Tweet
واضح يا احمد انك خبرة جامدة بالفولكس بس كنت عاوز مشورتك بالنسبة للجيتا الخليجى ليه فبها تفاوت فى الاسعار كدة؟؟؟؟؟؟؟؟؟؟ و مين اضمن واحد عنده الخليجى وبسعر كويس؟؟؟؟
-
-
بص يا سيدي التفاوت ده لأن العربيات متفاوته في المواصفات يعني مافيش حاجه تقيس عليها بس لازم تلف كتير
التكات الخفية زي :
1 - فيه ناس بتشيل المساحات الأصلية (اللي كلها مطاط) و تحط مساحات اي كلام
2 - في ناس بتشيل الفتاحة المعدن من حامل الأكواب
3 - تلاقي الدريكسيون فيه زراير التليفون و التاجر يقوللك (فيها تجهيز كار كيت) و تسمع قصص كتيرة عن ازاي تشغل الكار كيت . و الحقيقة هي : انك هاتروح التوكيل تركب قاعدة بتكون بارزة من التابلوه علشان يتحط عليها الموبايل (3000 جنيه) و طبعا مش اي موبايل يركب عليها (مش عارف اسمه ايه كده بس غالي و مش في مصر) المهم انك هاتضطر تركب على القاعدة دي converter للموبايل اللي تحب تستعمله و ده بــ 1300-1500 جنيه .
فيه عربيات بتنزل بالقاعده البارزة و فيه من غيرها ....خللي بالك
4 - في عربيات بتنزل 5 جنوط و ده افضل في تدوير الكاوتش و في بينزل الاستبن حديد
5 - نادرا ما هتلاقي كرسي الراكب الأمامي بيتحرك كهربا بالكامل و غالبا هتلاقي حركة واحدة اللي قولتلك عليها (دعم الجذع او الفقرات القطنية - lumbar support و دي الحتة اللي في ظهر الكرسي اللي بتطلع تسند اسفل الظهر لتقليل آلام القيادة )
6 - للأسف في ناس بتحط في العربيات سنسورز مش بتاعها و فرش جلد مش بتاعها السنسور الأصلي هو اللي داخل جوا الاكصدام و لما تجيب R هتلاقي صورة العربية طلعت في شاشة الكاسيت (sensor display) . و الصوت بيطلع من سماعة الباب اللي و را السواق .
7 - الفرش الجلد تعرفه من نوع الخياطة (الأصلي متخيطة بخيط تقيل و نضيف- زي اللي في الصورة) اما المتركب فهو خيط سروجي عادي. + فرش الأبواب + المخدع لازم يكونو جلد برضه .
8 - الزينون : لازم يكون على عدسة مس على الفانوس الكريستال العادي
9 - الفوجات : لما تشغل الفوج و تسحب البكرة عليك تاني هاينور في التابلوه اشارة الفةج لايت الخلفي (هاتلاقي النور اللي ورا بقى جامد زياده) لو ده ما حصلش , سبقى الفوج لراكب و مش اوريجينال
العربية اللي فيها كل الحاجات الحلوه اللي فوق :
فرش جلد +سخانات+كرسي كهربا للسواق بالكامل و حركة واحدة للراكب+قاعدة الكار كيت+الجنط الخامس (بس ناااادر قوي)+زينون+سنسور+فوجات+جنوط17 .
بيكون تمنها 205 و ممكن تخلص على 203 كمان و ممكن اقل بس ما شوفتهاش
اسمع عن واحد اسمه أباظة بس ماعرفش مكانه بالظبط .
======================================
دور كويس و ما تستخسرش و قت
و لف بورقه و قلم علشان تقدر تقارن
و ربنا معاك:)[CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]Comment
-
فى حد ممكن ينصح بتاجر معين يكون محترم و مضمون ؟Comment
-
ماشاء الله عليك يأحمد مرجع للجيتا
سؤال كنت عايز اتأكد منه
مش الجيتا تعتبر النسخه البرازيلى الاصغر بالنسبه للباسات؟Comment
-
الجيتا و الباسات من انتاج مصنع فولكس في امريكا الاتينيةالمشاركة الأصلية كتبت بواسطة M_HaFeZ مشاهدة المشاركة
و هو بالمناسبة في المكسيك و ليس البرازيل (اوبل هي التي تصنع في البرازيل و الهند)
اما انها نسخة مصغرة من الباسات فهذا غير مقنع بالمرة
لأنهما على شاسيهات مختلفة و محركات مختلفة (سيبك من اللي بينزل مصر) و من فئتين متفاوتتين
الجيتا هي النسخة السيدان من معشوقة الجماهير (جولف5) و التي مازالت تصنع في أحضان المانيا حفاظا على السلالة العريقة.[CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]Comment
-
بعد إذن صاحب الموضوع
يا ريت يا أخر أحمد تقوللي الفرق بين الموديل الخليجي والمصري ؟
ويا ترى ممكن ألاقي فين جيتا هاي لاين 2007
وإيه الفرق بينها وبين 2008
لك جزيل الشكرإيه اللي خلى أملنا
فكر يمسح دموعنا
وأما لقانا هاجرنا
رجع باكي عليناComment
Comment