انا كرهت الجولف وندمت اني جبتها

[skeedu]

باشا الموتور ده انجكشن يعني موفر فالبنزين بس عيب المواتير الإنجكشن متخدش بنزين 80 لأن نسبة انضغاطها عالية غير كده موفرة فالبنزين 90 او 92 عليك وعلي سيد عبده او رشاد فالحرفيين وده الأول لأن دي مشاكل كهربه بالأساس ومتزعلش وعادي كل عربية ليها مشاكلها دي بس عين صابتك ولا حاجة استخير ربنا قبل كل شيء ياباشا الجولف والعربيات الهاتش باك دي منظورة في اغلب الأحوال عليك بالأذكار وطمننا عملت ايه

للاسف انا حتيطلها بنزين 80 انبارح والعربية سحبها يعتبر مات، ورحت كملت عليه 10 لتر 92 فاقت شوية
النهارده عمال ادور فيها حالفه متدورش

انا حاسس اني لغبط الدنيا :( :(

[cOrn]

والله اى عربية مستعمل قديمة بتبقى كدة , صاحبها الاصلى بيبقى واخد على مشاكلها و عارف يتعامل مع عربيته لكن انت لسة جديد على العربية وفاكر ان كل حاجة فيها مظبوطة و دة طبعا من غير الطبيعى انك تلاقى كل حاجة فى العربية مظبوطة و 100 100 , و اقسملك بالله لو ظبطت العربية دى مش هتبقى عايز تغيرها طول عمرك , بس الموديل يحكمك و تجيب الموديل الاحدث انشاء الله

[skeedu]

والله اى عربية مستعمل قديمة بتبقى كدة , صاحبها الاصلى بيبقى واخد على مشاكلها و عارف يتعامل مع عربيته لكن انت لسة جديد على العربية وفاكر ان كل حاجة فيها مظبوطة و دة طبعا من غير الطبيعى انك تلاقى كل حاجة فى العربية مظبوطة و 100 100 , و اقسملك بالله لو ظبطت العربية دى مش هتبقى عايز تغيرها طول عمرك , بس الموديل يحكمك و تجيب الموديل الاحدث ان شاء الله

انشاء الله، ربنا يباركلك كلامك بلسم

ريحت قلبي

[haroun707]

تصدق انا في رأيي ان الجولف 2 احلى و اجمل و أميز شكل نزل في العربيات الجولف

و اكثرهم متانة و شياكة

العربيات دي لما تتشد و تبقى تمام برقبة 100 عربية من الزيرو بتوع اليومين دول سواء صيني و للا كوري ولا حتى الالماني الجديد ولا اي ملة تانية, و العربية دي استحالة تمشي 65 كيلو في الصفيحه دي لو مضبوطة تعمل فوق ال 120 كيلو في الصفيحه جوة البلد و فوق ال 180 في السفر

ماتضايقش نفسك و العربية حاتاخد منك شوية وقت ووجع دماغ لغاية ماتتضبط معاك و تبقى تمام

و بكرة تفتكر الكلام دة و تضحك

ربنا يباركلك فيها و يرزقك خيرها و يكفيك شرها

فعلاً انت عندك حق جداً العربيه دى انا بردوا شايف انها اجمل شكل نزل فى الجولف وانا شخصياً بجبها جداً

للاسف انا حتيطلها بنزين 80 انبارح والعربية سحبها يعتبر مات، ورحت كملت عليه 10 لتر 92 فاقت شوية
النهارده عمال ادور فيها حالفه متدورش

انا حاسس اني لغبط الدنيا :( :(

ياباشا مع احترامى لحضرتك فرق البنزبن مع الوقت حضرتك بتدفعه تانى ويمكن اكثر فى صيانات
انا كان معايه 128 ولادا 1500 وكنت بحطلهم بنزين 92 والحمد لله كانت مشاكلهم تكاد تكون معدومه
وعلى فكرة انا كنت الاول بحط 90 ولما غيرت متطر لــ 92 لان ساعتها مكنتش لاقى غيرة وانا كان فى اعتقادى انها مش فارقه بين الـ 90 والـ 92 عاوز اقولك انى لاحظت فرق جامد

وفيه حاجة عاوز الفت نظرك ليها لما تكون رايه للميكانيكى يظبطلك العربية حط البنزين اللى حتمشى عليه فى المستقبل علشان يظبطلك على الاوكتين بتاعه ومعدل حرقه

والله اى عربية مستعمل قديمة بتبقى كدة , صاحبها الاصلى بيبقى واخد على مشاكلها و عارف يتعامل مع عربيته لكن انت لسة جديد على العربية وفاكر ان كل حاجة فيها مظبوطة و دة طبعا من غير الطبيعى انك تلاقى كل حاجة فى العربية مظبوطة و 100 100 , و اقسملك بالله لو ظبطت العربية دى مش هتبقى عايز تغيرها طول عمرك , بس الموديل يحكمك و تجيب الموديل الاحدث ان شاء الله

فعلاً الكلام ده صح جداً جداً

[aymanay32]

حاول تتصل بصاحبها القديم و تساله عن الميكانيكى اللى كان بيروحله فين و تروحله
هوه اكثر واحد ادرى بالشغل اللى اتعمل فى العربية قبل كدة و عيوبة و الشغل اللى العربية محتاجاه

[SeaShark]

معلش انت اصبر عليها شويه و اهم حاجة انك تغير الميكانيكي ده و تروح بءي لواحد تكون سمعته كويسه جدا شوف كده في الحرفيين ممكن يكون في هناك ميكانيكيه كويسين بتوع فولكس

و بعدين محدش ابدا يودي عربيته للميكانيكي و يسيبها تعد عنده بالاربع و الخمس ايام ليه يعني هو بيعمل ايه كل ده هي مش عمرة يعني عشان تعد كل ده عنده و بعدين سواء الميكانيكي ده او غيره انت لازم تقف علي ايده و هو شغال و تشوف بيعمل ايه و بيجيب قطع الغيار منين و تتدخل في كل صغيرة و كبيرة انا عمري ما سبت عربيتي عند الميكانيكي و مشيت ابدا

بص انت متضايقش نفسك وديها بس لواحد كويس و ان شاء الله هتتظبط معاك و اتعب شوية معاها في الاول عشان ترتاح بعد كده.

[Adham]

و بعدين محدش ابدا يودي عربيته للميكانيكي و يسيبها تعد عنده بالاربع و الخمس ايام ليه يعني هو بيعمل ايه كل ده هي مش عمرة يعني عشان تعد كل ده عنده و بعدين سواء الميكانيكي ده او غيره انت لازم تقف علي ايده و هو شغال و تشوف بيعمل ايه و بيجيب قطع الغيار منين و تتدخل في كل صغيرة و كبيرة انا عمري ما سبت عربيتي عند الميكانيكي و مشيت ابدا
.

صح الصح

انا مرة زمان كنت سايب عربيتي الهوندا عند ميكانيكي و معرفة من سنين و رحت استلمها لقيتها ماشية 900 كيلو, طبعا شطت فية و مكانش عارف يرد ازاي العربية تمشي 900 كيلو في يومين تلاتة اربعه ازااااي !!! كان مشغلها ميكروباص

[Piowood]

معلش يا ريس .. والله العربيه اللي معاك دي زي الفل وبحترمها بس استحمل شويه وخليك معاها للأخر لحد ماتتزبط وهاتلاقي الدنيا بأمر الله تمام .. بس يا راجل يا طيب ماتمونش 80 تاني عشان تحافظ على موتورها ..

وبالتوفيق

[skeedu]

متشكر يا شباب على اهتمامكم وآرائكم

على فكرة المشكلة طلعت في الميكانيكي (سيد فكري) حسبي الله ونعم الوكيل فيه

انا رحت الحرفيين لكهربائي اسمه حسين بلية، لقيت المشكلة عندي في الحساس بتاع بوابة البنزين بايظ
راح شايل الفيشة وعمل قفلة بلمبة صغيرة كده، العربية هديت والار بي ام هدي خالص وبقا قبل ال 10 بشرطة وصوتها هدي خالص

اتضحلي ان سيد فكري غيرلي البوابة ببوابة بايظة

هروح اعمل معاه مشكلة واخليه يجبلي بوابة سليمة او يديني 200 جنية حقها

ادعولي ربنا يباركلي فيها لاني خلاص فلست :)

[cOrn]

حساس بوابة البنزين اللى هوا ال Idle control ?

[ahmedteama]

بص على فكرة انا بدور دلوقتى على جولف 2 وبجد العربية دية مع كل صحابى ومسقطين لها مواتير والعربية مشاء اللة عليها جرى وثبات وشياكة بس انت بس ظبطها وبعد كدة هتحس يعنى اية انك راكب جولف 2 وبعدين انا لو مكانك اشترى ماتور بعفشة جديد وارح نفسى من وجع القلب دة او اظبطها عند ميكانيكى كويس ومايشتغلنيش بس المهم استريح واتمتع بيها ...اللى بيركب جولف بيركبها عشان يتمتع بيها مش عشان يقرف منها