يا جماعة حد يفيدنى

[hamada2u2000]

[overline]يا جماعه انا معايا بولو 2001 فضى انا اللى راششها بره نضافة من جوه فابريكة وماتورها ممتاز واستهلاكها فى البنزين حكايةالمهم العربيه فاضية ما فيش فيها كماليات انا محتاج تكييف فا ايه رايكوا عايز حد يفيدنى اركب ليها تكييف والا ابيعها واجيب عربيه مكيفة وياريت لو هاكيفها اعرف تتكلف ايه وهل هاتبقى كويسة وسحبها على الطريق هايبقى فيه فرق كبير والا التكييف هايسحب كتير من عزم العربيه[/overline]

[moooooomooo]

شوف ياباشا أنا معايا بولو 2001 مكيفة لكن التكييف بتعها بيخلى السحب ضعيف جداً وهو نازل فيها مابالك انك هتركبة وعلشان تركبة وممكن يبقى كويس ياريت يكون فى التوكيل والافضل الافضل تبعها وتجيب مكيف من بلاده أحسن وعموماً ممكن تبعها على الصيف اللى جاى فى شهر 4 ولا حاجة لأننا دخلين على الشتاء خلاص والسوق بيضعف فى الشتاء شويه خليها فى الصيف وأهو تستفيد منها فى الفترة دى وده رأى الخاص وممكن نسمع آراء الاخوه وك عام والجميع بخير

[mesho_kimi]

شوف ياباشا أنا معايا بولو 2001 مكيفة لكن التكييف بتعها بيخلى السحب ضعيف جداً وهو نازل فيها مابالك انك هتركبة وعلشان تركبة وممكن يبقى كويس ياريت يكون فى التوكيل والافضل الافضل تبعها وتجيب مكيف من بلاده أحسن وعموماً ممكن تبعها على الصيف اللى جاى فى شهر 4 ولا حاجة لأننا دخلين على الشتاء خلاص والسوق بيضعف فى الشتاء شويه خليها فى الصيف وأهو تستفيد منها فى الفترة دى وده رأى الخاص وممكن نسمع آراء الاخوه وك عام والجميع بخير

معلش انا بختلف معاك أحنا ممكن نطلق كلمة التركيب لو العربيه اساساً ملهاش تكيف واحنا ركبنا واحد فى الحاله دية بيبقه اسمه شغل عك ومالوش لازمه انما العربيه اساساً متجهزه للتكيف وتكيفها الاصلي بيتباع كل اللى حيعمله انه حيشتري واحد أصلي سعره بمواسيره باليله كلها 2500 جنيه وبكده هو اشتري حاجه فبريكه ركبها فى العريبه ذيها ذى اللى عنده عربيه مكيفه وتاكيفها عطل بالظبط

[M.Mostafa80]

معلش انا بختلف معاك أحنا ممكن نطلق كلمة التركيب لو العربيه اساساً ملهاش تكيف واحنا ركبنا واحد فى الحاله دية بيبقه اسمه شغل عك ومالوش لازمه انما العربيه اساساً متجهزه للتكيف وتكيفها الاصلي بيتباع كل اللى حيعمله انه حيشتري واحد أصلي سعره بمواسيره باليله كلها 2500 جنيه وبكده هو اشتري حاجه فبريكه ركبها فى العريبه ذيها ذى اللى عنده عربيه مكيفه وتاكيفها عطل بالظبط

بس خلى بالك ياميشو مش بيبقى معمول حسابه فى الدفيره وبالتالى الكنترول ما بيديش اشاره للبوابه تعلى العربيه مع التكييف وبالتالى المموضوع هيبقى خنقه الا اذا وديت العربيه لحد بيفهم وركبهولك فابريكه

[hamada2u2000]

طيب لو جيت ابيعها تساوى كام ؟

[moooooomooo]

هيه عامله كام كيلو وحالة العربيه من جوه ايه اوصف العربيه بشيئ من الدقة علشان نعرف نثمنهالك كويس بالتفصيل

[hamada2u2000]

اسف على التاخير فى الرد
العربيه رشة بره نضافة انا اللى راششها
وعاملة 137300 كم والعربيه من جوة فبريكة وبفرش الفبريكة وانا لسه مغير ليها طقم الكهربا والكاوتش

[hamada2u2000]

هيه عامله كام كيلو وحالة العربيه من جوه ايه اوصف العربيه بشيئ من الدقة علشان نعرف نثمنهالك كويس بالتفصيل

بسم الله الرحمن الرحيم
العربيه 2001 فاضية انا اللى راششها بره نضافة انما من جوة بحالة ممتازة وموتورها ممتاز انا لسه مغير ليها طقم الكهربا والكاوتش والله العربيه ما زعلتنى فى حاجه بس انتوا عارفين يومين الحر اللى فاتوا كانوا صعبين جدا وانا لسه عريس جديد ومكنتش عارف اخرج بيها خالص
ولكم جزيل الشكر

[hamada2u2000]

والعربيه عامله 137300 كم

[moooooomooo]

انا آسف على التأخير العربية تساوى من 39 إلى 41 حسب شطارطك مع اللى بيشترى وممكن تحطها على موقع كونتكت كار وتشوف الامور هتوصل لفين وكمان ياريت نسمع رأى الاصدقاء على المنتدى ولو محدش استجاب ممكن تكرر الموضوع من تانى وتعرضة للمناقشة وربنا يوفقك ان شاء الله

[hamada2u2000]

شكرا جدا على ردك
وربنا يسهل واعرف ابيعها وايه رايكوا اجيب ايه مكانها بحيث ما احطش كتير يعنى حاجه ب 45 الف بالكتير ؟

[elshrpeny]

والله أنا من وجهة نظرى إن مفيش حاجة أفضل من البولو ال 2001 و الأبيزا برده ال 2000 او ال 2001 فى السعر دا , بس تحاول بقى المرة دى تجيبلك حاجة تكون تكييف وباور فابريكة و متكونش راشة خالص بره تكون دهان الفابريكة و أنت ساعتها تكون مرتاح و مرضى أكتر إن شاء الله

وربنا يوفقك لما هو فيه الخير كله

[hamada2u2000]

ربنا يسهل بس ان شاء الله وابيع بس لو جيت اشترى ان شاء الله هاشترى عن طريق الموقع هنا لان الناس هنا محترمة وتحب تفيد بجد ويا ريت يا جماعة نكون اصدقاء ولو اى حد محتاج اى حاجة من دمياط يكلمنى وانا تحت امرة ان شاء الله

[elshrpeny]

الله يخليك يا حماده
وربنا يوفقك إن شاء الله وتبيع الى معاك , و تجيب حاجة نظيفة أفضل منها بإذن الله