مطلوب سعر بولو موديل 2000

[afelnadi]

الأخوة الأعزاء قدامي عربية بولو موديل 2000 مرفوعة 5 سنين وعاملة 86000 ك فابريكة برة وجوه و الرخصة من 2006 ما جددتش مافيهاش بطارية وطبعا الكاوتش محتاج يتغير لأن التاريخ المكتوب علية 2004 و فيها كاسيت بايونير وانا كشفت عليها في البنزينة وقالولي اني حالة الشاسية جيدة والموتور 65% و محتاجة ظبط زوايا علشان العجل ألي من قدام فرق

ياريت لو حد يفدني اخر العربية كام مع العلم اني انا ألي هادفع مصاريف التجديد القديمة وهل حالة الموتور 65% دا معقول ولا يقلق و شكرا

[smsm_nabawy]

الأخوة الأعزاء قدامي عربية بولو موديل 2000 مرفوعة 5 سنين وعاملة 86000 ك فابريكة برة وجوه و الرخصة من 2006 ما جددتش مافيهاش بطارية وطبعا الكاوتش محتاج يتغير لأن التاريخ المكتوب علية 2004 و فيها كاسيت بايونير وانا كشفت عليها في البنزينة وقالولي اني حالة الشاسية جيدة والموتور 65% و محتاجة ظبط زوايا علشان العجل ألي من قدام فرق

ياريت لو حد يفدني اخر العربية كام مع العلم اني انا ألي هادفع مصاريف التجديد القديمة وهل حالة الموتور 65% دا معقول ولا يقلق و شكرا

حالة الموتور 65% وحشة أوي بالنسبة لعربية موديل 2000 و مرفوعة 5 سنيين ،، ليه هو كان بيعمل بيها أيه في باقي ال5 سنين الباقيين ؟؟

و مستنين رد أصحاب الخبرة في البولو

[afelnadi]

شكرا على الأهتمام يا أخ سمسم و الله هي صاحبتها واحدة مش واحد و على العموم أنا مش متأكد من طريقة قياس الموتور انا رحت بنزينة التعاون الي في صلاح سالم ودخلوها على جهاز ضبط الزوايا ووصلوا سلك من الكمبيوتر للموتور وبانت على الشاشة صورة اربع بساتم الوانهم بتتغير مع التزويد انا مش عارف هو دة الكبس ولو مش هو ه في طريقة أدق لقياس الموتور

[smsm_nabawy]

شكرا على الأهتمام يا أخ سمسم و الله هي صاحبتها واحدة مش واحد و على العموم أنا مش متأكد من طريقة قياس الموتور انا رحت بنزينة التعاون الي في صلاح سالم ودخلوها على جهاز ضبط الزوايا ووصلوا سلك من الكمبيوتر للموتور وبانت على الشاشة صورة اربع بساتم الوانهم بتتغير مع التزويد انا مش عارف هو دة الكبس ولو مش هو ه في طريقة أدق لقياس الموتور

ممكن يفيدك في المووضوع ده ناس كتير منهم عضو حبيب علي و أخ فاضل لي ،، أسمه هشام ، هو عنده بولو ،، و هو أن شاء الله يفيدك أكتر مني في االموضوع ده ،، أن شاء الله يقرا الموضوع بتاعك و يرد عليك

[afelnadi]

[overline]أية يا جمـــاعة فيـــن خبــــراء البــــولو على العموم انا متابع بأهتمام على فكرة في معلومة مش عارف ممكن تفرق في تقييم حالة الموتور ولا متفرقش انا أخدت العربية من الجراج المرفوعة فية على البنزينة على طول يعني الكشف دة بعد وقفة خمس سنين من غير اي سرفيس او حركة للعربية [/overline]

[afelnadi]

[overline]أية ياجماعة الموضوع صعب كدا طيب على العموم هي صاحبتها قافشة على 40 الف ياترى تستاهل ولا كتير عليها ولحد كام اخلص معاها يارب حد يفدني لأن الموضوع مستعجل [/overline]

[smsm_nabawy]

بص
اللي أعرفه أن البولو فوكس 1300 مو 1995 ب حاجات و تلاتين
و تجيب مثلاً 38 بالكتير لما تكون حالة نظيفة جداً ،، و تكييف و سنتر و كده ، طبعاً عرفت بعد كده من أخي العزيز هشام ،، أنه التكييف ده مش فبيركة و أن التكيف الأصلي بتاعها غالي و كده ،، بس قشطة أه بيتركيب برده ،، المهم لو أنذار و جنوط و كده و حالة كويسة بتبقى ب 38 بالمتيرر اوي في أحسن حالتها ،، بالقياس على العربية دي ،، 40 ألف أنا شايف أنهم كويسين ،، رحلها ب 38 ألف جنيه و أديهملها كاش ، و قلها اللي معايا حالياً ممكن توافق لما تشوف الفلوس ، لو كده طلع الألفين الباقيين من جيبك التاني :)) و توكل على الله ،، دي نصحيتي أنا ،، و انتظر رأي أهل الخبرة..!!!

[mesho_kimi]

بص ياباشا أنا شايف انى كده العربيه محتاجه بعد المصاريف ده غير ان كبس الماتور قليل جداً وللتاكد من الكبس ياريت تروح عند ميكانيكي يقيس الكبس مره تانيه وهوه اللى حيحددلك حالة الماتور ده غير انى سعر موديل 2000 اللى هوه 2001 وده فى فرق فى الشكل الخارجي مش كبير وفرق في الشكل الداخلي ولو عربيه حالتها ممتازه ممكن توصل ل 45 ألف فيفضل انك تروح لميكانيكي فولكس يحط العربيه على الجهاز عشان لو فى مشكله فى اى حساس ويتقاس الكبس من جديد ده غير انى شايف انى غلط انى الماتور كان يتقاس كبسه أو تدور من الاساس من غير تغيير الزيت لانى الزيت بينتهى صلاحيته تماماً بعد سنتين مش 5 سنوات

[afelnadi]

يا جماعة انا متشكر على النصايح دي وادعولي ربنا يسهل

[smsm_nabawy]

ربنا يسهل الحال أن شاء الله ،، و يهديك للي فيه الخير و الأمان ليك