوه , والفرق الوحيد اللى عرفته بين الاثنين ان الباسات 2000 سي سي وال جيتا 1600 سي سي , ولما قررت باسات , لقيت اني لو زودت 10000 اقدر اجيب بي ام دبليو 1600 سي سي , فمش عارف اختار ايه , ولكن انا بحب الفلوكس اكتر , فلو حد عارف مواصفات الجيتا والباسات بالكامل والفروق بينهم ياريت يقدر يساعدني ضروري , وشكرا جزيلا

[Ahmed Samy]

وركبت الاثنين تقريبا نفس الشكل من جوه

يا رااااجل حرام عليك ... دا فرق السما من العمى
الباسات من جوة عالم تاني

والفرق الوحيد اللى عرفته بين الاثنين ان الباسات 2000 سي سي وال جيتا 1600 سي سي

أولا الباسات مش 2000 سي سيولا حاجة .....دي 1600 برضه
بس الهاي لاين 115 حصان
و الجيتا كلها 102 حصان

و في فروق كتيرة بين الاتنين (شكل و حجم و كماليات)

ولما قررت باسات , لقيت اني لو زودت 10000 اقدر اجيب بي ام دبليو 1600 سي سي , فمش عارف اختار ايه , ولكن انا بحب الفلوكس اكتر

و الله دي حاجة ترجعلك
بس البي ام بي ام و الباسات باسات

[Kareem Khattab]

باسات طبعا من غير تفكير

[eng_mkhalaf]

باسات مع مديرى وتحففففففففففففففففففففففففففففففة

[Sharky]

أنا بقى رأى مختلف أنا مبحبش الباسات لكن بحب جدا الجيتا و حاسس إن شكلها لايق عليها لكن الباسانت حاسس إنها جيتا بس طولوها شويه فضربت منهم :D

[eldeplomasy]

يعنى اتوكل على الله في الباسات

ياجماعة قبل ما ادفع المبلغ ده عايز اتأكد من الفروق بينهم تستاهل الثمن ده ولا لأ ياريت لو حد يعرف الفروق كويس يقلي وفي ناس زميلي قالولي اجيب الجولف فحيرتي زادت اعمل ايه؟؟؟

[memoz]

الباسات والجيتا اكييييييييد في فرق زي الفرق كده بين الكرولا 1300و الياريس زي الفرق بين الكرولا 1600و الافنسيس زي الفرق بين السما و العمى الباسات حاجه تانيه اكيد في فروووووووووووق مش فرق اركبهم تاني وركز كده

أنا بقى رأى مختلف أنا مبحبش الباسات لكن بحب جدا الجيتا و حاسس إن شكلها لايق عليها لكن الباسانت حاسس إنها جيتا بس طولوها شويه فضربت منهم :D

رأيك يا كبيييير و انت حر فيه هما من ورا بصراحه متحسش ان في فرق فعلا:) بارغم من ان الجيتا هي الجولف بس سيدان بس برضو الباسات حاجه تانيه

[SEATLOVER]

أنا بقى رأى مختلف أنا مبحبش الباسات لكن بحب جدا الجيتا و حاسس إن شكلها لايق عليها لكن الباسانت حاسس إنها جيتا بس طولوها شويه فضربت منهم :D

+10000000000 رأى فى الجون بصراحة ...كالعادة
وان جيت للحق لادى ولا دى العربية مش بشكلها ولا حجمها ...العربية بأداءها
امال البى ام معمولة لية

[memoz]

بس انا بصراحه معجب باداء الباسات بمتورها ال Fsi و الفتيس ال ست سرعات بصراحه عربيه محترمه جدا جدا

[eldeplomasy]

البي ام دبليو على فكرة انا سقتها ال 316 وسقت الجيتا تقريبا نفس الاداء انا بقولك شديت بالشاهين مع البي ام دبليو ال316 تقريبا برده نفس الاداء انا اللى بيفرق معايا التقفيل من جوه صوت الكاسيت اضواء التابلوه اضواء العربية من جوه الهدوء هدوء الموتور مع قوة ادائه الشاشة الداخلية اللى بين العدادات زي الباسات والجيتا اللى بتتحكم فيها بكل حاجه عدد الوسائد الهوائية اللى جوه العربية تقلها على الطريق كده فمحتار بجد ده طبعا + الشكل الخارجي وتوفر قطع الغيار لاني مش عايز ادوخ عليها لاني مش فاضي المهم انها تكون متوفرة باي ثمن

[eldeplomasy]

ثم نسيت اقولكوا البي ام والمرسيدس بره سعرها زي اي عربية لكن معرفش ليه في مصر غالية بالطريقة دي مدينها اهتمام زيادة شوية بره في السعودية البي ام ارخص من الكامري متيخلين كلامي بجد محتار جدا ودخل في التسابق الجولف والمرسيدس ال بي كلاس ال1500 سي سي

اعمل ايه ساعدوني يارب ما تقعوا في ورطتي دي

[memoz]

الباسات بقي ادائها اعلي من الجتا انا سقت الباسات fsi بصراحه اكتشفت اني كنت ظالمها والله
و توكيل فولكس توكيل محترم جدا ولا غبار عليه

[eldeplomasy]

محتار بصراحه ياريت الناس كل اللى عنده تجربة يقولها علشان اقرر لاني المفروض اخر الشهر ده اكون قررت

[memoz]

أنا بصراحه جربت الباسات و ممتازه جدا جدا

[eldeplomasy]

جربت صوت الكاسيت بتاعها وهدوء الموتور واقصى سرعه ليها كانت كام والسرعه الفعلية مش سرعة العداد يهمني سرعة الموتور ولاوبشن اللى فيها والكابينة نفسها معزوله كويس يعنى النويس بره بتبقى سامعه حتى على السرعات العالية ولا ايه ياريت ترد عليه بالتفصيل